3
აპრილიდღის ზოგადი ასტროლოგიური პროგნოზი
საქართველოს პრეზიდენტმა გაერო-ში სიტყვით გამოსვლისას აფხაზ და ოს ხალხებს მიმართა. პრეზიდენტმა გაერო-ს ტრიბუნიდან სამი მოწოდება გააკეთა და, უპირველესად, მიხეილ სააკაშვილმა აფხაზ და ოს ხალხებს მიმართა.
"უპირველეს ყოვლისა, მინდა მოვუწოდო ჩემ აფხაზ და ოს თანამოქალაქეებს, რომლებიც ჩვენი ერთიანი ერის გამყოფი, "ახალი რკინის ფარდის" მიღმა ცხოვრობენ. მინდა მათ კიდევ ერთხელ ვუთხრა: ჩვენ დავიცავთ თქვენ უფლებებს, თქვენ კულტურას, თქვენ ისტორიას. ვიმუშავებთ თქვენთან ერთად და თქვენთვის. თქვენ ჩვენი საერთო ისტორიის, საერთო კულტურისა და საერთო მომავლის ნაწილი ხართ. თქვენი განსხვავებები ჩვენ ამაყ ეროვნულ ქსოვილს ამდიდრებს. იმის ნაცვლად, რომ რუსეთის იმპერიის ანექსიას გაუძლოთ, მრავალკულტურული და მრავალეთნიკური სახელმწიფოს აშენებას გთავაზობთ, რომელიც ტოლერანტულობისა და პატივისცემის ნიმუში იქნება მთელ რეგიონში", - განაცხადა მიხეილ სააკაშვილმა.
პრეზიდენტმა აფხაზებსა და ოსებს მოუწოდა, ყურადღება მიაქციონ თავისუფლებას, ეკონომიკურ პროგრესსა და ადამიანის უფლებების დაცვას, იმ რეფორმებს, რომელიც საქართველოში ხორციელდება.
"ვოცნებობ იმ დღეზე, როდესაც როგორც აფხაზეთი, ისე ცხინვალის რეგიონი გაერთიანებული, დემოკრატიული, დამოუკიდებელი და ევროპული საქართველოს ლიდერი გახდება, რაც ადრეც არაერთხელ მომხდარა ჩვენს საერთო ისტორიაში. ეს ოცნება შესაძლებელია ახდეს გაერთიანებულ და თავისუფალ საქართველოში, რომელსაც კარგი ურთიერთობა და გაძლიერებული თანამშრომლობა ექნება რუსეთის ფედერაციასთან. რუსეთის ფედერაცია კი, რაციონალური საერთაშორისო მოთამაშე იქნება და არა რევიზიონისტი და რევანშისტი ძალა. რუსეთი ოკუპაციის ნაცვლად ითანამშრომლებს, ემბარგოს დაწესების ნაცვლად - ბაზრებს გააერთიანებს, რეპრესიულ ქმედებებს კი, შემწყნარებლობით ჩაანაცვლებს", - განაცხადა პრეზიდენტმა.
