მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ტოპ 5 წიგნი, რომელიც ოქტომბერში უნდა წაიკითხო
12:30 / 28-09-2021
ოქტომბერი არის დრო, როდესაც შემოდგომა ნამდვილი ხდება. წითელ-ყვითელი ფოთლებით მოფენილი ქუჩები, ბნელი საღამოები, ადრეული მზის ჩასვლის ხიბლი, გვიან გასეირნება და ცხელი, არომატული ჩაი - ეს ყველაფერი წლის ყველაზე უცნაური და მომხიბვლელი თვის მაგიაა. ოქტომბერი სავსეა საოცარი საიდუმლოებებით, რომელთაც წიგნების გარეშე ვერ ამოხსნით.
1. კირკე
მითოლოგია - ის სფეროა, რომელიც ყველა დროში აქტუალურია. ადამიანები დღემდე იკვლევენ მას, რადგან მითებსა და ლეგენდებში კაცობრიობის უდიდესი საიდუმლოებები იმალება. თუ გინდათ, რომ ისეთი წიგნი წაიკითხოთ, რომელიც პირველივე გვერდებიდან საოცარ სამყაროში გადაგაგდებთ და ვერ დახურავთ წიგნს, სანამ კითხვას არ დაასრულებთ, მაშინ მადელინ მილერის „კირკე“ - იდეალური არჩევანი იქნება. „კირკე“ 2018 წელს, new York times-ის წლის ბესტსელერების სიაში პირველ ადგილას მოხვდა.
თქვენს წინაშე ძველბერძნული ქალღმერთის, ბრწყინვალე ჰელიოსის და პერსეიდას ქალიშვილის, კირკეს ცხოვრება გადაიშლება, რომელიც თავისი უსასრულო სიცოცხლის მანძილზე, ჯადოქრობის საიდუმლოებებს დაეუფლება. ჯადოქრობაში მას ბადალი არ ჰყავს... კირკე კუნძულებს ილუზიის საბურველში ხვევს და თავხედ სტუმრებს, ცხოველებად აქცევს. გაუმაძღარ სკილას ამშვიდებს და ადამიანებს განუკურნებელი სენისგან არჩენს. იმოგზაურეთ ძველი საბერძნეთის ნათელ და ფერად ატმოსფეროში და შეხვდით მითების გმირებს. „კირკე“ 30 ენაზეა ნათარგმნი. 2018 წელს კი კომპანია HBO Max-მა შეისყიდა „კირკეს“ ეკრანიზების უფლება.
2. ლაზიერის გამბიტი
უოლტერ ტევისის რომანი აღიარებულია მე-20 საუკუნის ამერიკული ლიტერატურის კლასიკად. წარმოუდგენელი კინემატოგრაფიული პროზა, ცოცხალი და ძლიერი გმირი, რომლის ბედზე რეალურად ღელავ. უოლტერ ტევისი თავად პროფესიონალი მოჭადრაკე იყო, ამიტომ, წიგნში მოთხრობილია თამაში - სრულყოფილი სიზუსტით, რომლის წაკითხვა განსაკუთრებით საინტერესოა დამწყები მოჭადრაკისთვის. სიუჟეტი წარმოუდგენელი დინამიკით, ძალიან მკაფიო პერსონაჟებითა და ჭადრაკის სამყაროში არსებული ვნებებითაა განმსჭვალული. ამბავი ბეტ ჰარმონის - ვუნდერკინგი გოგონას შესახებაა, რომელიც დედის გარდაცვალების შემდეგ ბავშვთა სახლში მოხვდება. სიყვარულს და ემოციურ მხარდაჭერას მოკლებული ბავშვი, თავშესაფარს ჭადრაკის სამყაროში პოულობს...
3. ცოცხლად დამწვარი
სუადის ეს სულისშემძვრელი რომანი მრავალ ენაზეა ნათარგმნი. „ცოცხლად დამწვარი“ წარმოადგენს აღსარებას ქალის უნიკალური და ტრაგიკული ბედისა, რომელსაც ჩვიდმეტი წლის ასაკში, „ოჯახის წევრების ღირსების წინააღმდეგ“ ჩადენილი დანაშაულისთვის, უახლოესი პირები სიკვდილით დასჯას მიუსჯიან. წიგნი ასევე არის მისი სასწაულებრივი ხსნის შესახებ, იმ ადამიანების შესახებ, რომლებიც მის დასახმარებლად მოვიდნენ. ეს არის დოკუმენტური თხზულება, რომელიც მსოფლიოს ბესტსელერი გახდა.
4. თანამედროვე სიყვარული
წიგნში თავმოყრილია წლების განმავლობაში „ნიუ-იორკერში", რედაქტორის სვეტში გამოცემულ მოკლე მოთხრობები, რომელთა ავტორებიც ანონიმურები არიან, ხოლო მათ ტექსტებს საერთო თემა - თანამედროვე სიყვარული აერთიანებს. სიყვარულის მაცოცხლებელი თვისება მგრძნობიარობაა, მას კი ბევრი ფორმა შეიძლება ჰქონდეს. თუმცა ყველა შემთხვევაში მგრძნობიარობა ნიშნავს, არ შეუშინდე დაკარგვის შესაძლებლობას, მაგრამ, იმავდროულად და რაც უფრო მნიშვნელოვანია! - გააჩინო კავშირების შესაძლებლობაც, ეს უკანასკნელი კი რისკის გარეშე შეუძლებელია.
სიყვარულს ბევრი სხვადასხვა თვისება აქვს და მრავალგვარია: რომანტიკული, ოჯახური, დედაშვილური, ტრადიციული თუ არატრადიციული, უიღბლო, ბედნიერი, ზოგჯერ სასტიკიც და როგორიც უნდა ეწვიოს, ადამიანი ბევრ რამეს სწავლობს - ეს წიგნი შეგვახსენებს, რომ სიყვარული უასაკოა და მას სიცოცხლის ყველა მონაკვეთში მადლიერებით უნდა შეხვდე, მნიშვნელობა არა აქვს, რამდენად ხანგრძლივი თუ ხანმოკლე იქნება.
5. ღირსება
ელიფ შაფაქის ამ რომანში მოქმედება ლონდონში ვითარდება. ამბავი ერთი ოჯახის სამი თაობის შესახებაა, რომელთა ცხოვრებასაც გენდერი, კულტურა, ტრადიციები და ცრურწმენები განსაზღვრავს. ელიფ შაფაქის “ღირსება” ძირითადად კულტურულ საკითხებს ეხება. წიგნში რეალისტური ამბების გარდა მისტიკურ ელემენტებსაც ვხვდებით, თუმცა ძირითადი აქცენტი ოჯახზე, სიყვარულზე, ურთიერთობებსა და ტრადიციებზეა. “ღირსება” მტკივნეულად წასაკითხი წიგნია. მტკივნეულია იმით, რომ ვხედავთ, როგორ ზრდიან ქალები თავიანთ ვაჟებს ისეთ კაცებად, როგორებსაც თავადვე გაურბიან; როგორ ღალატობენ, სცემენ და კლავენ ასეთი კაცები ცოლებს; როგორ არიან მარტოობისთვის განწირული “ღირსებაშელახული” ახალგაზრდა გოგოები; როგორ მიჰყავს საზოგადოების მიერ დამკვიდრებულ ნორმებს ადამიანის ბედისწერა ტრაგედიამდე. მტკივნეულია, რადგან დრო და ადგილი, რომელზეც ელიფ შაფაქი წერს, სინამდვილეში ჩვენგან არც ისე შორსაა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩათვალე, რომ წაკითხული მაქვს.