"სპეცსამსახურებმა იციან, რომელ ბუნკერშია პუტინი... მისი ადგილსამყოფელი ცნობილია" - რას ამბობს არსენ ავაკოვი ბირთვულ საფრთხეზე და კრემლის მუქარის საპასუხოდ
ბირთვული ომის საფრთხეზე კრემლში კიდევ უფრო აქტიურად საუბრობენ და მუქარის შემცველ განცხადებებს აკეთებენ. მორიგი ასეთი განცხადების ავტორი რუსეთის საგარეო საქმეთა მინისტრი, სერგეი ლავროვია.
"საშიშროება სერიოზულია, რეალურია, არ შეიძლება სათანადოდ არ შეფასდეს“, - განაცხადა რუსმა დიპლომატმა ბირთვულ საფრთხეებზე საუბრისას.
- უკრაინის შინაგან საქმეთა ყოფილი მინისტრი, არსენ ავაკოვი კი ამბობს, რომ არსებობს რამდენიმე ფაქტორი, რომელთა გამოც "პუტინი ღილაკს თითს არ დააჭერს."
აღნიშნულის შესახებ ავაკოვმა Youtube არხზე, Украина 24-ზე ნატაშა ვლაშენკოსთან ინტერვიუში ისაუბრა. ავაკოვის განცხადებით, სპეცსამსახურებმა იპოვეს თუ რომელ ბუნკერში იმალება რუსეთის ფედერაციის პრეზიდენტი, მისი ადგილსამყოფელი საიდუმლო არ არის და ეს ერთ-ერთი ფაქტორია, რომლის გამოც, მისი აზრით, პუტინი არ გამოიყენებს ბირთვულ იარაღს.
ავაკოვის თქმით, უპირველეს ყოვლისა, ასეთი ქმედებები გამოიწვევს უზარმაზარ რეზონანსს, რაც გააუარესებს რუსეთის პოზიციას საერთაშორისო ასპარეზზე.
"ქვეყნები რომლებიც ახლა გარკვეულწილად ნეიტრალიტეტს ინარჩუნებენ, იძულებულნი იქნებიან, მხარე აირჩიონ - ინდოეთი, ჩინეთი. პუტინი ბოლო მხარდაჭერასაც დაკარგავს. რაიმე ლოგიკა უნდა არსებობდეს ბირთვული იარაღის გამოყენებაში", - ამბობს ავაკოვი.
იხილეთ ასევე: