2
აპრილიდღის ზოგადი ასტროლოგიური პროგნოზი
კიდევ ერთი უმძიმესი ავტოსაგზაო შემთხვევა სამტრედიის გზაზე მოხდა. მსუბუქი ავტომობილი და ტრაილერი ერთმანეთს შეეჯახა. შეჯახების შედეგად ადგილზე დაიღუპა ვანი-ბაღდათის ეპარქიის სასულიერო პირი, ვანის მუნიციპალიტეტის სოფელ მუქედის ტაძრის მოძღვარი, დეკანოზი ალექსი როხვაძე და მისი 8 წლის შვილი. დაშავდა ასევე გარდაცვლილი სასულიერო პირის მეორე შვილი და ტრაილერის მძღოლი.
ისინი ქუთაისში, კლინიკაში არიან გადაყვანილები. ადგილზე მობილიზებული არიან საპატრულო ეკიპაჟები, მიმდინარეობს საგამოძიებო მოქმედებები. გარდაცვლილების ცხედრები უკვე ექსპერტიზაზე გადაასვენეს.
მომხდარს ძალიან განიცდის მოძღვარი, დეკანოზი სტეფანე მაღლაკელიძე, რომელიც წლებია იცნობს გარდაცვლილ სასულიერო პირს და მის ოჯახს.
მამა სტეფანე მაღლაკელიძე:
- უმძიმესი ტრაგედიაა მომხდარი, ჩვენი ეპარქიის სასულიერო პირი და მისი 8 წლის შვილია გარდაცვლილი. მამა ალექსი როხვაძე ვანი-ბაღდათის ეპარქიაში მსახურობდა. საიდან მოდიოდა და რა იყო ამ ავარიის გამომწვევი მიზეზი, ჯერ არ ვიცი, უმძიმესი კადრები ვნახე ინტერნეტით, საიდანაც ჩანს, რომ ტრაილერი ერთ მხარეს არის გადაბრუნებული და მსუბუქი მანქანა მეორე მხარეს. საჭესთან მამაო იჯდა, მანქანაში ეჯდა შვილები. საშინელზე მეტი მდგომარეობაა, სიტყვებით ვერ გადმოგცემთ, როგორ განვიცდი...წაიკითხეთ სრულად
ნახეთ ასევე:
ნახეთ ვიდეოკადრები შემთხვევის ადგილიდან:
ღმერთმა ნათელში ამყოფოს მათი სულები რომ უყურე ამ საშინელებას ძალიან ვინერვიულე შეიძლება ვცდები მაგრამ ჩანს მანქანა მარჯვენა საჭიანი და არასახარბიელო ამინდი რაც ყველაზე სახიფათოა მოძრაობის დროს და უარესი გასწრების დროს ამ ამინდში ღმერთმა დაუმკვიდროს სასუფეველი მათ სულებს.
რა იცით რომ მამაო იყო დამნაშავე? ტრაილერები რომ არასწორად მოძრაობენ ახალი ამბავია?