მნიშვნელოვანი ინფორმაცია
9
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ამ ცოდვით უნდა ვიცხოვრო მთელი ცხოვრება" - დეტექტივს, რომლის ტყვიასაც წყნეთში ახალგაზრდა მამაკაცი ემსხვერპლა, პატიმრობა შეეფარდა: სხდომის დეტალები
12:21 / 21-04-2022
სასამართლომ ბრალდებულ დეტექტივს, ერიკ წურწუმიას აღკვეთის ღონისძიების სახით პატიმრობა შეუფარდა. აღნიშნული გადაწყვეტილება თბილისის საქალაქო სასამართლოს მოსამართლემ მიხეილ ჯინჯოლიამ გამოაცხადა. დღევანდელ სხდომაზე დაკავებულის მიმართ აღკვეთის ღონისძიების შეფარდებაზე იმსჯელეს.
- "ამ ცოდვით უნდა ვიცხოვრო, - ეს სიტყვები თქვა სასამართლო პროცესზე ძველი თბილისის მე-4 სამმართველოს დეტექტივმა, ერიკ წურწუმიამ. როგორც მან აღნიშნა, ის სამწუხაროდ ვერაფერს შეცვლის.
"სამწუხარო ფაქტი მოხდა, გარდაცვლილია ახალგაზრდა მამაკაცი ამ მძიმე მარხვაში. ამ ცოდვით უნდა ვიცხოვრო მთელი ცხოვრება. ვერაფერს ვერ შევცვლი",- განაცხადა წურწუმიამ.
პროკურატურა ერიკ წურწუმიასთვის ყველაზე მკაცრი აღკვეთის ღონისძიების - პატიმრობის გამოყენებას მოითხოვდა, დაცვის მხარეს კი შუამდგომლობა საერთოდ არ დაუყენებია.
პროკურორ ლევან ქუთათელაძის განმარტებით, ერიკ წურწუმიამ ცეცხლსასროლი იარაღი საბრძოლო მდგომარეობაში მოიყვანა და ასე შეეცადა ზურაბ გველესიანის დაკავებას, რასაც გველესიანი არ დაემორჩილა. წურწუმიამ მისი შებოჭვა სცადა, რა დროსაც გაუფრთხილებლობით გასროლა განახორციელა მის მიმართ.
ბრალდების მხარე აპელირებდა, რომ ბრალდებულს მძიმე კატეგორიის დანაშაული აქვს ჩადენილი, შესაბამისად, დაკავებულის მხრიდან მიმალვის, მოწმეებზე ზემოქმედებისა და მტკიცებულებების განადგურების საფრთხებზე საუბრობდა.
ლევან ქუთათელაძის განცხადებით, ბრალდებულს დაზიანება ჰქონდა მიყენებული, რასთან დაკავშირებითაც დანიშნულია შესაბამისი ექსპერტიზა.
ადვოკატ თეონა გვაზავას განმარტებით, ისინი სასამართლოს ალტერნატივას არ სთავაზობენ. გვაზავას თქმით, ისინი ბრალდების მხარის აპელირებას დაკავებულის მხრიდან მიმალვის, მოწმეებზე ზემოქმედებისა და მტკიცებულებების განადგურების საფრთხესთან დაკავშიებით, არ ეთანხმებიან.
ადვოკატის განცხადებით, ერიკ წურწუმია პოლიციაში თავად გამოცხადდა, შესაბამისად, ზემოთ ჩამოთვლილი საფრთხეები უსაფუძვლოა. გვაზავას თქმით, ბრალდებულმა სამოსი, რომელიც შემთხვევის დროს ეცვა, პოლიციას თავად გადასცა. გვაზავას განმარტებით, ბრალდებული წუხს არა იმის გამო, რომ ის დაკავებულია, არამედ იმის გამო, რომ გასროლას სხვისი სიცოცხლე ემსხვერპლა.
რაც შეეხება დაზიანებას, დაცვის მხარის განმარტებით, აღნიშნული წურწუმიამ გველესიანის დაკავების მომენტში გაწეული წინააღმდეგობისას მიიღო.
დღევანდელ პროცესზე თავად ბრალდებულმაც ისარგებლა სიტყვით და აღნიშნა, რომ ის მომხდარის გამო წუხს და ვერაფერს შეცვლის.
ერიკ წურწუმიას ბრალდება ოფიციალურად გუშინ წარუდგინდეს.
ცნობისთვის, 18 აპრილს, წყნეთში, ლადო გუდიაშვილის ქუჩაზე, ძველი თბილისის მე-4 სამმართველოს დეტექტივის, ერიკ წურწუმიას მიერ გასროლილ ტყვიას 30 წლის ზურა გველესიანის სიცოცხლე ემსხვერპლა. გამოძიების ინფორმაციით, ერიკ წურწუმიას ნარკოტიკული საშუალების შესაძლო უკანონო შეძენა-შენახვის ფაქტთან დაკავშირებით შემთხვევის ადგილზე გამოცხადებისას, ზურა გველესიანის დაკავების ღონისძიების განხორციელების დროს, შემთხვევით გაუვარდა სამსახურებრივი იარაღი, რის შედეგადაც გველესიანი გარდაიცვალა.
წურწუმიას ბრალი საქართველოს სისხლის სამართლის კოდექსის 116-ე და 333-ე მუხლის მე-3 ნაწილის „ბ“ ქვეპუნქტით წარუდგინა, რაც სიცოცხლის გაუფრთხილებლობით მოსპობასა და სამსახურებრივი უფლებამოსილების გადამეტებას გულისხმობს. ბრალის დამტკიცების შემთხვევაში ერიკ წურწუმიას 5-დან 8-წლამდე თავისუფლების აღკვეთა ემუქრება.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შემთხვევით ყველაფერი ხდება. ეს კაციც ცოდოა (((
გამოხვალ და ჯიქიაზე ბინა დაგხვდება!