მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ცხოვრების ახალ თავს ვიწყებ" - სასამართლო, როგორც სპექტაკლი და საგის დასასრული: ჯონი დეპმა ყოფილ ცოლს ცილისწამებისთვის დაწყებული დავა მოუგო
10:09 / 02-06-2022
ცილისწამების საქმეზე მიმდინარე ექვსკვირიანი სასამართლო დავა ჯონი დეპის გამარჯვებით დასრულდა. ჰოლივუდის მსახიობის ყოფილ მეუღლეს, ასევე მსახიობს ამბერ ჰერდს ნაფიცმა მსაჯულებმა დეპისთვის მიყენებული რეპუტაციული ზიანის გამო, 15 მილიონი დოლარის გადახდა დააკისრა.
აღსანიშნავია, რომ სასამართლომ დეპს საჩივრის ის პუნქტი არ დაუკმაყოფილა, რომლის მიხედვითაც ამბერს თაღლითობაში ადანაშაულებდა.მსაჯულებმა ბრალდება უსაფუძვლოდ მიიჩნიეს. და კომპენსაციის სახით დეპის მხარეს 2 მილიონი დოლარის გადახდა მოუწევს.
ხოლო თავად ჯონი დეპს ჰერდის მისამართით 2 მილიონი დოლარის კომპენსაციის გადახდა დაევალა.
ვირჯინიაში, სასამართლოს შენობასთან, ჯონი დეპის თაყვანისმცემლები იმყოფებოდნენ, რომლებიც მის სახელს სკანდირებდნენ.
ვერდიქტის გამოცხადების შემდეგ, ამბერ ჰერდმა განცხადება გამოაქვეყნა, რომელშიც აღნიშნავს, რომ სასამართლოს აღნიშნული გადაწყვეტილებით გულგატეხილია.
"იმედგაცრუებას, რომელსაც დღეს განვიცდი, სიტყვებით ვერ გადმოვცემ. გული მწყდება, რომ მტკიცებულებათა დიდი რაოდენობა მაინც არ აღმოჩნდა საკმარისი იმისათვის, რომ ჩემი ყოფილი მეუღლის არაპროპორციულ ძალასა და გავლენას შევწინააღმდეგებოდი“- აღნიშნა ჰერდმა.
მისივე თქმით, ის კიდევ უფრო იმედგაცრუებულია იმით, თუ რას ნიშნავს ეს განაჩენი სხვა ქალებისთვის.
"ვწუხვარ, რომ ეს საქმე წავაგე. მაგრამ მე კიდევ უფრო სევდიანი ვარ, რადგან ვფიქრობ, რომ დავკარგე უფლება - ვისაუბრო თავისუფლად და ღიად, რომელიც მეგონა, როგორც ამერიკელს მქონდა“, - დასძინა დეპის ყოფილმა მეუღლემ.
- განაჩენის გამოტანის შემდეგ "ინსტაგრამის ოფიციალურ გვერდზე განცხადება გამოაქვეყნა ჯონი დეპმაც.
"6 წლის წინ, ჩემი შვილების, უახლოესი ადამიანებისა და იმ ადამიანების ცხოვრება, რომლებიც წლების განმავლობაში მხარს მიჭერდნენ, სამუდამოდ შეიცვალა, თვალის დახამხამებაში.
მედიაში ცრუ და კრიმინალური ბრალდებები გავრცელდა, რასაც უამრავი სიძულვილით სავსე კომენტარი მოჰყვა. მართალია, ჩემს წინააღმდეგ არანაირი სასამართლო დევნა არ ყოფილა, მაგრამ ამ ყველაფერმა ჩემს ცხოვრებასა და კარიერაზე დამანგრეველი გავლენა მოახდინა.
და ექვსი წლის შემდეგ ნაფიცმა მსაჯულებმა ცხოვრება დამიბრუნეს, რისთვისაც მადლობელი ვარ.
ამ სასამართლო დავის დაწყება იურიდიული სირთულეებისა და უსიამოვნო სანახაობის გათვალისწინებით, რომელიც ჩემს ცხოვრებას სპექტაკლად აქცევდა, რთული გადაწყვეტილება იყო.
თავიდანვე ჩემი მიზანი იყო სიმართლის დადგენა. ვალდებული ვიყავი სიმართლე მეთქვა ჩემი შვილებისთვისა და მხარდამჭერებისთვის. როგორც იქნა, დავმშვიდდი, ვინაიდან დასახულ მიზანს მივაღწიე.
ყველაფერი საუკეთესო წინ არის, ცხოვრების ახალ თავს ვიწყებ", - წერს ჯონი დეპი.
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კარგი დადგმული სპექტაკლი იყო, ყოჩაღ რეჟისორს. ტიპებს იმდენი ნახვა ქონდათ ვერცერთი ფილმი ახლოს ვერ მივიდოდა ...
ჯერ სადა ხართ ლიბერალები, აბა რა გეგონათ მხოლოდ სამიზნე პირზე ათქმევინოთ ვინმე თქვენიანს მოძალადეაო და ეგ საკმარისი მიზეზია ყოველგვარი მტკიცებულების გარეშე ადამიანი გაანადგუროთ? მასე იქცეოდნენ ჩეკისტი ბოლშევიკები და სად არიან დღეს კარგად ვიცით