1
აპრილიდღის ზოგადი ასტროლოგიური პროგნოზი
"პროექტი "ნამდვილი მე" ემსახურება იმას, რომ შეგვახსენოს - ფოტოშოპი, ფილტრები და სხვადასხვა საშუალება ჩვენს ცხოვრებაში ისე შემოიჭრა, რომ გვავიწყებს, სინამდვილეში როგორები ვართ. ნუ იქნები ყველასნაირი და იყავი ის, ვინც ხარ. გიყვარდეს საკუთარი თავი ისეთი, როგორიც ხარ. არა ფოტოშოპს, არა ფილტრებს" - ამ წარწერით სოციალურ ქსელში ქართველი ვარსკვლავების უფილტრო ფოტოები გამოჩნდა, რომლებიც ფოტოგრაფმა გიორგი ცაავამ გადაიღო. პროექტის მიზანია, საზოგადოებას ბუნებრიობისკენ მოუწოდოს. პროექტის შესახებ, გიორგი ცაავამ AMBEBI.GE-ს უამბო:
გამიჩნდა იდეა, ცნობილი ადამიანებისთვის გადამეღო უმაკიაჟო ფოტოები. მსოფლიოშიც დიდი ხანია ტრენდია, რომ ფოტოებს აღარ ამუშავებენ ფოტოშოპით. როცა მოდიოდნენ გადაღებაზე ვთავაზობდი, რომ უმაკიაჟოდ, ბუნებრივად გადამეღო, მერე ჩემთვის ვინახავდი ამ ფოტოებს, არ ვაჩენდი. ერთ დღეს ვნახე თიკა ფაცაციას ლაივ-ჩართვა, სადაც საზოგადოებას მოუწოდებდა ვყოფილიყავით ნამდვილები, რომ არ გამოგვეყენებინა ფილტრები. ვუთხარი თიკას, რომ მეც ვემხრობი მის ამ მოსაზრებას, არ გვინდა ზედმეტი ფოტოშოპი და ხელოვნური ჩარევა, ძალიან კარგია, რომ ეგ იდეა გაქვს, გავაერთიანოთ და რაიმე პროექტი გავაკეთოთ ერთად-მეთქი. თიკამ სიამოვნებით მიიღო ეს აზრი. ასე გაერთიანდა ჩემი და თიკას ერთობლივი იდეა. თიკას მოფიქრებული იყო დევიზი: - "ნამდვილი მე". დავიწყე თიკას გადაღებით, ზოგი ფოტო მერე გადავიღე, წლების წინ, ვინც მყავდა გადაღებული, მათ ვთხოვე და ვინც დამთანხმდა, მათი ფოტოები გამოვაქვეყნე.
ამ იდეის მიზანია, საზოგადოებას მოვუწოდოთ, გვიყვარდეს ჩვენი თავი ისეთები, როგორებიც ვართ, მივიღოთ საკუთარი თავი ყველა ასაკში, ის ნაოჭიც შეგვიყვარდეს, როცა ვიღიმით და კანი ხაზებს იკეთებს, ეს ბუნებრივი და მისაღებია. მგონია, რომ ამდენი "კურნოსა" გოგო-ბიჭი და ხელოვნური ადამიანი კარგი საყურებელიც არ არის. მეტი ნატურალიზმი, მეტი ემოცია, მეტი სინამდვილე, არა მარტო ცხოვრებაში, არამედ ონლაინ სივრცეშიც, უფრო კარგია. მე ასე ვფიქრობ, არავის არ ვუკრძალავ ფოტოშოპის გამოყენებას, უბრალოდ, ამ პროექტით ყველას მეტი სინამდვილისკენ მოვუწოდებ. "
am dros makiajebi usviar)))) vitom umakiajo)))
ვარსკვლავი რომელია ?