მნიშვნელოვანი ინფორმაცია
9
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დედა რუსია, მამა უკრაინელი... მძიმე მდგომარეობაში ვართ, ბიძაჩემის ოჯახი დაიკარგა" - რას ჰყვება მიმდინარე ომსა და უკრაინაში მყოფ ნათესავებზე მარგო ლუჩკო?
20:20 / 01-03-2022
ტელეწამყვვანი მარგო ლუჩკო დედით რუსია, მამით კი უკრაინელი. ამბობს, რომ ასეთი შერეული ოჯახები ძალიან ბევრია და დღეს ყველაზე მეტად მათ უჭირთ. მარგოს ნათესავები ორივე ქვეყანაში ჰყავს და მათთან ურთიერთობა ყოველდღიურად ტელეფონის საშუალებით უწევს... ახლა უკრაინელებისთვის დახმარებას აგროვებს, თუმცა ნერვიულობს, მას შემდეგ, რაც გაიგო, რომ ვოლოდიმირ ზელენსკიმ საქართველოდან უკრაინის ელჩი გაიწვია...
მარგო ლუჩკო:
- ძალიან მძიმე მდგომარეობაში ვართ სახლში ყველა. დედაჩემი რუსია, მამა უკრაინელი, მე თბილისში დავიბადე და გავიზარდე. როგორც უკრაინაში, ისე რუსეთში ძალიან ბევრი ნათესავი მყავს. ამ დღეებში ვცდილობთ უკრაინაში ყველა მოვიკითხოთ, ძირითადად ხაზზე არიან, ყოველდღე თვითონაც გვირეკავენ, მაგრამ ჩემი ალალი ბიძის ოჯახი დაკარგულია, რამდენიმე დღეა ვერ ვუკავშირდებით, ტელეფონები გათიშული აქვთ. დედა ტირის, ძალიან ძნელია მისთვის ამის ყურება.
- რუსეთში თქვენი ნათესავები რას ამბობენ?
- რა თქმა უნდა, ყველა იმ აზრზეა, რომ ეს ყველაფერი ძალიან ცუდია, მაგრამ ხომ ნახეთ ვინც ხმა ამოიღო ყველა დააკავეს. მათი ტელევიზიები რომ ნახოთ, ნებისმიერი მიხვდება, როგორი დაჭრილი ინფორმაცია გადის, ნორმალურად ვერაფერს იგებენ. ახლა უკრაინელებისთვის დახმარებას ვაგროვებდით უკრაინის საელჩოსთან ერთად, მეც ჩართული ვიყავი ამ პროცესში და ძალიან ვნერვიულობ, ახლა ელჩი რომ გაიწვიეს. არასოდეს პოლიტიკური განცხადებები არ გამიკეთებია და ახლოს არ ჩამივლია პოლიტიკასთან და ახლა რა იქნება ნეტავ, ელჩი რომ გაიწვიეს?
- მარგო, თქვენი უკრაინელი ნათესავები თუ ახერხებენ ქვეყნის დატოვებას.
- არავის არ უნდა წამოსვლა, რას ამბობთ, ყველა იბრძვის. როგორ დატოვებენ ქვეყანას. ქალები და ბავშვები შედარებით მშვიდობიან ადგილას გაარიდეს, თავად კი იბრძვიან, მაგრამ ყველამ ვერ მოასწრო სამშვიდობოს გასვლა. დიდი ნაწილი ბუნკერებშია. ტელეფონზე დარეკვისას გვეუბნებიან რომ არ აქვთ გაზი, დენი, საჭმელი, ძალიან რთულ მდგომარეობაში არიან, ვნერვიულობ. რატომ მოხდა ასე... ჩემი ერთ-ერთი ბიძაშვილი ძალიან კარგი კონდიტერია, სახლში ნამცხვრებს აცხობს და ბუნკერებში მშიერ ხალხს ურიგებს. ამბობს, რომ ისეა უკვე მიჩვეული რომ პირველივე სირენაზე მზად არის, რომ მერვე სართულიდან სარდაფში რამდენიმე წუთში ჩავიდეს.
- მარგო თქვენ როდის იყავით ბოლოს უკრაინაში?
- რამდენიმე წლის წინ, დიდი ხანია რაც არ ვყოფილვარ, მაგრამ ჩემი ნათესავები ხშირად ჩამოდიოდნენ. ყველანაირად ვცდილობ რომ უკრაინას დავეხმაროთ. ყოველდღიურად პროდუქტებსა და ტანსაცმელს ორ ლოკაციაზე ვაგროვებთ, სალომე ზურაბიშვილის რეზიდენციასთან და დედა ენის ბაღთან. ძალიან მინდა მშვიდობა, დავეხმაროთ უკრაინელებს.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჰო სულ მარგოს ეკითხებიან რჩევებს პუტინი და ბაიდენი,,,,,
ლუჩკო შეგიფარებ