მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ივანიშვილს თავი ჰგონია ავტობუსის მძღოლი, რომელსაც მოსკოვისკენ გადაახვევინებს... სამწუხაროდ, მის მატარებელს შეუძლია გააჩეროს ხაშურში" - გოცირიძე
14:26 / 05-10-2022
ივანიშვილს საკუთარი თავი ჰგონია ავტობუსის მძღოლი, რომელსაც ევროპიდან მოსკოვისკენ გადაახვევინებს, მაგრამ სამწუხაროდ, ის არის მატარებლის მძღოლი, რომელიც მყარ ლიანდაგზე დგას და შეუძლია მხოლოდ დაამუხრუჭოს, ამაზე ივანიშვილი პასუხს მიიღებს, - ამის შესახებ "ნაციონალური მოძრაობის" დეპუტატმა რომან გოცირიძემ "ინტერპრესნიუსთან" განაცხადა.
მისი თქმით, 9 დეპუტატი, რომელსაც ხელისუფლება არ ემიჯნება, მეტიც, ამბობს, რომ სხვაობა მათთან შინაარსობრივ საკითხებზე არ აქვთ, ყველანაირ საზღვარს გასცდა, რაც იმას აჩვენებს, რომ ივანიშვილი ვეღარ აცნობიერებს თუ რა სახიფათო თამაშშია.
“ივანიშვილს საკუთარი თავი ჰგონია ავტობუსის მძღოლი, რომელსაც ევროპიდან მოსკოვისკენ გადაახვევინებს, მაგრამ სამწუხაროდ, ის არის მატარებლის მძღოლი, რომელიც მყარ ლიანდაგზე დგას, ეს ლიანდაგი ევროპისკენ მიდის და ივანიშვილის მასშტაბის მქონე ადამიანები მას ლიანდაგიდან ვერ ამოაგდებს, ერთადერთი შეუძლია დააჭიროს მუხრუჭს და გააჩეროს ხაშურში. მას შეუძლია მხოლოდ შეაფერხოს ევროინტეგრაცია, მაგრამ ამის საპასუხოდ, მიიღებს დარტყმას როგორც ამომრჩევლისგან, ისე საერთაშორისო პარტნიორებისგან. იმდენად დაბრმავებულია შვეიცარიულ ბანკთან დავით, ვერ აცნობიერებს, რომ ყველა ზღვარი გადალახა. ასე რომ, მას სანქციები ვერ ასცდება. მას დიპლომატიური არხებით პირდაპირ თუ ირიბად ეტყვიან ამას, საჯაროდ პოლიტიკოსები ამბობენ და არა აღმასრულებელი ხელისუფლების წევრები, ისევე როგორც ევროპარლამენტმა მიიღოს რეზოლუცია, რომ ოლიგარქია და სანქციებია გამოსაყენებელი. ის ვერ აცდება სანქციებს თუ არ გააცნობიერა რა სახიფათო თამაშს ეწევა და ვერ გააცნობიერა, რომ რუსეთი ინგრევა,"- განაცხადა გოცირიძემ.
ის ასევე გამოეხმაურა აშშ-ის სახელმწიფო მდივნის მოადგილის ვიზიტს საქართველოში 5-6 ოქტომბერს და აღნიშნა, რომ ეს არა მთავრობის, არამედ ქვეყნისთვის მხარდაჭერის გამოხატვას ნიშნავს. გოცირიძის თქმით, დაისმება ყველა კითხვა იმასთან დაკავშირებით, თუ სად დგას დღეს საქართველოს ხელისუფლება.
"რაც შეეხება კონკრეტულ ვიზიტს, ეს ოფიციალური ვიზიტია და ემსახურება სტრატეგიულად მნიშვნელოვანი ქვეყნისადმი და არა მთავრობისადმი მხარდაჭერას და ასევე ბუნებრივია, შიდაპოლიტიკური ვითარების უკეთ გაცნობას. ბუნებრივია, ყველა კითხვა, რაც დღეს არის, მათ შორის ის, თუ სად არის საქართველო უკრაინასთან დაკავშირებით, რატომ არ უერთდება სანქციებს, რატომ არ არსებობს ოფიციალური დოკუმენტი, რომ არ იქნება გამოყენებული საქართველო სანქციების გვერდის ავლისთვის, ყაზახეთმაც კი, რომელიც რუსეთის ეკონომიკური სივრცის ნაწილია, ოფიციალური დოკუმენტი მიიღო, ამიტომ კითხვები ყველა მიმართულებით იქნება და მთავარი კითხვა, რა თქმა უნდა, იქნება აპირებს თუ არა რეალურად საქართველო 12 რეკომენდაციის შესრულება და სურს თუ არა დასავლეთთან ინტეგრაცია,"- განაცხადა გოცირიძემ.
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
10 წელია, ბიძინა, შენი სიტყვით--მძღოლიაო--და რითი ვერ გადაუხვია რუსეთისკენ?? უკვე ბოსავთ ნაცსექტელები.
მძღოლის ჰქვია ავტომობილს ვინც მართავს, მატარებელს კი მემანქანე ჰყავს.
როგორ ძალიან უნდა, რომ მაგარი განათლებული და ენამოსწრებული კაცის იმიჯი შეიქმნას ამ ცუნცულამ. :)