მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბოროტი ძალა "ქრისტეს სახელით“ ძალადობს და "ცოდვილის დასჯით“ ამართლებს. ქრისტე ვინმეს დასასჯელად კი არ ეცვა ჯვარს... ცოდვების გამო კი არ მოკლა ვინმე, არამედ თავად მოკვდა" - მეუფე მელქისედეკი
11:18 / 24-04-2022
მინდა მოგიწოდოთ, რომ გააძლიეროთ ლოცვა უკრაინისა და უკრაინის დამოუკიდებლობისადმი მებრძოლი ადამიანებისთვის, განსაკუთრებით კი იმ ქართველი ჯარისკაცებისთვის, რომლებიც იქ საკუთარი სამშობლოსთვისაც იბრძვიან, - ნათქვამია მარგვეთისა და უბისის ეპისკოპოსის მელქისედეკის სააღდგომო ეპისტოლეში.
მარგვეთისა და უბისის ეპისკოპოსის შეფასებით, მეგობარ უკრაინაში, რუსული აგრესიის გამო სისხლისმღვრელი ომი მიმდინარეობს.
"ყველას გვახსოვს გასული ორი წელი. ის დაძაბულობა, გაურკვევლობა, მორჩილება, სიფრთხილე და გაბედულება, რაც COVID-19-ის გამო გავიარეთ. 2022 წელი ბევრად უფრო ტრაგიკულად დაიწყო. ჩვენს მოძმე და მეგობარ უკრაინაში, რუსული აგრესიის გამო სისხლისმღვრელი ომი მიმდინარეობს. შეუძლებელია ადამიანი სრულყოფილად ბედნიერი იყოს, თუკი მის გვერდით მდგომი მოყვასი გაჭირვებულია. ახლა, ვნების კვირისა თუ ბრწყინვალე შვიდეულის პერიოდში, როდესაც ეს ეპისტოლე იწერება და იკითხება, მინდა თითოეულ ჩვენგანს კარგად ესმოდეს, რომ მეზობელ უკრაინაში ათეულობით ბავშვი ობლდება, ენგრევათ სახლები და რუდუნებით ნაშენები ცხოვრება, ნადგურდებიან ისტორიული ძეგლები, ტაძრები, სიწმინდეები და ყველაზე საშინელი - იღუპებიან ძალადობის მსხვერპლი ბავშვები, ამ ყველაფერს კი ბოროტი ძალა "ქრისტეს სახელით“ აღასრულებს და "ცოდვილის დასჯით“ ამართლებს. აღდგომის ამ ბრწყინვალე დღესასწაულზე, მინდა ყველამ გავიაზროთ, რომ ქრისტე ვინმეს დასასჯელად კი არ ეცვა ჯვარს, არამედ სასჯელიდან სხვის გამოსახსნელად; ცოდვების გამო კი არ მოკლა ვინმე, არამედ თავად მოკვდა, რათა მასთან ერთად ადამიანი გამოხსნილიყო; იესო მაღალ ტახტრევანზე მჯდომარე კი არ კარნახობდა ვინმეს ყოფა-ცხოვრების მშრალ კანონებს, არამედ საკუთარი საქმით აჩვენებდა მართებულ ცხოვრების წესს. ესაა ქრისტიანობა, ეს გვასწავლა განკაცებულმა და მკვდრეთით აღდგომილმა მაცხოვარმა და ამიტომაც ვიძახით ამაყად - ქრისტე აღსდგა! ახლა, ამ ბრწყინვალე დღესასწაულზე, მინდა მოგიწოდოთ, რომ გააძლიეროთ თქვენი ლოცვა უკრაინისა და უკრაინის დამოუკიდებლობისადმი მებრძოლი ადამიანებისთვის, განსაკუთრებით კი იმ ქართველი ჯარისკაცებისთვის, რომლებიც იქ საკუთარი სამშობლოსთვისაც იბრძვიან. მკვდრეთით აღდგომილმა მაცხოვარმა ინებოს საქართველოში მათი მშვიდობით დაბრუნება, ხოლო გარდაცვლილთა სულები კი დაამკვიდროს იქ, სადაცა მართალნი განისვენებენ“, - ნათქვამია მარგვეთისა და უბისის ეპისკოპოსის მელქისედეკის სააღდგომო ეპისტოლეში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
