ბრედ პიტი წითელ ხალიჩაზე სპორტული ფეხსაცმლით გამოცხადდა და ბენ აფლეკის ყოფილ შეყვარებულთან ერთად პოზირებდა
ჰოლივუდის მსახიობი ბრედ პიტი აგრძელებს თაყვანისმცემლების გაოცებას თავისი ახალი სტილით, რომელსაც ამ ბოლო დროს წითელ ხალიჩაზე ირჩევს. 8 სექტემბერს მსახიობი ვენეციის კინოფესტივალზე ფილმ "ქერას" პრემიერაზე Adidas-ის სპორტულ ფეხსაცმელითა და თავისუფალი სმოკინგით მივიდა.
ბრედ პიტი "ქერას“ პროდიუსერია. ფსიქოდრამა საკულტო ვარსკვლავის მერილინ მონროს ცხოვრებაზეა დაფუძნებული. მთავარ როლებს კი ანა დე არმასი და ედრიენ ბროუდი ასრულებენ, რომლებიც ასევე სტუმრობდნენ ღონისძიებას.
58 წლის ბრედმა საზოგადოებაში მორიგი ეჭვი გააჩინა, რადგან ფოტოგრაფების წინ ის ბენ აფლეკის ყოფილი შეყვარებულ, 34 წლის ანა დე არმასის კომპანიაში პოზირებდა.
ედრიენ ბროუდი კი პრემიერაზე პროდიუსერ ჰარვი ვაინშტაინის ყოფილ მეუღლესთან, ჯორჯინა ჩეპმენთან ერთად მივიდა.
შეგახსენებთ, რომ ანჯელინა ჯოლიმ ცოტა ხნის წინ ბრედ პიტი ფიზიკურ ძალადობაში დაადანაშაულა.
იხილეთ ასევე: