მნიშვნელოვანი ინფორმაცია
9
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"იმ ღამეს არც გვიკამათია. დილით კოცნით გამაცილა... მეგონა სახლში და ყოფილა ბათუმში. იცოდა, რომ ტყუილს არ ვაპატიებდი" - ზანგური ყოფილი ცოლის ბრალდებებს დეტალურად პასუხობს
10:44 / 16-04-2021
მსახიობი ბესო ზანგური ყოფილი მეუღლის, ნინუცა მაყაშვილის ბრალდებებს "ინფო რუსთავთან" ინტერვიუში დეტალურად პასუხობს. ზანგური ყოფილ ცოლზე ძალადობის ფაქტს კატეგორიულად უარყოფს და აცხადებს, რომ სიტყვიერ კამათსაც არ ჰქონია ადგილი.
"ვემიჯნები ყველანაირ ძალადობას, ჩემი გენეტიკით, აღზრდით, ცხოვრებით, ვარ მუდამ ძალადობის წინააღმდეგი. ვგმობ ყველანაირ ძალადობას, თუნდაც იმ ბულინგს, რაც ჩემს წინააღმდეგ ხდება. ხალხს არ აქვს მოსმენილი ჩემი მხარე. მე მყავს მეუღლე უსაყვარლესი და შვილები. ამ შვილებში 2 გოგონაა და მე ვიქნები მუდამ პირველი, ვინც დაგმობს ძალადობას. ნოდარიკო ზანგურს არ ჰყავს არც მოძალადე მამა და არც მატყუარა დედიკო, მას ორივე ღირსეული მშობელი ჰყავს. სულ ესაა", - აღნიშნა ბესო ზანგურმა.
მსახიობმა ის ღამეც გაიხსენა, რომლის შესახებაც ნინუცა მაყაშვილმა ტელეგადაცემაში ისაუბრა და აღნიშნა, რომ მეუღლის სახლიდან წასვლის მიზეზი ტყუილი გახდა.
"დღემდე არ ვიცი რატომ წავიდა. ალბათ იმიტომ, რომ მუდამ ტყუილის ქვეშ მაცხოვრებდა... მე რეპეტიციაზე წავედი, ის სახლიდან. არ ვარ ეჭვიანი კაცი, ზომიერად კი, მაგრამ ჩემი ოჯახი არაა ცემა-ტყეპის მომხრე.
იმ ღამეს არ გვიკამათია. გიხსნით, მეგონა სახლში და ყოფილა ბათუმში. დავიძინე, გავიღვიძე და წავედი რეპეტიციაზე, რომ მოვალ ვილაპარაკოთ მეთქი, მოვედი და აღარ დამხვდა. მან იცოდა, რომ მე ტყუილს არ ვაპატიებდი და დამასწრო წასვლა, ვიდრე მე წავიდოდი...
დილით კოცნით გამაცილა სახლიდან, ღმერთს ვფიცავარ...
გასტროლიდან ვრეკავდი და მეუბნებოდა, რომ სახლში იყო ჩემი თვეების შვილთან ერთად. აეროპორტში მეგობარი შემხვდა და მითხრა, ზღვაზე ვნახეო, გავოცდი, ხომ გეუბნებით, ვუთხარი, რატომ მომატყუე ასეთი რამ, მოვალ და ვილაპარაკოთ მეთქი. წავედი მე რეპეტიციაზე და ის წავიდა სახლში. ვიცი, რომ მძიმე ადამიანი ვარ, მაგრამ ცემა? დარტყმა? ეს არის ის, რაც არ არსებობს ბუნებაში.
ვიმეორებ კოცნით გამაცილა, ძალით ხომ არ მეცა და მაკოცა. არ მჯერა, რომ ნინუცამ მისცა ეს ინტერვიუ... არ არის ეჭვიანი, ძალიან კარგი გოგოა და უკარგესი ადამიანი, ჰუმანური, კეთილი, ამ ყველაფერთან ერთად ლამაზი და ნიჭიერი, უნიჭიერესი მსახიობია! ის ჩემი საყვარელი შვილის, ნოდარიკოს დედაა", - განაცხადა ბესო ზანგურმა და იქვე დასძინა, რომ მას შემდეგ, რაც ნინუცა სახლიდან წავიდა, მასთან კონტაქტი არ ჰქონია.
მსახიობმა იმ კოლეგების შესახებაც ისაუბრა, რომლებიც მას ძალადობაში ადანაშაულებენ.
"რომელი კოლეგები? ეგ არ არის კოლეგიალობა, მე მაგათთვის არც კოლეგა ვარ და არც მეგობარი, არავინ არიან ისინი ჩემთვის.
მიზანი ერთია... ორადორი ადამიანი - ჯუხარაშვილი და თუთა არ არის რუსთაველის თეატრი. რუსთაველის თეატრი რობერტ სტურუაა და სტურუას პასუხი მოისმინეთ. მიზანი მე არ ვარ, არც მათი, არც ფარულავას გადაცემის, მიზანია რუსთაველის თეატრის დარტყმა, ბულინგი. კოლეგა როგორ შეიძლება ვუწოდო ადამიანს, რიმელიც სპექტაკლზე არ გამოცხადდება და "ნაციონალური მოძრაობის" აქციაზეა... ჩემ გამო ნამდვილად არ მოუხსნიათ სპექტაკლი", - განაცხადა ზანგურმა.
შეგახსენებთ, ნინუცა მაყაშვილი ყოფილ ქმარს, რუსთაველის თეატრის მსახიობს, ბესო ზანგურს ძალადობაში ადანაშაულებს. მაყაშვილმა გადაცემა "ფარულ კონვერტში" განაცხადა, რომ ყოფილი ქმარი მასზე ფიზიკურად ძალადობდა ორსულობის დროსაც.
მკითხველის კომენტარები /
88 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეჰ, ზანგური იმართლე ახლა თავი, არ ხარ შენ კარგი კაცი
მორჩით თავის რეკლამასა და პიარს, ამოვიდა ყელში ამ არასერიოზული ხელმოცარული ხალხის მიერ აჟიოტაჟის ატეხვა.