"მე ხომ არ გამოვხატავ აგრესიას?" - ვრცელდება ვიდეოკადრები, გოგი წულაიას საქმიდან
"ტვ პირველი" პოლიტიკოს გოგი წულაიას საქმეში არსებულ ვიდეომტკიცებულებას ასაჯაროებს. ვიდეომასალაში დაზარალებულად ცნობილი თავად ამბობს, რომ წულაია აგრესიული არ ყოფილა.
გოგი წულაია: მე ხომ არ გამოვხატავ აგრესიას?
ა.დ. - არა
გოგი წულაია - მე რომ ძალა მინდოდეს, მე გამოვხატავდი აგრესიას... აგრესიას შენ გამოხატავ
ა.დ. - მე ხომ გთხოვე არ მომეკაროთქო?
გოგი წულაია - ბოდიშს გიხდი, სწორი ხარ
სექსუალური ხასიათის ძალადობაში ბრალდებულ გოგი წულაიას აღკვეთის ღონისძიების სახით პატიმრობა შეეფარდა. აღნიშნული გადაწყვეტილება თბილისის საქალაქო სასამართლოს მოსამართლე ზვიად შარაძემ გამოაცხადა. დღევანდელ სასამართლო პროცესზე პროკურატურა ბრალდებულის მიმართ აღკვეთის ღონისძიების სახით პატიმრობის გამოყენებას, დაცვის მხარე მისი 5 000-ლარიანი გირაოს სანაცვლოდ გათავისუფლებას მოითხოვდა.
თავად ბრალდებული გოგი წულაია წარდგენილ ბრალდებაში თავს დამნაშავედ არ ცნობს.
წულაიას ბრალდება ოფიციალურად გუშინ წაუყენეს, მას ბრალდება დაუმძიმდა. წულაიას ბრალი სისხლის სამართლის კოდექსის 138-ე მხულით წარუდგინეს, რაც სექსუალური ძალადობის მსგავს ქმედებას გულისხმობს. სამართალდამცავებმა გოგი წულაია ორი დღის წინ დააკავეს. თავდაპირველად, გამოძიება სისხლის სამართლის კოდექსის 126-ე მუხლით მიმდინარეობდა, რაც ძალადობას გულისხმობდა. შსს-ს ინფორმაციით, წულაიამ ნაქირავებ ბინაში ნაცნობ ქალზე იძალადა.
გურჯაანში დაკარგული მამა-შვილი სახლში დაბრუნდა
თბილისში მამაკაცის ცხედარი იპოვეს
