მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ლევან სუხუმსკი - მკაცრი და გავლენიანი კანონიერი ქურდი" - რას წერს უცხოური პრესა ქართველ კრიმინალურ ავტორიტეტზე, რომელიც რამდენიმე დღის წინ ბარსელონაში დააკავეს
15:28 / 05-09-2021
რუსული პრესა ყურადღებას უთმობს ცნობილი "კანონიერი ქურდის" - ლევან სუხუმსკის დაკავებას, რომელიც ესპანეთის პოლიციამ ქალაქ ბარსელონაში განახორციელა.
გაზეთ "კომერსანტში" (КоммерсантЪ) გამოქვეყნებულია სტატია - "კანონიერმა ქურდმა" ბარსელონას იქით გაქცევა ვერ მოასწრო: ლევან სუხუმსკი ესპანეთში იპოვეს" (ავტორი - ალექსანდრე ტიზონოვი), რომელშიც ნათქვამია: "კანონიერი ქურდი" ლევან აბულაძე (იგივე ლევან სუხუმსკი), რომელიც გასულ წელს, ქალაქ ვლადიმირში, პატიმრობის ვადის გაგრძელების მიზნით დანიშნული სასამართლოს სხდომის დაწყების წინ გაიქცა, ესპანეთის ქალაქ ბარსელონაში ყალბი უკრაინული პასპორტით, ქვეყნის საზღვრის გადაკვეთისას დააკავეს.
რუსეთში ამ "ავტორიტეტს" წაყენებული აქვს ბრალდება იმაში, რომ მას დამნაშავეთა იერარქიაში უმაღლესი სტატუსი აქვს მინიჭებული. სხვათა შორის, სწორედ ასეთი ბრალდების გამო, ლევან აბულაძის ყოფნა რუსეთის ტერიტორიაზე, შინაგან საქმეთა უწყების განკარგულებით, "სამუდამოდ არასასურველად" ჩაითვალა. ესპანეთის ეროვნული პოლიციის მონაცემებით, საქართველოს მოქალაქე ლევან აბულაძე "თავისი ორგანიზაციის მართვას ანონიმურად გეგმავდა".
ლევან სუხუმსკიზე რუსეთმა საერთაშორისო ძებნა გამოაცხადა მას შემდეგ, რაც იგი გასული წლის ბოლოს ვლადიმირის ოქტომბრის რაიონის სასამართლოს შენობიდან გაიქცა. სასამართლოს "კანონიერი ქურდის" პატიმრობის ვადის გაგრძელების საკითხი უნდა განეხილა. ოფიციალური ვერსიით, ლევან აბულაძე სასამართლოში არ მიუყვანიათ და შუამდგომლობა მისი პატიმრობის ვადის გაგრძელების თაობაზე განხილული არ ყოფილა, თუმცა, როგორც მასობრივი ინფორმაციის საშუალებები იუწყებოდნენ, "კანონიერმა ქურდმა", თითქოსდა, გაქცევა სასამართლოს საპირფარეშოდან მოახერხა.
ლევან სუხუმსკი, რომელმაც ოთხი წელი დაჰყო ე.წ. ვლადიმირის ცენტრალის საპყრობილეში, ნარკობრუნვაში მონაწილეობისა და დოკუმენტების გაყალბების გამო, 2020 წლის აპრილიდან უცხოელი არალეგალების სპეცმიმღებში იმყოფებოდა, [სამშობლოში] შემდგომი დეპორტაციის მიზნით. 2020 წლის 19 თებერვალს რუსეთის შს მინისტრის მოადგილემ მიხეილ ვანიჩკინმა ხელი მოაწერა განკარგულებას, რომლის თანახმად, "კანონიერი ქურდის" ყოფნა რუსეთის ტერიტორიაზე "სამუდამოდ არასასურველად" იყო მიჩნეული.
როგორც ესპანეთის ეროვნული პოლიცია იტყობინება, ლევან აბულაძე, რომელიც კლასიფიცირებულია, როგორც "მკაცრი და გავლენიანი "კანონიერი ქურდი", ბარსელონის ელ-პრატ დე-ლობრეგატის აეროპორტში იქნა დაკავებული.
საქართველოს პოლიციასთან თანამშრომლობის წყალობით აღმოჩნდა, რომ "ავტორიტეტმა" უკრაინის მოქალაქის ყალბი პასპორტი მიიღო (სწორედ ამ დოკუმენტით გეგმავდა ესპანეთის საზღვარზე გადასვლას) და ემზადებოდა, რომ "თავისი კრიმინალური ორგანიზაციის მართვას" ანონიმურად ესპანეთიდან დაიწყებდა. რუსეთში ლევან აბულაძეს, სისხლის სამართლის კოდექსის 210.1 მუხლის თანახმად, (უმაღლესი სტატუსი დამნაშავეთა იერარქიაში) 8-დან 15 წლამდე პატიმრობა ემუქრება. (წყარო)
მოამზადა სიმონ კილაძემ
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჟურნალისტები აპიარებთ , ამუქებთ და აშინებთ ხალხს,, მაფიით!,,
თქვენ რომ არა , ქართული,, მაფიაც,, არ იქნებოდა უვხოეთში და არც საქართვრლოში!
ამ ნაგვებს რატო აპიარებთ?