"იქ ვინც მივიდა, ჩემს თაობას ვეუბნები, მაგარი ს…-ები ხართ...  ვისაც ეს გეტკინათ, მზად ვარ, შევხვდეთ" - სამგორის გამგებელი 20 ივნისის აქციის მონაწილეებს

სამგორის რაიონის გამგებელი, კახა სამხარაძე გუშინ გამართული აქციის, "შინ ევროპისკენ“ მონაწილეებს შეურაცხმყოფელად მოიხსენიებს. გამგებელი აქციას სოციალურ ქსელში გამოეხმაურა.

"ვფიქრობდი დამეწერა, რომ აქციაზე გასვლას თუ აპირებთ, ნუ დაუშვებთ შეცდომას, მაგრამ ვიფიქრე, მე ჩემს თაობაზე მაქვს აქცენტი, რომ ჩემმა თაობამ ბევრი ჭირ-ვარამი გადავიარეთ და ყველაფერი სწორად შევაფასეთ და იმედი მქონდა, რომ თქვენ შვილებს, გვერდზე მდგომებსაც შეუძახებდით შეცდომა არ დაეშვათ!

მე არ ვიცი, ვინ როგორ მოიქცა, მაგრამ დღეს იქ ვინც მივიდა, მე ისევ ვიმეორებ, ჩემს თაობას ვეუბნები, მაგარი ს…-ები ხართ, ქვეყნის მტრები ხართ და ვისაც გინდათ პასუხი პირადად გაგცეთ, მზად ვარ ნებისმიერ დროს და ნებისმიერ ადგილზე შევხვდეთ, ვისაც გეტკინათ“, - წერს სამგორის გამგებელი სოციალურ ქსელში.