მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ოცნებაში" "ცივი შხაპის" გადავლება დიდად არ ეამათ... მეჩვენებოდა, რომ ისინი მაინც ელოდნენ დათქმებით კანდიდატის სტატუსს" - კონფლიქტოლოგი
11:22 / 18-06-2022
ხელისუფლებას შეეძლო მიბრუნებოდა შარლ მიშელის დოკუმენტს, ესაუბრა ოპოზიციასთან, არ დაეჭირა გვარამია, არ ელანძღა დღე გამოშვებით დასავლელი დიპლომატები და დამერწმუნეთ, დღეს ჩვენც კანდიდატი ქვეყანა ვიქნებოდით. სამწუხაროდ, მათ ყველაფერი საპირისპიროდ გააკეთეს,- ამის შესახებ კონფლიქტოლოგმა გიორგი კანაშვილმა „ინტერპრესნიუსთან“ ინტერვიუში განაცხადა.
კითხვაზე, როგორ აფასებს ევროკავშირის კანდიდატი წევრის სტატუსის მიღების პროცესში ხელისუფლების ქმედებებს, კანაშვილი ამბობს, რომ „საქართველოს ხელისუფლების ქმედებები, შეიძლება შეფასდეს, როგორც - სრული ჩავარდნა“.
"ჩვენმა ხელისუფლებამ შეძლო შეუძლებელი, მოახერხა და ყველა მეგობართან გაიფუჭა ურთიერთობა და საბოლოო ჯამში, ვერ მიიღო კანდიდატის სტატუსი. ყველანაირი გადაჭარბების გარეშე - ამას მოხერხება უნდოდა. ფაქტობრივად, საქართველოს და მოლდოვას, ამ კონკრეტულ ისტორიულ მონაკვეთში, „უფასოდ“ დაეცა თავზე კანდიდატობის პერსპექტივა. ფასს ახლა იღებს უკრაინა, პრინციპში არა მხოლოდ ახლა, არამედ 2014 წლიდან. ჩვენ ყველას კარგად გვახსოვს, რომ ვიქტორ იანუკოვიჩის ქვეყნიდან გაქცევა, ყირიმის ანექსია და დონბასში კონფლიქტის წამოწყება, ზუსტად ევროკავშირთან ასოცირების პროცესის პარალელურად განვითარდა.
მოლდოვამ, მომენტით ისარგებლა, ხოლო საქართველომ - არა. მეტიც, ხელისუფლებამ, ჩემთვის და ბევრი სხვა დამკვირვებლისთვის სრულიად გაუგებარ მიზეზთა გამო, ამ ისტორიულ მომენტში, სულ მცირე სამი მიმართულებით გახსნა ფრონტი: "ეომა“ დასავლელ მეგობრებს, „ეომა“ უკრაინელებს, „ეომა“ ოპოზიციას და საკუთარ პრეზიდენტსაც კი. ანუ ყველას, ნამდვილი მტრის გამოკლებით. ყველაზე სამწუხარო ისაა, რომ საქართველოს ხელისუფლებამ საკუთარი უპასუხისმგებლო საქციელით, ფაქტობრივად ხაზი გადაუსვა ყველა იმ გაღებულ მსხვერპლსა და საფასურს, რომელიც ჩვენ დასავლეთისკენ მსვლელობის პარალელურად გავიღეთ“,- განაცხადა კანაშვილმა.
ამასთან, გიორგი კანაშვილი ფიქრობს, რომ "ქართული ოცნება“ კანდიდატის სტატუსს მიღებას ელოდა, თუმცა გარკვეული დათქმებით.
"ბოლო დღეებს თუ არ ჩავთვლით, მე მეჩვენებოდა, რომ "ქართულ ოცნებაში" მაინც ელოდნენ დათქმებით კანდიდატის სტატუსის მიღებას. შესაბამისად, "ცივი შხაპის" გადავლება, ვფიქრობ დიდად არ ეამათ. რეალურად, თუ რაიმეს ცვლილებას აპირებენ, უახლოეს მომავალში გამოჩნდება. ილუზიები იმასთან დაკავშირებით, თუ ვინ იღებს სტრატეგიულ საკითხებზე გადაწყვეტილებას, ამ ქვეყანაში არავის აღარ გააჩნია. აქამდე, ასეთ მნიშვნელოვან მომენტებში, ბიძინა ივანიშვილი რაიმე ფორმით გამოჩნდებოდა ხოლმე“,- განაცხადა გიორგი კანაშვილმა.
ცნობისთვის, ევროკომისიამ გასცა რეკომენდაცია, რომ მოლდოვას და უკრაინას ევროკავშირის კანდიდატი წევრის სტატუსი, საქართველოს კი ევროპული პერსპექტივა მიენიჭოს. ამასთან დაკავშირებით „ქართული ოცნების“ თავმჯდომარე ირაკლი კობახიძემ თქვა, რომ უკრაინისთვის სტატუსის მინიჭება “ერთგვარი წახალისებაა”, საქართველოს შემთხვევაში კი გეოგრაფიული მდებარეობაც აღმოჩნდა ხელისშემშლელი.
მკითხველის კომენტარები /
55 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პირდაპირ წერია რომ საქართველოს სახელმწიფო არ აქვს, ნაც-ქოცი და მათი მსგავსი რუსეთის მონები უნდა წავიდნენო და ნორმალურმა ხალხმა დაიწყოს ქვეყნის შენებაო.
მეტის ღირსი ხარ საქართველო....