მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ვაქცინების უქონლობით გამოწვეული სევდის გადაფარვის მცდელობაა... ეს ყველაფერი რისკის შემცველია" - როგორ აფასებს კულუმბეგოვი შეზღუდვების შემსუბუქებას?
17:05 / 22-06-2021
ეს არის ვაქცინების უქონლობით გამოწვეული სევდის, რეგულაციების მოხსნით გამოწვეული სიხარულით გადაფარვის მცდელობა, - ასე აფასებს ალერგოლოგ-იმუნოლოგი ბიძინა კულუმბეგოვი "ინტერპრესნიუსთან“ კორონავირუსის გამო დაწესებული შეზღუდვების შემსუბუქებას.
როგორც კულუმბეგოვი აღნიშნავს, "კომენდანტის საათის“ გაუქმება „გამოწვევების ფონზე, როდესაც საზოგადოება დაცული არ გვყავს და ახალი შტამებია, მაღალი რისკის შემცველია“.
"ჩემი დამოკიდებულება ერთგვაროვანია. არც წყენა მაქვს, არც სიხარული. რა თქმა უნდა, გარე სივრცეში პირბადის მოხსნა ზაფხულის პირობებში, როდესაც ადამიანები ისედაც ვერ ატარებდნენ, მესმის და მისაღებია. ღია სივრცეში, კაფე, ბარი, რაც კი მუშაობდა ვხედავდით, რომ პირბადის ტარების წესი დაცული არ იყო, ეს აუცილებლად ძალიან მკაცრად უნდა გაკონტროლდეს.
რაც შეეხება ღამით გადაადგილების საკითხს, რა თქმა უნდა, მესმის, რომ ძალიან სერიოზული საზოგადოებრივი წნეხის ქვეშ იყო ხელისუფლება, მაგრამ 23:00 საათის შემდეგ ამის მოხსნა ავტომატურად გამოიწვევს ადამიანების სახლში გადანაცვლებას, თავყრილობებს, ქეიფს, მსგავს ღონისძიებებს. ამ გამოწვევების ფონზე, როდესაც საზოგადოება დაცული არ გვყავს, ახალი შტამებია და ასე შემდეგ, ძალიან რისკის შემცველია.
როგორც ზოგი ევროპული ქვეყნის გამოცდილება ამბობს, მსგავსი ტიპის გადაწყვეტილებებს თუ იღებ, მაშინ უნდა თქვა, რომ სტუმრიანობა შეზღუდულია, ერთ ადამიანზე მეტს ვერ მიიღებ. კი ბატონო, გარეთ არ ავკრძალოთ, ვისაც უნდა ღამე 01:00-02:00 საათზე ისეირნონ, მაგრამ თავყრილობების სახლში პრევენცია ძალიან მნიშვნელოვანია, აქ უნდა ჩაგვედო რეგულაცია, ამას შეცდომად განვიხილავ.
ნებისმიერი რეგულაციის შემსუბუქება ადამიანს ფსიქოლოგიურ წნეხს თითქოს უხსნის, რაც მას უფრო თავისუფალი ურთიერთობისკენ უბიძგებს და სოციალური დისტანცია იშლება.
ვაქცინაციის პროცესი ამ დროს რეალურად არ გვაქვს, მე ამ ყველაფერს, ასე ვაფასებ - ეს არის ვაქცინების უქონლობით გამოწვეული სევდის, ამ რეგულაციების მოხსნით გამოწვეული სიხარულით გადაფარვის მცდელობა“, - აღნიშნავს კულუმბეგოვი.
რაც შეეხება ქვეყანაში „ასტრაზენეკას“ ვაქცინის დეფიციტს, რომელიც დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, რამდენიმე ფაქტორმა განაპირობა, როგორც კულუმბეგოვი აცხადებს, „სამწუხარო რეალობის წინაშე დავდექით“.
„რასაც მე ვხედავ, მოწოდების პრობლემაა, როდესაც ერთი მომწოდებელი გყავს და ეს არ არის დივერსიფიცირებული, რა თქმა უნდა, ქმნის ამის რისკს. ნებისმიერ საერთაშორისო სააგენტოშია, რომ ჯანდაცვის მსოფლიო ორგანიზაცია და „კოვაქსი“ ამბობს, რომ ბევრ ქვეყანაში ვაქცინაციის პროგრამების მდგრადობა კითხვის ნიშნის ქვეშაა.
ჩვენთან, ასეთ სიტუაციაში ლოჯისტიკურად ეს რისკი უნდა დააზღვიო. როდესაც ასეთი ვითარება იქმნება, ევროკავშირი, ლიეტუვა, ესტონეთი თუ გჩუქნის ვაქცინის დოზებს, მას უნდა სთხოვო, რაც შეიძლება ადრე გამოგიგზავნონ, თუნდაც დაპირებული 100 ათასი დოზიდან 5 ათასი დოზა, ეს არის უზრუნველყოფა.
მესმის, რომ „ასტაზენეკა“ იძლევა ლავირების საშუალებას, რომ 10-დან 12 კვირა ვისაც აქვს მას გადაუნაწილებენ დოზებს, მაგრამ 8-6 კვირაში ჩაწერილი ადამიანები? ადამიანებს ორჯერადი დოზირება სჭირდებოდათ, ზოგი 6 კვირაშია ჩაწერილი უცხოეთში რომ წასულიყო, ბიზნესის ან ჯანმრთელობის პრობლემის გამო და არავის არ უნდა ერთი ვაქცინით, ან უვაქცინოდ გადაადგილდეს, ქვეყნები არ გიშვებენ, თუ ვაქცინაციის სტატუსი არ გაქვს, მეორე დოზიდან 2 კვირა გასული. რა თქმა უნდა, ეს პრობლემაა, სამწუხარო რეალობის წინაშე დავდექით“,-აღნიშნავს კულუმბეგოვი.
ცნობისთვის, საქართველოში ე.წ. კომენდანტის საათი 1-ელი ივლისიდან გაუქმდება. ამასთან, დღეიდან ღია სივრცეში პირბადის ტარება სავალდებულო აღარ იქნება. გადაადგილებაზე მოქმედი შეზღუდვის გაუქმების მიუხედავად, 1-ლი ივლისიდან, კვების ობიექტების მუშაობა ნებადართული იქნება 00:00 საათამდე. საბჭოს გადაწყვეტილებით, კვლავ შეზღუდული რჩება ღამის კლუბების ფუნქციონირება. რაც შეეხება, „ასტრაზენეკას“ დაახლოებით 5 000-მდე ვაქცინის დეფიციტს, დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ვაქცინის მოწოდებაში სერიოზული შეფერხებაა, რომელიც დაკავშირებულია ბევრ ფაქტორთან. მისივე განმარტებით, „ასტრაზენეკას“ ვაქცინის დეფიციტი ძირითადად შეიქმნა რესპუბლიკურ საავადმყოფოში, ასევე ცენტრალურ ინფექციურ საავადმყოფოში და ე.წ. ხეჩინაშვილის სახელობის კლინიკაში.
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა შემსუბუქდა რა ? 5 საათით რო იყო კომენდატის საათი ? შენ თუ მართლა გგონია მაგ 5 საათით რამე წყდებოდა სათქმელიც არაფერია .
ჩვენც სევდა გვეუფლება, რადგან იმედგაცრუებული ვართ თქვენი და თქვენი კოლეგების მოქმედებებით. ასე რომ, ცხოვრება გვაცალეთ.