მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თუ რეზოლუციას იღებ, იქ რუსეთი უნდა ახსენო" - რატომ უფრთხის საქართველოს ხელისუფლება უკრაინის საკითხზე მკაფიო პოზიციის გამოხატვას?
10:52 / 27-01-2022
უკრაინის მხარდამჭერი, საპარლამენტო რეზოლუცია ისე, რომ მასში რუსეთის აგრესია არ იყოს ნახსენები - "ქართულმა ოცნებამ“ სწორედ ამ პრინციპით მოამზადა მხარდაჭერის ტექსტი, რაც, ბუნებრივია, ოპოზიციის უკმაყოფილების მიზეზი გახდა.
წესით, ჩვენში სადაო არ უნდა იყოს, რომ უკრაინის მხარდაჭერის ვალდებულება და აუცილებლობაც კი გვაქვს, ერთი მხრივ იმის გათვალისწინებით, თუ როგორ იდგა ეს ქვეყანა 2008 წლის ომის დროს საქართველოს გვერდით, მეორე მხრივ კი იმიტომ, რომ რუსეთის აგრესიული რიტორიკის და ქმედების სამიზნე მხოლოდ უკრაინა არ არის. რუსეთი როდესაც ნატოს არ გაფართოების მოთხოვნას აყენებს, უკრაინასთან ერთად, საქართველოსაც მუდმივად ახსენებს, მაშინ, რა ხდება, საქართველოს ხელისუფლება რატომ იქცევა ასე?
- რა წერია რეზოლუციის პროექტში?
"პარლამენტი გამოხატავს ღრმა შეშფოთებას უკრაინაში შესაძლო სამხედრო ესკალაციის გამო და გმობს ყოველგვარ განზრახვას, რომელიც სუვერენული სახელმწიფოს სუვერენიტეტის და ტერიტორიული მთლიანობის წინააღმდეგ შეიძლება იყოს მიმართული, რაც ახალ საფრთხეს უქმნის არა მხოლოდ უკრაინის, არამედ რეგიონულ მშვიდობას და უსაფრთხოებას. აცხადებს, რომ ჩრდილოატლანტიკურ ალიანსში გაწევრიანება არის სახელმწიფოს სუვერენული უფლება და სამხედრო-პოლიტიკური არგუმენტებით ამ უფლების შეზღუდვის ყოველგვარი მცდელობა კატეგორიულად მიუღებელია. მიიჩნევს, რომ უკრაინაში ომის არდაშვება უნდა იყოს საერთაშორისო თანამეგობრობის უმთავრესი საზრუნავი. სოლიდარობას უცხადებს მეგობარ უკრაინელ ხალხს, რომელსაც ყოველგვარი შესაძლო სამხედრო ესკალაციით მძიმე ზიანი შეიძლება მიადგეს. ყოველივე ზემოთაღნიშნულის გათვალისწინებით, საქართველოს პარლამენტი მოუწოდებს საქართველოს მთავრობას, დიპლომატიური ინსტრუმენტების გამოყენებით და სტრატეგიულ პარტნიორებთან მჭიდრო კოორდინაციით განაგრძოს თავისი წვლილის შეტანა უკრაინაში ომის არდაშვებაში“
პროექტის ერთ-ერთი ავტორის, "ქართული ოცნების" ფრაქციის ლიდერის, მამუკა მდინარაძის განმარტებით, რეზოლუციის ტექსტის ყველა სიტყვა გამომდინარეობს საქართველოს ეროვნული ინტერესებისა და უკრაინელი ხალხის მხარდაჭერის გათვალისწინებით, თუმცა კითხვები მაინც ძალიან ბევრია…
საქართველოს დღევანდელი ხელისუფლება არჩევის დღიდან ამტკიცებს, რომ მისმა წინამორბედმა რუსეთთან ურთიერთობასთან მიმართებაში არასწორი პოლიტიკა აწარმოვა, რამაც 2008 წლის ომამდე მიგვიყვანა. "ქართული ოცნების“ მთავრობა გარკვეულწილად, ამის კომპლექსის ქვეშაა, რამაც, სავარაუდოდ, მეორე უკიდურესობაში ჩააგდო...
როგორც ჩანს, ირაკლი ღარიბაშვილსა და მის გუნდს მიაჩნიათ, რომ ამ საკითხზე პრინციპული და მკაცრი პოზიციის დაფიქსირებით, ხელს შეუწყობენ იმას, რომ რუსეთს დამატებითი საბაბი მიეცეს ჩვენი ქვეყნის წინააღმდეგ კიდევ უფრო აგრესიული პოლიტიკის საწარმოებლად, მაგრამ განა ეს პოზიცია არის კი ის, რაც რეალურად აგვაცილებს ამ აგრესიას?
როცა რუსეთზე ვსაუბრობთ, მას რაიმე მიზნის მისაღწევად დამატებითი მოტივები არ სჭირდება. ამავდროულად, ისიც ხომ ფაქტია, რომ თუკი პუტინმა უკრაინაში გარკვეულ წარმატებებს მიაღწია, შემდეგი საქართველო იქნება... რუსეთი ხომ ის ქვეყანაა, რომელსაც რაც მეტს დაუთმობ, მეტს წაგგლეჯს...
"ცოტა იმედგაცრუებული ვარ, რომ საქართველო უფრო აქტიური არ არის. ვერ ვიჯერებ, რომ პრემიერს ჯერ კიდევ არ დაურეკავს კიევში თავის უკრაინელ კოლეგასთან, ეს წარმოუდგენელია. ვფიქრობ, პირში წყლის ჩაგუბება დიდი შეცდომაა. რაც უფრო ჩაღუნავთ თავს, მით უფრო წააქეზებთ კრემლის აგრესიას", - განაცხადა ამერიკის შეერთებული შტატების ყოფილმა ელჩმა საქართველოში იან კელმა რადიო "თავისუფლებასთან“ ინტერვიუში.
