მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
სამშაბათი, მთვარის ოცდამეოთხე დღე დაიწყება 04:49-ზე, მთვარე მერწყულშია
დღეს კარგია ახალი, მნიშვნელოვანი საქმეების დაწყება. ფინანსური საკითხების მოგვარება, ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. გადადეთ ოპერაციები სახსრებზე, ბრმა ნაწლავზე, პროცედურები ფეხებზე, ნერვულ სისტემაზე. კარგი დღეა დასვენებისთვის, შიმშილისთვის. მოერიდეთ ალკოჰოლურ სასმელს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
KIU-ს მიურალები სტრიტ არტის მსოფლიო რუკაზეა
14:47 / 07-07-2022
სულ რაღაც ორი წელია, რაც საქართველოში ფუნქციონირება დაიწყო ამიერკავკასიაში ერთ-ერთმა უდიდესმა საუნივერსიტეტო ქალაქმა - KIU-მ. გახსნიდან მეორე წელს იგი უკვე ითვლება, როგორც ლიდერი და წამყვანი უნივერსიტეტი რეგიონში და სხვადასხვა რეიტინგის სათავეშია. საინტერესოა KIU-ს არა მხოლოდ პროგრამები, პროექტები და სტუდენტთა აკადემიური მიღწევები, არამედ მისი ჩართულობა ამა თუ იმ საგანმანათლებლო და კულტურულ აქტივობაში. ორი წლის განმავლობაში KIU-მ უმასპინძლა სხვადასხვა საერთაშორისო პროექტს და ღონისძიებას. სულ მოკლე პერიოდში ჩამოყალიბდა განათლებისა და კულტურის ჰაბად, რომელიც თავადაც უყრის საფუძველს მნიშვნელოვან პროექტებს და ასევე მასპინძლობს როგორც სამეცნიერო, ისე სახელოვნებო ფესტივალებსა და ღონისძიებებს.
გასულ წელს KIU მიურალების მსოფლიო რუკაზეც დაფიქსირდა. ამის მიზეზი 2020 წელს ქუთაისის საერთაშორისო უნივერსიტეტში გამართული მიურალების საერთაშორისო ფესტივალი KIU MURAL FEST გახლავთ. პროექტზე ცნობილი ქართველი მხატვარი და მოქანდაკე ბესიკ მაზიაშვილი მუშაობდა. ფესტივალის ფარგლებში, მსოფლიოში ცნობილი მხატვრები საუნივერსიტეტო ქალაქს რამოდენიმე თვით ესტუმრნენ და KIU-ს ფერადი შენობები და მასზე შექმნილი სივრცითი ნამუშევრები ღია ცის ქვეშ გადაშლილ გალერეად აქციეს.
მხატვრებს შორის, რომლებიც ქუთაისში მუშაობდნენ, არიან არტისტები გერმანიიდან, სერბეთიდან, საბერძნეთიდან, რომლებსაც წლების განმავლობაში მსოფლიოს სხვადასხვა ქალაქი და არაერთი ცნობილი კედელი აქვთ მოხატული. პროექტში ასევე ჩართულნი იყვნენ ქართველი ახალგაზრდა ხელოვანები, რომელთა ნამუშევრებიც ასევე განთავსდა კამპუსის შენობების კედლებზე.
დღეს KIU-ს კამპუსში ვიზიტისას სტუმრებს საშუალება აქვთ, იხილონ ისეთი უნიკალური და გამორჩეული კედლის მხატვრობა, როგორიცაა:
- „გოგონა კატით“ - მიურალი შექმნა ცნობილმა სერბმა არტისტმა Artez. მასთან ერთად მუშაობდა გერმანელი ხელოვანი KUBA;
- „მოაზროვნე და ბუმბული“ - გახლავთ ცნობილი ბერძენი მხატვრის Ino-ს ნამუშევარი;
- „ნდობა“ - სტრიტ არტის საკმაოდ ინოვაციური და განსხვავებული ნიმუში შექმნა გერმანელი მხატვრების გუნდმა Innerfields;
- „ზრუნვა“ - ქართველი ახალგაზრდების - ირაკლი ქადეიშვილისა და ზვიად ესართიას მიერ შესრულებული ყველაზე ფერადი ნამუშევარია KIU-ს სივრცეში;
- მონუმენტური მხატვრობა, სადაც ახალგაზრდა მამაკაცია გამოსახული - შეასრულა გერმანელმა მხატვარმა Case Maclaim; ცნობილი ხელოვანის ნამუშევარი დღეს მსოფლიოს სხვადასხვა ქალაქშია წარმოდგენილი და მის დასათვალიერებლად ტურისტებისთვის სპეციალური ტურებიც კი იქმნება.
- „ცოდნის ძალა“ - მიურალზე იმუშავა ქუჩის მხატვრობის ერთ-ერთმა ცნობილმა ვარსკვლავმა, გერმანელმა არტისტმა Matthias Mross. ნამუშევარი დღეს სტუდენტების ფავორიტ ნამუშევრადაც კი ითვლება.
მსოფლიოში ცნობილი ხელოვანების მიერ KIU-ს სივრცეში შექმნილი ნამუშევრები ასახულია მიურალების მსოფლიო რუკაზე. ქუჩის მხატვრობის სანახავად საგანმანათლებლო ქალაქში არაერთი დამთვალიერებელი სტუმრობს. გასულ წელს აღნიშნული „ფერადი გალერიის“ შესახებ არაერთი მასალა დაიბეჭდა საერთაშორისო გამოცემებში, რამაც კიდევ უფრო გაზარდა მიურალებით დაინტერესებული ვიზიტორების ინტერესი.
საქართველოში მოგზაურებს ქუთაისის საუნივერსიტეტო ქალაქში სტუმრობისას შესაძლებლობა აქვთ, იხილონ როგორც ტექნოლოგიურად აღჭურვილი ულტრათანამედროვე კამპუსი, ისე მსოფლიოს წამყვანი ხელოვანების მიერ შესრულებული ნახატები.
KIU-ს სტუდენტურ საცხოვრებლებზე განთავსებული ფერადი და გამორჩეული მიურალების ნახვა შესაძლებელია სტრიტ არტის საერთაშორისო პორტალზე street art cities : https://streetartcities.com/
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს უნივერსიტეტი ვირტუალურად არსებობს
ივანიშვილის უნივერსიტეტი ვის რად უნდა?!. მენეჯმენტიც ისეთი ეყოლება როგორიც მთავრობაში ყავს, გაუნათლებლები.