მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პუტინმაც იცის, რომ არ დავაყოვნებ პასუხს მომავალ მავნე ქმედებებზე" - რა განცხადებას აქვეყნებს ბაიდენი ვლადიმერ პუტინთან შეხვედრამდე
16:00 / 06-06-2021
აშშ-ის პრეზიდენტის, ჯო ბაიდენის განცხადებით, რუსეთის პრეზიდენტთან ვლადიმერ პუტინთან შეხვედრაზე გამოხატავს მზადყოფნას კონსტრუქციული თანამშრომლობისთვის, მაგრამ დარჩება თავის მკაცრ პოზიციაზე პრინციპულ საკითხებთან დაკავშირებით. ამის შესახებ პრეზიდენტის წერილშია ნათქვამი, რომელსაც The Washington Post-ი აქვეყნებს.
მისი თქმით, რუსეთის პრეზიდენტთან შეხვედრის წინ გაიმართება შეხვედრა დიდი შვიდეულის, ევროკავშირისა და ნატოს ლიდერებთან.
"ამიტომ, როდესაც შევხვდები ვლადიმერ პუტინს ჟენევაში, ეს იქნება უკვე მეგობრებთან, პარტნიორებთან და მოკავშირეებთან მაღალი დონის დისკუსიების შემდეგ. ჩვენ გვიკავია საერთო პოზიცია ევროპის უსაფრთხოებისთვის არსებულ გამოწვევებზე რუსეთის მხრიდან - დაწყებული მისი უკრაინის წინააღმდეგ აგრესიიდან და ნუ იქნება ეჭვი ამერიკის მტკიცე გადაწყვეტილებასთან დაკავშირებით, დაიცვას თავისი დემოკრატიული ფასეულობები, რომელთა გამიჯვნა შეუძლებელია ჩვენი ინტერესებისგან“, - აცხადებს ჯო ბაიდენი.
მისივე თქმით, პუტინთან სატელეფონო საუბრებში უკვე მკაფიოდ მოხაზა თავისი პოზიცია.
"მე მკაფიოდ და პირდაპირ ავხსნი: აშშ-ს არ სურს კონფლიქტი, ჩვენ გვსურს სტაბილური და პროგნოზირებადი ურთიერთობა, რათა ვითანამშრომლოთ რუსეთთან ისეთ საკითხებზე, როგორებიც არის სტრატეგიული სტაბილურობა და შეიარაღებაზე კონტროლი“, - აღნიშნა ამერიკის ლიდერმა.
მანვე დასძინა, რომ სწორედ ამიტომ გაახანგრძლივა სტრატეგიული შეტევითი შეიარაღების შესახებ შეთანხმება.
"ამასთან ერთად, მე მოვახდინე შედეგების დემონსტრირება იმ ქმედებებზე, რომლებიც არღვევდნენ ამერიკის სუვერენიტეტს, მათ შორის, ჩვენ დემოკრატიულ არჩევნებში ჩარევა. პრეზიდენტმა პუტინმაც იცის, რომ არ დავაყოვნებ პასუხს მომავალ მავნე ქმედებებზე. ჩვენ შეხვედრაზე ხაზგასმით აღვნიშნავ ამერიკის, ევროპისა და სხვა დემოკრატიული თანამოაზრე ქვეყნების სურვილს ადამიანის ღირსებისა და უფლებების დაცვის შესახებ“, - განაცხადა ჯო ბაიდენმა.
ის, ასევე, წერს, რომ ნატოს სამიტზე დაადასტურებს ამერიკის შეურყეველ ვალდებულებას მეხუთე მუხლის შესახებ და რომ ალიანსი მზად უნდა იყოს რეაგირებისთვის ნებისმიერ გამოწვევაზე, მათ შორის კიბერთავდასხმებზე და კრიტიკულ ინფრასტრუქტურაზე.
"ეს არის ჩვენი დროის მთავარი საკითხი: შეძლებენ თუ არა დემოკრატიები გაერთიანებას, რათა უზრუნველყონ რეალური შედეგები ჩვენი ერებისთვის მსოფლიოში, რომლებიც ასე სწრაფად იცვლება? შეძლებენ თუ არა დემოკრატიული ალიანსები და ინსტიტუტები, რომლებიც თამაშობდნენ მნიშვნელოვან როლს გასულ საუკუნეში, დაადასტურონ საკუთარი ქმედუნარიანობა თანამედროვე საფრთხეების და მოწინააღმდეგეთა წინააღმდეგ? ჩემი შეხედულებით - დიახ. ამ კვირის განმავლობაში ევროპაში გვაქვს შანსი ეს დავადასტუროთ“ , - წერს ჯო ბაიდენი.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მე ვლადიმერ პუტინისენა ვარ...არა დემოკრატიულ დასავლურ ფაშიზმს...
ორი მარიონეტი ნეტა ან ერთი ან მეორე რამეს წკვიტავს ?)) მასონების დაკრულზე დადიან ამათ ვინ ეკითხება რამეს?