1
აპრილიდღის ზოგადი ასტროლოგიური პროგნოზი
18 წლის ბიჭმა, ალთაი ფაშაევმა თბილისში, ქუჩაში საფულე იპოვა, რომელშიც 6 000 ლარამდე თანხა იყო. ბიჭმა თანხა პოლიციაში მიიტანა, პოლიციამ კი პატრონს დაუბრუნა.
ალთაი ბოლნისში დაიბადა. ის 4 წლიდან საცხოვრებლად, ოჯახთან ერთად, თბილისში გადმოვიდა. უკვე რამდენიმე წელია მუშაობს და საკუთარი შემოსავალი აქვს. 18 წელი ზუსტად იმ დღით შეუსრულდა, როცა ფული იპოვა. ამბობს, რომ ფულის აღება წუთითაც კი არ უფიქრია.
"სამსახურიდან სახლში ვბრუნდებოდი. საფულე დავინახე, რომელიც ძირს ეგდო, ავიღე გავხსენი და შიგნით დიდი თახა იყო. პოლიციაში წავიღე და ვიდრე ფულის პატრონი არ მოვიდა, იქიდან ფეხი არ მოვიცვალე“, - ამბობს ალთაი.
როგორც გაირკვა, თანხა ციცი ხოტენაშვილმა დაკარგა. ამბობს, რომ თანხის დაკარგვის შესახებ რომ შეატყობინეს, ძალიან ცუდად გახდა. დარწმუნებული იყო, რომ თანხას უკან არავინ დაუბრუნებდა. საბედნიეროდ, ეს თანხა კეთილმა ადამიანმა იპოვა...
ციცი ხოტენაშვილი ambebi.ge - სთან ჰყვება, რომ უცხოეთიდან ახლობელმა მობილური ტელეფონი ჩამოუტანა და ტელეფონთან ერთად თანხაც გადასცა, რომელიც ციცის სხვისთვის უნდა მიეცა.
"მანქანაში რომ ჩავჯექი, თანხა საფულეში ჩავდე. საფულე, მეგონა, ჩანთაში ჩავიდე, მაგრამ ქურთუკსა და ჩანთას შორის ჩამვარდნია და მანქანიდან რომ გადმოვედი, ძირს დამივარდა, თუმცა თანხის დაკარგის შესახებ არაფერი ვიცოდი. ჩემი შვილი არასრულწლოვანია და მისი მობილურის ნომერი ჩემს სახელზეა. ბავშვი მეგობართან მყავდა დატოვებული და პოლიციამ მის ნომერზე დარეკა. მეგობარმა დამირეკა და შემატყობინა, რომ საფულე დაკარგული მქონდა. ხალხო, ლამის მოვკვდი, შოკში ვიყავი. პოლიციაში რომ დავრეკე მითხრეს, - საფულე, ფულთან ერთად, ახალგაზრდა კაცმა იპოვა და პოლიციაში მოიტანაო... სიხარულისგან ვკანკალებდი, ვკიოდი, ვწიოდი. თან ვფიქრობდი, ვინ არის ის კეთილი ადამიანი, ვინც ეს თანხა იპოვა-მეთქი. ხომ შეიძლებოდა ცდუნებისთვის ვერ გაეძლო. ეს ადამიანი ჩემი გმირია. მას ყველა უნდა იცნობდეს,“ - ამბობს ციცი ხოტენაშვილი.
ავტორი: თიკო გურაშვილი
'' პასუხი''- ს- ''საფულეში იყო პირადობა'' ძალიან მომეწონა! მე საფულეში მიდევს ჩემი პირადობის დამადასტურებელი მოწმობა.
წაახალისეთ გმირი