თუ სიყვარულის დღისთვის საჩუქარს ეძებ
დასამახსოვრებელი და განსაკუთრებული - სწორედ ასეთი უნდა იყოს საჩუქარი, რომელსაც საყვარელი ადამიანისთვის არჩევ. მან მუდამ შენი თავი უნდა გაახსენოს და მხოლოდ თქვენ ორთან დაკავშირებული ემოციები გააღვიძოს.
ვალენტინობის დღესთან დაკავშირებული საჩუქარი რატომღაც ყოველთვის ნივთთან ასოცირდება, მაგრამ რა შეიძლება იყოს უფრო დასამახსოვრებელი, ვიდრე ერთი დიდი თავგადასავალი?
აჩუქე დღე, რომელიც სამუდამოდ დაგამახსოვრდებათ. ეს მოგონება კი მთელ თქვენს ცხოვრებას განსაკუთრებულ მოვლენად გაჰყვება. მოგონებებს ყველაზე კარგად მუსიკა ინახავს. ყველა ისტორიას აქვს თავისი მუსიკა, ისევე როგორც ყველა სიყვარულს. ერთი ნოტიც კი გახსენებს იმ მოგონებებს, რომლებიც შენს გონებაში სადღაც ღრმად არის ჩამალული.
საყვარელ ადამიანთან რომელი სიმღერები გაკავშირებსო რომ გკითხონ, ალბათ ნაცნობი ნოტები უმალ ჩაგესმებათ გონებაში და გულში ჩაგეღიმებათ კიდეც. წარმოიდგინეთ, ამ სიმღერების მოსმენა ღია ცის ქვეშ, როცა სცენიდან დაუვიწყარი მუხტი და ენერგია მოდის…
28 მაისს Black Sea Arena-ს სცენაზე OneRepublic წარდგება ყველა შეყვარებულის საყვარელი ჰიტებით. თუ გინდა, სიყვარულის დღე კიდევ უფრო დასამახსოვრებელი გახადო, აჩუქე საყვარელ ადამიანს დაუვიწყარი თავგადასავალი და მასთან ერთად დაგეგმე გაზაფხულის ბოლო შაბათ-კვირა შეკვეთილში.
ეს არის საჩუქარი, რომელიც არასოდეს ცვდება, არ ხუნდება, არ ჭკნება და ყოველთვის რჩება შენთან. თავგადასავალი საერთო მოგონებებით იწყება.
თავგადასავალის დასაწყებად გადადი ლინკზე.