მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ერთი თხოვნა მაქვს თქვენთან, სახალხო არტისტი, ვარსკვლავთბიჭუნა ზარქუა 24 რიცხვამდე მაინც, იქნებ მოაშოროთ ტელეეკრანებს" - ლევან ხაბეიშვილი უმრავლესობას
17:20 / 08-06-2022
ერთი თხოვნა მაქვს თქვენთან, სახალხო არტისტი, სახალხო მთქმელი, ვარსკვლავთბიჭუნა ზარქუა 24 რიცხვამდე მაინც, იქნებ მოაშოროთ ტელეეკრანებს, - ასე მიმართა "ნაციონალური მოძრაობის“ წევრმა ლევან ხაბეიშვილმა პარლამენტში უმრავლესობის დეპუტატებს, სადაც პარლამენტის თავმჯდომარის ყოველწლიურ მოხსენებას უსმენენ.
ლევან ხაბეიშვილმა განაცხადა, რომ "ქართულმა ოცნებამ“ პოლიტიკის ნაცვლად პარლამენტი გადააქცია ღვარძლის, დაპირისპირების და პოლიტიკური შურისძიების ასპარეზად.
ამასთან, მან მმართველი პარტიის დეპუტატებს შეახსენა, რომ "ამავე დარბაზიდან გასცემენ ხოლმე მათივე კოლეგების დაკავების ბრძანებას". ამ კონტექსტში ხაბეიშვილმა დაასახელა ნიკა მელიას, ბადრი ჯაფარიძის, თემურ ჯანაშიასა და დავით კირკიტაძის წინააღმდეგ აღძრული საქმეები.
"ზოგადად, აქ არის ხოლმე ჩემი კოლეგა, სახალხო არტისტი, რომელიც მიჩივის, გამლახა, მცემა და მატკინაო და სისხლის სამართლის საქმე ამ დრომდე ჩემზეც მიმდინარეობს“, - განაცხადა ხაბეიშვილმა.
ამასთან, დეპუტატმა კითხვით მიმართა უმრავლესობის წევრებს, თუ დაინტერესდა რომელიმე მათგანი, "რატომ აჩუქა ტყე ირაკლი ღარიბაშვილმა მეუღლეს“.
"თქვენ ხომ ხელისუფლების მაკონტროლებელი ხართ? ან მაგალითად, თუ ტყის ამბავი არ მოგწონთ, ბიძინა ივანიშვილმა ხომ თქვა, რომ ღარიბაშვილმა და მისმა ნათესავებმა მილიონები მოიპარესო და ნწუ, ნწუ, ნწუო და ამიტომ გავუშვი თანამდებობიდანო?! მოიკითხეთ ის ნათესავები, რომელიმე პასუხისგებაში არის მიცემული ან თავად ღარიბაშვილს რატომ არასდროს არაფერი დაეკისრა? ეს ხომ ბიძინამ თქვა, ხაბეიშვილს ხომ არ უთქვამს? ან რატომ არასდროს დაინტერესდით ღარიბაშვილი ბერას სათამაშოს როლს რომ ასრულებდა სატელეფონო ზარის დროს, მერე ავთენტიკურობაზე, მილისტებზე და ათას სისულელეზე რომ ისაუბრეს მთავრობის წევრებმა. რატომ არ დაინტერესდით? ადამიანი, რომელიც ფაქტობრივად მოძალადეა იმ ჩანაწერში, ასე ირკვევა, რა გააკეთეთ, კონტროლის რა მექანიზმი ჩართეთ ამ მიმართულებით?" - განაცხადა ხაბეიშვილმა.
ხაბეიშვილმა ასევე კითხვა დასვა "ნაციონალური მოძრაობის“ ბათუმის საკრებულოს წევრის ნუგზარ ფუტკარაძის გარდაცვალებაზე, "რომელიც სავარაუდოდ "ქართული ოცნების“ პარტიული ბოსების ზეწოლის შედეგად გარდაიცვალა“.
ამასთან, ხაბეიშვილმა ისაუბრა აჭარის მთავრობის თავმჯდომარის თორნიკე რიჟვაძესთან მიმართებით, რომელსაც "არშემდგარი ძველი ბიჭი უწოდა“, აჭარის უმაღლეს საბჭოში ანგარიშის წარდგენისას მისივე გამოსვლისა და ლექსიკის გამოყენების გამო. "ამ კაცს თუ ვინმემ მოუსმინეთ წარმოუდგენელი სისაძაგლე მოდიოდა მისი პირიდან“, - განაცხადა ხაბეიშვილმა.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს სუბიექტი და წითლიძე არიან ნაცმოძრაობის სპიკერები, წარმოგიდგენიათ როგორ დაენძრათ?
სირცხვილია ასეთი პარლამენტარი რომ გვყავს.მე მგონია პროპორციული არჩევნები უნდა გაუქმდეს და მხოლოდ მაჟორიტარული დარჩეს, რომ სიებით მისი მსგავსები ვერ მოხვდნენ იქ.