მამაკაცი, რომელიც 24 მაისს საოკუპაციო ხაზის გადაკვეთისას, ცხენით ხრამში გადაიჩეხა, გარდაიცვალა
გოჩა კორსანტია, რომელიც 24 მაისს ოკუპირებული აფხაზეთიდან შემოვლითი გზით საქართველოს მიერ კონტროლირებად ტერიტორიაზე გადმოსვლას ცდილობდა და სოფელ მუჟავას ტერიტორიაზე ხრამში გადაიჩეხა, დღეს გარდაიცვალა.
პაციენტი რეანომობილით ქუთაისიდან თბილისში გადმოჰყავდათ, რა დროსაც გზაში გული გაუჩერდა. ინფორმაციას ადასტურებენ ,,ევექსის" პრესსამსახურში.
მათი განცხადებით, პაციენტის გადაყვანა ქუთაისიდან თბილისში ოჯახის მოთხოვნით ხდებოდა.
„დღეს, უშუალოდ ოჯახის წევრების გადაწყვეტილებით ხდებოდა მისი თბილისში გადაყვანა, მაგრამ სამწუხაროდ, ტრანსპორტირებისას გული გაუჩერდა“, - აცხადებენ „ევექსში“.
ცნობისთვის, გოჩა კორსანტიას 24 მაისს ოკუპირებულ აფხაზეთიდან პროდუქტებით დატვირთული ცხენი მოჰყავდა ჯვარში, რა დროსაც დაახლოებით 150 მეტრის სიმაღლიდან ხრამში გადავარდა. იგი ქუთაისის ინტერვენციული მედიცინის ცენტრში მკურნალობდა.
"ქართველმა სპორტსმენმა აფხაზ ჩემპიონთან შეხვედრაზე უარი თქვა..." - რას წერს აფხაზური მედია არშემდგარ ტურნირზე და რა მოხდა სინამდვილეში?
რუსეთის ფედერაციამ აფხაზეთის, კერძოდ გაგრის რაიონის სოფელი აიბღა მიიტაცა - მოხდა საქართველოს ტერიტორიის ფაქტობრივი და სამართლებრივი ანექსია
