!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს კადრი დარჩება - ახალგაზრდა ქართველი ბიჭი, ჩამოვარდნილი პირბადით, რომელიც ელარჯს აჭმევს დამპყრობელს" - გოგი გვახარია პოზნერის ვიზიტზე
10:45 / 01-04-2021
კინოკრიტუკოსი გოგი გვახარია რუსი ჟურნალისტის, ვლადიმერ პოზნერის საქართველოში ვიზიტს სოციალურ ქსელში ეხმაურება.
"1989 წლის აპრილის დღეებში ემზარ ჯგერენაია ჯოხს ურტყამდა რუსულ ტანკს სიმწრით. რადგან მეტს ვერაფერს იზამდა. ვიღაცეები ქილიკობდნენ. უჰ, მაგასაც ტანკი არ დაემტვრია ჯოხითო. რატომ ურტყამდა ჯოხს? ამას ეს ხალხი ვერასდროს გაიგებს.
2021 წლის 1 აპრილს, ამდენი წლის შემდეგ, ნაძირალა რუს ჟურნალისტს, რომელიც პროვოკაციას აწყობს და პანდემიის დროს, კომენდანტის საათის დროს, ფეხებზე იკიდებს დამოუკიდებელი ქვეყნის კანონებს, გემრიელად ვახშმობს თბილისში... ელარჯით უმასპინძლდება ახალგაზრდა ქართველი კაცი. მორჩილი მიმტანი, რომელიც ასევე ვერასდროს გაიგებს, რატომ ურტყამდა ტანკს ემზარი ჯოხს. ვერც ეს ახალგაზრდა კაცი, ვერც მისი პატრონი და ვერც მისი პატრონის პატრონი... ეს შემზარავი კადრი იყო. ვიცინეთ, ვიშაყირეთ. მაგრამ ეს კადრი დარჩება - ახალგაზრდა ქართველი ბიჭი, ჩამოვარდნილი პირბადით, რომელიც ელარჯს აჭმევს დამპყრობელს", - წერს გვახარია.
"აი, მანიაკი თუ არა ხარ, რატომ უნდა მოგინდეს რუსეთის მოქალაქეს დაბადების დღის აღნიშვნა დღევანდელ საქართველოში, თავისი კომენდანტის საათით და დაკეტილი (წესით) რესტორნებით?! მანიაკალური თუ არაა შენი "სიყვარული" ამ ქვეყნის მიმართ... მაგრამ მით უფრო გაუგებარია რა ჯიშისაა ის ხალხი, ვინც მას მასპინძლობს (ქართველი სვეტსკების საყვარელი "სტამბა" და "ვინოტელი"... ხვალ არ დაგავიწყდეთ მანდ მაგიდების დაჯავშნა - "ამ სკამზე იჯდა დიდი ჟურნალისტი, პოზნერი" და ჩემთვის აუხსნელ სიამოვნებას განიცდის მანიაკის მასპინძლობაში. ესაა გაუგებარი და იდუმალებით მოცული ("უმომ როსიუ ნე პონიატ"), თორემ ვისაც უნდა, ჩამოვიდეს, კაცო. რაზე იშლით ნერვებს. ქუჩაში ფეხით სიარული გეუხერხულება უკვე. იმდენი მოხუცი დგას და ფულს გთხოვს, მშიერი და უპატრონო. რა დროს პოზნერია მართლა?!", - წერს გოგი გვახარია.
ცნობისთვის, პოზნერი საქართველოში გუშინ ათობით თანმხლებ პირთან ერთად სპეციალური ავიარეისით ჩამოფრინდა. მას დღეს დაბადების დღე ჩვენს ქვეყანაში უნდა აღენიშნა. მთავარი რუსული სახელისუფლებო არხის Первый канал-ის ტელეწამყვანის საქართველოში ჩამოსვლას, ადგილობრივი სამოქალაქო აქტივისტების აქციები მოჰყვა. აქტივისტების თქმით, პოზნერი არის განცხადების ავტორი, რომლის თანახმადაც "აფხაზეთი არასდროს იქნება საქართველოს ნაწილი", რითაც მან საქართველოს ტერიტორიულ მთლიანობას შეურაცხყოფა მიაყენა და მან საქართველო უნდა დატოვოს. ამასთან, აქტივისტები აცხადებდნენ, რომ პოზნერმა და მისმა სტუმრებმა ე.წ. კომენდანტის საათი დაარღვიეს.
თვითმფრინავმა, რომელშიც რუსი ჟურნალისტი და მისი სტუმრები იმყოფებოდნენ, თბილისის საერთაშორისო აეროპორტი დღეს დილით დატოვა.
მკითხველის კომენტარები /
67 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს რომ ვინმეზე რამეს იტყვის )))))
გეთანხმებით, მაგრამ გთხოვთ ჯოხს ყველაზე მცირე თანამდებობის ადამიანზე ნუ გადატეხავთ, ის უბრალო მიმტანია და სამსახურშია....