!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საკმარისი უნდა იყოს თუ არა ერთი ქალის მონაყოლი იმისთვის, რომ ადამიანი პროფესიული სიკვდილით დაისაჯოს?" - გია ნოდია ნინუცა მაყაშვილისა და ბესო ზანგურის სკანდალის შესახებ
14:15 / 19-04-2021
ექსპერტი გია ნოდია მსახიობ ნინუცა მაყაშვილის მიერ ყოფილი ქმრის, ბესო ზანგურის ძალადობაში მხილებას ეხმიანება და სოციალურ ქსელში შემდეგ პოსტს აქვეყნებს:
"ნინუცა მაყაშვილს მეც მოვუსმინე და მისი მოყოლილი ამბის მიმართ ნდობით და თანაგრძნობით განვიმსჭვალე. ის, რომ სხვა ადამიანმაც გვითხრა, რომ თავად შეესწრო, როგორ სცემდა ნინუცას ყოფილი ქმარი, ბესო ზანგური, თავის შეყვარებულს (სხვას, არა მაყაშვილს), ჩემი ნდობა გაამყარა: როცა ორი ერთმანეთისგან დამოუკიდებელი წყარო ერთსა და იმავეს ამბობს, ეს სერიოზული არგუმენტია.
ჯერჯერობით კონკრეტული არაფერი გამიგია, რის გამოც ნინუცას არ უნდა დავუჯერო. თუმცა ბესო ზანგურზე ბევრი არაფერი ვიცი, რაც ვიცი, ნამდვილად არ ეწინააღმდეგება მისი, როგორც ცოლის მცემლის იმიჯს.ზოგადად, ის, რომ საზოგადოებრივი განწყობა შეიცვალა, რომ სულ უფრო მეტი ქალი (თუმცა ჯერჯერობით, მაინც საკმაოდ ცოტა) ბედავს მის მიმართ ძალადობაზე ლაპარაკს და, რაც მთავარია, მკვიდრდება აზრი, რომ ოჯახური ძალადობა ისევე მკაცრად უნდა დაისაჯოს, როგორც ნებისმიერი სხვა, მხოლოდ მისასალმებელია.
ეს ერთ-ერთი კარგი ცვლილებაა, რაც ბოლო წლებში მოხდა. თუმცა ვიცი, რომ ამ კონტექსტში სიტყვა "მაგრამ“-ის ხმარება ცუდ ტონად ითვლება, მაინც უნდა ვიხმარო. კონკრეტულად როგორ და რა შემთხვევაში უნდა დაისაჯოს ადამიანი, რომელიც ამგვარი ბრალდების ობიექტია?
ნინუცა მაყაშვილმა თქვა, რომ მისი სისხლის-სამართლებრივი დევნა, ანუ ციხეში ჩასმა, არ უნდა. მაგრამ ფაქტობრივად სასჯელი უკვე დადგა: რუსთაველის თეატრმა ეს კაცი ყველა როლიდან მოხსნა. ეს პროფესიულ სიკვდილს ნიშნავს: ბესო ზანგური ვერ იქნება, რაც აქამდე იყო. არაფრიდან ჩანს, ეს სასჯელი როდემდე უნდა გაგრძელდეს.
ციხეში რომ ჩაესვათ, ვთქვათ, ორი წლით, გასაგები იქნებოდა: სასჯელს მოიხდის, გამოვა და ცხოვრებას გააგრძელებს. მაგრამ ამ შემთხვევაში, პროფესიული სიკვდილი როდემდე უნდა გაგრძელდეს? უსასრულოდ? თუ სანამ საზოგადოებას ბრაზი გადაუვლის? როგორც ვთქვი, ამ კონკრეტულ შემთხვევაში, ნინუცა მაყაშვილის მონაყოლი ჩემთვის დამაჯერებელია. მაგრამ შევხედოთ ამას, როგორც პრეცედენტს: საკმარისი უნდა იყოს თუ არა ერთი ქალის მონაყოლი იმისთვის, რომ ადამიანი პროფესიული სიკვდილით დაისაჯოს? ვინ უნდა გასაზღვროს, ის დამაჯერებელია თუ არა? კულტურის მინისტრმა? თეატრის დირექტორმა? თუ ამორფულმა სუბიექტმა სახელად საზოგადოება?" -წერს გია ნოდია.
6
ინფორმაციისთვის, ნინუცა მაყაშვილმა გადაცემაში "ფარული კონვერტი" ისაუბრა იმის შესახებ, რომ წლების წინ, ყოფილი ქმარი, ბესო ზანგური მასზე ფიზიკურად ძალადობდა. აღნიშნულის შემდეგ, ზანგური რუსთაველის თეატრში ყველა როლიდან მოხსნეს. ნინუცა მაყაშვილი აცხადებს, რომ ის არ აპირებს უჩივლოს ზანგურს.
მკითხველის კომენტარები /
48 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისე ძალიან საიტერესოა ამ ქალს რამდენი გადაუხადეს.
ბატონო გია,თავიდან მეც დიდი თანაგრძნობით გავიმსჭვალე ნინუცას მიმართ და დავგმე ზანგურის ქმედება! თუმცა შემდეგ ხდება გააანალიზება. ვუყურე განშორებიდან სამი წლის შემდეგ გადაღებულ,ნინუცას და ბესოს შეხმატკბილებულ ვიდეოს, წავიკითხე ახლანდელი ცოლის ინტერვიუ, და უკვე საკმაოდ ლოგიკური ეჭვი შემეპარა,რომ ეს ხომ არ იყო ტელევიზიის რეიტინგისთვის და 5000ის სანაცვლოდ ნათქვამი ტყუილი ! და საერთოდ, ისე განვითარდა მოვლენები, მსხვერპლი ამ ყველაფერში ზანგური უფრო მგონია! ისეთი წარმოუდგენელი ბულინგი მიდის,დაუმტკიცებელ დანაშაულზე, ნინუცამ კი როგორც სჩანს მე ხელებიც დამიბანიაო......