მართლაც საოცარია, რა უშლის ხელს იმას, რომ სტრატეგიულად მნიშვნელოვანი ქვეყნის ხელისუფლებას სატელეფონო მხარდაჭერა მაინც გამოუცხადო, თუნდაც რუსეთის უხსენებლად...
შეიძლება გვევარაუდა, რომ ღარიბაშვილი და მისი კაბინეტი მიხეილ სააკაშვილთან დაკავშირებული პერიპეტიების გამო უკრაინის ხელისუფლებაზე ნაწყენები არიან, მაგრამ როდესაც გეოპოლიტიკურ პროცესებზე, საფრთხეებზე, სახელმწიფო ინტერესებზეა ლაპარაკი როგორ შეიძლება დავუშვათ, რომ ქვეყნის მმართველი პოლიტიკური ელიტა ასეთი ახლომხედველი იყოს...
"ქართული ოცნების“ ლიდერებიდან მეტ-ნაკლებად საინტერესო განცხადება კახი კალაძისგან მოვისმინეთ. "ჩვენთვის განსაკუთრებულად მნიშვნელოვანია უკრაინაში მშვიდობა საფრთხის ქვეშ არ დადგეს. უკრაინაში ომის არდაშვება უნდა იყოს უმთავრესი საფიქრალი და საზრუნავი ყველასთვის, ვისაც სამხედრო ესკალაციის თავიდან აცილებაში თუნდაც მცირე წვლილის შეტანა შეუძლია. ჩვენი ძალისხმევაც სწორედ აქეთკენ არის მიმართული. რა თქმა უნდა, ჩვენი შესაძლებლობის ფარგლებში ყველაფერს ვაკეთებთ, ვაკეთებდით და მომავალშიც გავაკეთებთ“, - ეს კალაძის სიტყვებია, მაგრამ რთული სათქმელია, ამ წვლილში რა იგულისხმება. ხელისუფლება მაქსიმალურად ცდილობს, უკრაინის თემაზე ნაკლები ილაპარაკოს და კრემლი როგორმე არ შეაწუხოს...
ექსპერტმა თორნიკე შარაშენიძემ "პალიტრანიუსის" გადაცემა "ნიუსრუმში", რეზოლუციის ტექსტზე საუბრისას, განაცხადა:
"ეს ტექსტი ჩვენი მხრიდან უფრო შეშინებული, ფრთხილი პოლიტიკის ნიშანია. როცა დედაქალაქიდან 40 კმ-ში რუსეთის სამხედრო ბაზა დგას, ეს ბევრ რამეს განაპირობებს. ამ მდგომარეობაში ბევრი ქვეყანა არაა. რა თქმა უნდა, თუ რეზოლუციას იღებ, იქ ალბათ რუსეთი უნდა ახსენო. დაველოდოთ, რა შედეგები მოჰყვება და შემდეგ ვიმსჯელოთ. მგონია, რომ ახლა, როცა დუღილის ტემპერატურამ დაიწია, ჩვენი მხრიდან უფრო მკაფიო განცხადებები გაკეთდება..."
ავტორი: ღვთისავარ ანთაძე
მკითხველის კომენტარები /
76 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ოპოზიცია როგორც ყველაფერში, აქაც აბსოლუტურად უქნარის და უტვინოს შთაბეჭდილებას (ზერო სუმ) ტოვებს; მთავარი ხომაა, რომ უკრაინის მთლიანობას უჭერ მხარს, გმობ მის ტერიტორიაზე შეჭრის ნებისმიერ მცდელობას; რუსი იძახის არსად არ ვიჭრებიო და ჩხიკინი რას მოიტანს? კარგს არაფერს
ოპოზიციას ოპოზიციონერობა ყველაფერში ხელისუფლების წინააღმდეგ წასვლა ჰგონია; მუშაობა, რეალური პრობლემების გამოკვეთა და ბრძოლის გზების დასახვა არ უნდა (არ შეუძლია) და კარავში წოლით, მუქთა ხელფასების აღებით და მიშას დი---რეასა და არაადეკვატურ შ---ვაზე ლაპარაკით წინ ვერ წავლენ ... ესეც ინერციითაა, ცოტა ხანში არამცთუ მიტინგებზე ვერ მიიყვანენ 40 კაცზე მეტს, არჩევნებზე ბარიერის გადალახვა ექნებათ სანატრელი.
მე მაინც ლელოს, დაღმამშენებლის და მსგავსთა პოზიცია მაკვირვებს - მეცოცხეები რომ გუშინდელი დღეა და არა მარტო ქვეყნისთვის, არამედ მათი პარტიებისთვისაც არაფრისმომცემია, ამას ვერ ხვდებიან? პარლამენტში სხვის მიერ დადებულები (გუბაზი, უსუფაშვილი მაჭუტაძე, ჩხეიძე ...) გასაგებია, მათ უნდოდათ დეპუტატობა და მიიღეს და მიმყვანის საამებელს უბერავენ; კი მაგრამ ქვეყანა?
მშვენიერი რუკაა!, ხოდა ყველამ კარგად გაიაზროს ამ რუკის მიხედვით სიტუაცია, მასშტაბები, მოსალოდნელი შედეგები, საშიშროება ჩვენი პატარა და ლამაზი ქვეყნისთვის და ნუ აიძულებენ მთავრობას შარში გახვიოს თავისი ხალხი.ნეიტრალიტეტი! უკრაინას ყავს ვითომ "პატრონები". ჩვეეენ?