მედიის ინფორმაციით, აშშ შავ ზღვაში სამხედრო ხომალდებს აღარ განათავსებს
"შეერთებულმა შტატებმა ორი სამხედრო გემის შავ ზღვაში განთავსების გადაწყვეტილება გააუქმა", - Reuters-ის ინფორმაციით, ამის შესახებ თურქმა დიპლომატიურმა წყაროებმა განაცხადეს.
მათი ცნობით, ანკარაში აშშ-ის საელჩომ თურქეთის საგარეო საქმეთა სამინისტროს ამ ნაბიჯის შესახებ შეატყობინა, მაგრამ მიზეზი არ დაუსახელებიათ.
აშშ-ის ოფიციალური პირების განმარტებით, ისინი ხშირად უგზავნიან თურქეთს შეტყობინებას შავ ზღვაში პოტენციური შესვლის შესახებ, მაგრამ თხოვნა სულაც არ ნიშნავს, რომ აშშ-ის გემები თურქეთის სრუტეებს აუცილებლად გაივლიან, არამედ უზრუნველყოფს, რომ ამ გადაწყვეტილების მიღების შემთხვევაში მათ საჭირო თანხმობა ჰქონდეთ.
ვაშინგტონი და ნატო შეშფოთებას გამოთქვამენ უკრაინის საზღვართან და ანექსირებულ ყირიმში რუსეთის სამხედრო გაძლიერების გამო. გასულ კვირას, თურქეთმა განაცხადა, რომ ვაშინგტონი შავ ზღვაში ორი სამხედრო ხომალდის გაგზავნას გეგმავდა.
იტალიელმა პროფესორმა G20-ის მონაწილეებს "შოუ მოჰპარა“ - წელს ზემოთ შიშველი ნიკოლა ფრანჯიონეს ფოტოები, რომელსაც პოლიტიკოსებმა მყუდროება დაურღვიეს
ჯილდო გულშემატკივრობისთვის: რა საჩუქრები მიიღო ფანმა, რომლის ვიდეოც ინტერნეტჰიტი გახდა - "მან მთელი შვეიცარიის ემოცია გამოხატა"
