"თითქმის 7-თვიანი უკანონო პატიმრობის შემდეგ აკაკი ბართაია თავისუფალია" - ნათია მეზვრიშვილი

პარტია "საქართველოსთვის“ მხარდამჭერი აკაკი ბართაია გაათავისუფლეს. ამის შესახებ პარტიის ერთ-ერთი ლიდერი ნათია მეზვრიშვილი სოციალურ ქსელში წერს.

მისი თქმით, აკაკი ბართაია თითქმის 7 თვე უკანონო პატიმრობაში იმყოფებოდა.

"აკაკი ბართაია თავისუფალია ! თითქმის 7 - თვიანი უკანონო პატიმრობის შემდეგ მოსამართლემ მიიღო პატიმრობიდან მისი გათავისუფლების გადაწყვეტილება.

აკაკი ბართაია დააკავეს და პატიმრობაში იმყოფებოდა პოლიტიკური ნიშნით, პარტია "საქართველოსთვის“ აქტიური მხარდაჭერის გამო. მისი საქმე სავსეა დაუშვებელი და კანონის დარღვევით მოპოვებული მტკიცებულებებით. ამ გამარჯვების შემდეგ, მის საქმეზე ველოდებით მხოლოდ გამამართლებელ განაჩენს! მადლობა ადვოკატებს, სახალხო დამცველს და ყველას, ვინა მის გათავისუფლებაში წვლილი შეიტანა”, - წერს ნათია მეზვრიშვილი.

ცნობისთვის, აკაკი ბართაია აგვისტოში დააკავეს. პარტია "საქართველოსთვის“ ინფორმაციით, მას "იარაღი ჩაუდეს“.