მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ფაქტია, მოხდა უბედურება... არ ვართ სანდონი არც აქეთ, არც იქით - მხარს ვუჭერ წარმოდგენილ კანონპროექტს" - დავით უსუფაშვილი
17:52 / 22-06-2021
ოპოზიცია არაფერს იბრიქება, ფაქტია, მოხდა ეს უბედურება, გახდა საჭირო ამ კვორუმის აწევა იმიტომ, რომ არ ვართ სანდონი არც აქეთ, არც იქით და არც მანამდე, - ამის შესახებ ფრაქცია „ლელო-პარტნიორობა საქართველოსთვის“ წევრმა დავით უსუფაშვილმა პარლამენტის პლენარულ სხდომაზე განაცხადა, სადაც პარლამენტის წევრის იმუნიტეტის მოხსნასთან დაკავშირებული საკანონმდებლო ინიციატივის განიხილვა მიმდინარეობს.
როგორც უსუფაშვილმა აღნიშნა, ის წარდგენილ პროექტს მხარს უჭერს და ამის მიზეზებიც განმარტა.
„მე მხარს ვუჭერ წარმოდგენილ კანონპროექტს წარმოდგენილი სახით არა იმიტომ, რომ საოცარ ევროპულ სტანდარტს ვაღწევთ ამით, არამედ იმიტომ, რომ პოსტსაბჭოური სტანდარტით ცხოვრებამ მოგვიყავანა აქამდე და გახადა იმის საჭიროება, რომ მსოფლიოს მოეთითებინა - თქვენ მანდ ქართველები ძალაუფლებას ტრადიციულად ვერ უმკლავდებით ხოლმეო, ვერცერთი უმრავლესობა 1990 წლიდან მოყოლებულიო. ყველა უმრავლესობას სხვადასხვა დოზით წაგიცდებათ ხოლმე ხელი იმ იარაღზე, რომელიც მაღალი სტანდარტით არის გამოსაყენებელიო. 1991 წელს ასეთი დაბალი სტანდარტით დაიწყო პირველი უმრავლესობის მიერ პირველი უმცირესობის წარმომადგენლის თენგიზ ბეჟაშვილის გაძევება, იმუნიტეტის შეწყვეტა და მას შემდეგ ბევრმა წყალმა ჩაიარა. წინა ხელისუფლებამ გელაშვილი ვერ მოკლა და რადგან ცოცხალი გადარჩა, პარლამენტიდან გააგდო. ამიტომ „ქართული ოცნება“ არ ბრძანდებით ერთადერთი და განუმეორებელი, ამ საკითხში შემჩნეული ძალაუფლების არასწორი გამოყენებით.
ამას ნურც კომპლიმენტად მიიღებთ და ნურც ნამეტანი დამწუხრდებით. ახლა მსოფლიომ დაინახა, რომ ძალაუფლებას ბოროტად იყენებს ხოლმე ხელისუფლება, ამიტომ გვითხრა 90 კაცზე ნაკლებით ნუ გაუშვებთ ვიღაცას წინასწარ პატიმრობაში, დაელოდეთ, სანამ სასამართლო დაადგენს განაჩენსო. თუ დაადგენს განაჩენს, ის კაცი თუ ქალი ავტომატურად გადის პარლამენტიდანო. წინასწარ, გამოძიების დროს ასე მარტივად პარლამენტის წევრს ნუ ჩასვამთ ციხეშიო. იმიტომ, რომ თუ ჩასვამთ იმ იმედით, რომ ამით პრობლემებს შეიმცირებთ და ქვეყანას გადაარჩენთ კატაკლიზმებისგან, მეტი კატაკლიზმები დაგემართებათ ხოლმეო. ის, რაც დაემართა ამ ქვეყანას ბოლო გადაწყვეტილების დროს. ის, რაც წინა ხელისუფლებას დაემართა... ვალერი გელაშვილის საქმე ერთ-ერთი მნიშვნელოვანია, რის გამოც წინა ხელისუფლების წარმომადგენლები ციხეში უნდა იჯდეს და ზოგი ზის კიდეც. ამიტომ ნუ დავამადლით ვინმეს რამეს. ოპოზიცია არაფერს იბრიქება, ფაქტია, მოხდა ეს უბედურება, გახდა საჭირო ამ კვორუმის აწევა იმიტომ, რომ არ ვართ სანდონი არც აქეთ, არც იქეთ და არც მანამდე. უმრავლესობას უნდა ჰქონდეს იმის საღი აზრი განსაჯოს, მართლა იმხელა ხიფათის შემცველია პირი, რომ წინასწარ პატირობაში გავუშვათ თუ არა. მე მხარს ვუჭერ ამ კვორუმსაც. 2/3-მდე გაზრდა დიახ, იქნება მეორე მხარეს გადახრა“, - განაცხადა უსუფაშვილმა.
ცნობისთვის, პარლამენტის პლენარულ სხდომაზე, პარლამენტის წევრის იმუნიტეტის მოხსნასთან დაკავშირებული საკანონმდებლო ინიციატივის განიხილვა მიმდინარეობს. რეგლამენტში დაგეგმილი ცვლილებების პროექტი, პირველი მოსმენით, საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა წარადგინა.
ფრაქცია „ქართული ოცნების“ მიერ მომზადებული პროექტის მიხედვით, დეპუტატის დაკავება ან დაპატიმრებაზე, მისი საცხოვრებელი ან სამუშაო ადგილის, მანქანის ან პირად ჩხრეკაზე თანხმობის მიცემას პარლამენტის სრული შემადგენლობის 3/5 - არანაკლებ 90 ხმა დასჭირდება.
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ასამდეშამცირეთ თქვენი რაოდენობა, რა საჭიროა 150 ?! სად გეძებოთ ქვორუმისათვის ?!
ეს ყოვლად ხელმოცარული ადამიანი, კიდევ ცოცხალია? იცით რა მიკვირს, ეს " ლელოს " შეეტენა გამორჩენის მიზნით, იმათ რაში ჭირდებათ ეს ვერ გავიგე. ისე ეს სისხლის მწოველები რომ ხალხის თავდადებულ მსახურად ჭარმოჩინდნენ ესაა სასაცილო, ნეტა რასაც ამბობენ თვითონ თუ სჯერათ?...