მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვენდო? პუტინს? - არა... დახურეთ ცა. დამიჯერეთ, თუ ასე გაგრძელდა, ნახავთ..." - ვოლოდიმირ ზელენსკი
09:35 / 10-03-2022
უკრაინის პრეზიდენტი ვოლოდიმირ ზელენსკი გმობს მარიუპოლის ბავშვთა და სამშობიარო საავადმყოფოზე თავდასხმას, როგორც "ომის დანაშაულს". ამის შესახებ ზელენსკიმ ვიდეომიმართვის დროს განაცხადა.
"რუსული ბომბები დაეცა მარიუპოლის საავადმყოფოსა და სამშობიარო ცენტრს. ბავშვთა საავადმყოფო, მოქმედი სამშობიარო, ეს შენობები დანგრეულია!
ბავშვთა საავადმყოფო, სამშობიარო, რატომ იყვნენ ისინი საფრთხე რუსეთის ფედერაციისთვის? როგორი ქვეყანაა რუსეთის ფედერაცია, რომელსაც ეშინია საავადმყოფოების, ეშინია სამშობიაროების და ანადგურებს მათ?“, -განაცხადა ზელენსკიმ.
მისი თქმით, ეს "სისასტიკის" მიღმაა.
"სამშობიაროში ვინმემ რუსულენოვანი დაამცირა? რა იყო, ეს საავადმყოფოს "დენაციფიკაცია?", - განაცხადა ზელენსკიმ და დასძინა: "ეს უკვე სისასტიკის მიღმაა. ყველაფერი, რასაც დამპყრობლები აკეთებენ მარიუპოლში, უკვე სისასტიკის მიღმაა".
ზელენსკიმ სამშობიაროზე თავდასხმას უწოდა "საბოლოო მტკიცებულება, რომ უკრაინელების გენოციდი ხდება".
სამშობიაროს დაბომბვის შემდეგ უკრაინის პრეზიდენტმა ევროპული ქვეყნების ლიდერებს მიმართა.
"ევროპელებო, თქვენ ვერ იტყვით, რომ არ გინახავთ, რა დაემართათ უკრაინელებს, რა დაემართა მარიუპოლის მოსახლეობას. თქვენ ნახეთ, იცით" .
ზელენსკის თქმით, მათი მხრიდან, მსგავსი რამ არ მომხდარა და არც მოხდებოდა ლუგანსკსა თუ სხვა რომელიმე ქალაქში.
"ჩვენ არ გავაკეთეთ და არც არასოდეს გავაკეთებდით ამ ომის დანაშაულის მსგავსს დონეცკის, ლუგანსკის ან რომელიმე სხვა რეგიონის ქალაქში", - აღნიშნა ზელენსკიმ, სეპარატისტული რეგიონების შესახებ.
ამასთან, როგორც ზელენსკიმ საკუთარ ვიდეომიმართვაში აღნიშნა, მას სჯერა, რომ პუტინი ომს შეწყვეტს.
"მოლაპარაკებებს დაიწყებს მას შემდეგ, რაც დაინახავს, რომ შემოჭრილი რუსული ძალები უკრაინელების სასტიკ წინააღმდეგობას ხვდებიან" - განაცხადა ვოლოდიმირ ზელენსკიმ, VICE News-თან ინტერვიუში, რასაც გამოცემა Guardian-ი ავრცელებს.
"ვფიქრობ, ის ამას გააკეთებს. ვფიქრობ, ის ხედავს, რომ ჩვენ ძლიერები ვართ. ის ამას იზამს, საჭიროა დრო.", - განაცხადა ზელენსკიმ.
კითხვაზე, შეუძლია თუ არა, ზელენსკის, რომ ენდოს პუტინს, პრეზიდენტმა უპასუხა - არა.
"ვენდო? პუტინს? არა. მე მხოლოდ ჩემს ოჯახს ვენდობი", - აღნიშნა ზელენსკიმ.
გავრცელებულ ვიდეომიმართვაში ვოლოდიმერ ზელენსკიმ კიდევ ერთხელ მიმართა მსოფლიოს ლიდერებს და მათ დროული დახმარების აღმოჩენისკენ მოუწოდა.
მისი განცხადებით, შესაძლოა მილიონობით ადამიანი დაიღუპოს, თუ მსოფლიო არ დაეხმარება უკრაინას, სანამ ძალიან "გვიან იქნება", - ამის შესახებ ინფორმაციას BBC, ზელენსკის მიერ, Sky news-თან მიცემულ ინტერვიუზე დაყრდნობით ავრცელებს.
მათივე ინფორმაციით, ინტერვიუში ზელენსკიმ გაიმეორა მოთხოვნა, რომ დასავლელმა ლიდერებმა მის ქვეყანაში ფრენის აკრძალვა დააწესონ.
ამასთან, ზელენსკის თქმით, დასავლეთის ქვეყნები საბოლოოდ, შექმნიან ფრენის აკრძალულ ზონას უკრაინაში, მაგრამ თუ მესამე მსოფლიო ომი დაიწყო, ძალიან გვიანი იქნება.
"ნუ დაელოდებით, რომ რამდენჯერმე გთხოვოთ. დახურეთ ცა. დამიჯერეთ, თუ ასე გაგრძელდა, ნახავთ... ცას დახურავენ, მაგრამ მილიონობით ადამიანს დავკარგავთ", - განაცხადა ზელენსკიმ.
შეგახსენებთ, რუსმა ოკუპანტებმა გუშინ მარიუპოლში ბავშვთა საავადმყოფო და სამშობიარო დაბომბეს. შედეგად 17 ადამიანი დაშავდა.
იხილეთ ასევე:
- კიევი ვოლოდიმირ ზელენსკისა და ვლადიმერ პუტინის შეხვედრის ორგანიზების თხოვნით გერმანიის კანცლერს მიმართავს
- "უკრაინელები არ წამოეგნენ რუსების ფანდს - გაეჭიმათ ფრონტის ხაზი და ძალები არ ჰყოფნოდათ ოკუპანტის შესაკავებლად" - ვინ რა ტაქტიკით და სტრატეგიით იბრძვის რუსეთ-უკრაინის ომში?
მკითხველის კომენტარები /
37 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა სამშობიარო რას აბოლებენ ამ ხალხს!!! საინფორმაციო ომია!!! ამათ ბრმები და ყრუვები ვგონივართ!?
ვერ გავიგე ამდენი ხანი იბომბება მარიოპოლო და კიდევ სამშობიარო ფუნქციონირებდა ქალაქის ცენტრში? რა დააშავეს ხალხმა?