31
მარტიდღის ზოგადი ასტროლოგიური პროგნოზი
6 წლის ბავშვი, რომელსაც დედა და მამინაცვალი აწამებდნენ, მინდობით აღზრდაში გადაიყვანეს. სასამართლოს გადაწყვეტილებით, მინდობით აღზრდაში გადაიყვანეს ასევე არასრულწლოვნის ძმა.
როგორც „ინტერპრესნიუსს“ მამინაცვლის ადვოკატმა მუხრან ღურწკაიამ განუცხადა, დღეს სოციალურმა სამსახურმა თბილისის საქალაქო სასამართლოს ბავშვების 6 თვის ვადით მშობლებისგან განცალკევების შუამდგომლობით მიმართა, რაც მოსამართლემ სრულად დააკმაყოფილა. ადვოკატის განმარტებით, დაცვის მხარე აღნიშნულ შუამდგომლობას არ დაეთანხმა და გადაწყვეტილების სააპელაციო სასამართლოში გასაჩივრებას აპირებს.
ადვოკატის განმარტებით, 20 ივნისს, ბრალდებულებისთვის აღკვეთი ღონისძების შეფარდების სხდომა გაიმართება. სხდომაზე დაცვის მხარე, აპირებს ბრალდებული ა.ს.-ს აღკვეთის ღონისძიების გარეშე დატოვების შუამდგომლობის დაყენებას.
„საქმეზე არ არის არც ერთი პირდაპირი მტკიცებულება, რომელიც ადასტურებს ჩემი დაცვის ქვეშ მყოფის ბრალეულობის საკითხს. თქვენ იცით, რომ ორივე დაკავებულს წარდგენილი აქვთ ბრალი წამების მუხლით და ეს ფაქტი არ დასტურდება არც ერთი მტკიცებულებებითა და მოწმეების ჩვენებებით, თუნდაც ბავშვის ჩვენებით. შესაბამისად, აღკვეთის ღონისძიების გარეშე დატოვებას და მისი დაკავებიდან გათავისუფლებას მოვითხოვთ,“- განაცხადა მუხრან ღურწკაიამ.
შეგახსენებთ, რომ დედას და მამინაცვალს, რომლებიც 6 წლის ბავშვს სცემდნენ, ხელ-ფეხს უკრავდნენ და რამდენიმე დღე საკვებს არ აძლევდნენ, პროკურატურამ ბრალი წარუდგინა.
დააკავებულებს ბრალი სისხლის სამართლის კოდექსის 11 პრიმა, 144-ე პრიმა მუხლის მე-2 ნაწილის „ე“ და „ზ“ ქვეპუნქტებით (ოჯახის წევრის მიმართ წამება, ჩადენილი ჯგუფურად, წინასწარი შეცნობით არასრულწლოვნისა და უმწეო მდგომარეობაში მყოფის მიმართ) წარედგინათ, რაც სასჯელის სახედ და ზომად 9-დან 15 წლამდე თავისუფლების აღკვეთას ითვალისწინებს.
ასეთი და ანალოგიური შემთხვევების გამო გამართლებულია ბავშვის მინდობით აღსაზრდელად გადაცემა, მაგრამ როდესაც სიღარიბის გამო ართმევ დედას შვილს თუ შვილებს, ამას არანაირი გამართლება არა აქვს და დანაშაულად მიმაჩნია!
ბევრად კარგი იქნებოდა, რომ ის თანხა რომელიც მიმნდობი ოჯახებისათვის არის განკუთვნილი ღარიბი ოჯახებისათვის გადაეცათ!
მაგრამ, როგორც იტყვიან სწორედამც რომ "ძაღლის თავი მაგაშია დამარხული"!