მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რებრენდინგს ცდილობს... მაგრამ "ნაციონალური მოძრაობა“ მაინც ჩაკეტილი სისტემაა" - როგორ აფასებს გია ხუხაშვილი "ნაცმოძრაობის" ახალ სახეებს?
12:43 / 01-02-2021
"ნაციონალური მოძრაობა“ ცდილობს გარკვეული რებრენდინგი ჩაატაროს თავის პარტიაში. ისინი ცდილობენ აქტუალიზაცია დაუკარგონ იმ კომპრომატს, რაც ქართულ საზოგადოებაში მათი არცთუ ისე დადებითი მოღვაწეობის შესახებ გაჩნდა, - ასე აფასებს ექსპერტი გია ხუხაშვილი "ნაციონალური მოძრაობის“ ახალ გუნდს.
როგორც ხუხაშვილი "ინტერპრესნიუსთან“ საუბრისას განმარტავს, ახალგაზრდებს ყოველთვის აქვთ ის ენთუზიაზმი, რაც პოლიტიკას სჭირდება.
"ბუნებრივია, ჯერ მათი მსოფლმხედველობა ვერ მოასწრებდა ისე დაზიანებას, რაც გამოუსწორებელია და ეს თავისთავად პოზიტივია. "ნაციონალური მოძრაობა“ ცდილობს გარკვეული რებრენდინგი ჩაატაროს თავის პარტიაში. ისინი ცდილობენ აქტუალიზაცია დაუკარგონ იმ კომპრომატს, რაც ქართულ საზოგადოებაში მათი არცთუ ისე დადებითი მოღვაწეობის შესახებ გაჩნდა. ეს მათ გარკვეულწილად დაუბრუნებს თავის ელექტორატს. "ნაციონალური მოძრაობის“ ელექტორატს შეიძლება იმედგაცრუება ჰქონდეს რაღაც ეტაპზე, მაგრამ შემდეგ ისევ უკან ბრუნდებიან და ეს ჩვენ არაერთ საარჩევნო ციკლში გვინახავს. ჩვენ ვნახეთ, როგორ დაიწია მათმა ელექტორალურმა შესაძლებლობებმა 2013 წელს და შემდეგ როგორ ავიდა ისევ 600-700 ათას ადამიანზე. ვფიქრობ, რომ "ნაციონალური მოძრაობა“ მაინც ჩაკეტილი სისტემაა და მისთვის ხელისუფლებაში დაბრუნება ანუ იმ კრიტიკული მასის აკრეფა, რაც სახელისუფლებო პარტიას სჭირდება, ძალიან გაჭირდება იმიტომ, რომ მათ არ აქვთ კრიტიკული ელექტორალური განვითარების რეზერვი, გამომდინარე იმ მოცემულობიდან, რაც მათი მმართველობის შემდეგ შეიქმნა. თუმცა, გრძელვადიან პერიოდში, 2028 წლიდან, თუ ისინი შეინარჩუნებენ სიცოცხლისუნარიანობას, ვერაფერს გამოვრიცხავ. 2024 წლის ციკლისთვის "ნაციონალური მოძრაობა“, როგორც სახელისუფლებო პარტია, ძნელად წარმოსადგენია. ის ტრავმა და იარები, ნაწილობრივ რეალური და ნაწილობრივ ვირტუალური, რაც ქართულმა საზოგადოებამ მათი მმართველობის პერიოდში მიიღო, ჯერ კიდევ ცოცხალია. ელექტორატის უდიდესი ნაწილი არ არის მზად, რომ "ნაციონალურ მოძრაობას“ დაუბრუნოს ხელისუფლება. არ არის ნდობა და გარდა ამისა, სტრესი ჯერ კიდევ ცოცხალია. შესაბამისად, საშუალოვადიან პერიოდში ძნელად წარმოსადგენია, რომ ეს ადამიანები "ნაციონალურ მოძრაობაზე“ თავიანთ წარმოდგენას შეიცვლიან, თუმცა გრძელვადიან პერიოდში ყველაფერი შეიძლება მოხდეს“, - განაცხადა ხუხაშვილმა.
ცნობისთვის, გუშინ "ერთიანმა ნაციონალურმა მოძრაობის" თავმჯდომარემ, ნიკა მელიამ გუნდის ახალი წევრები წარადგინა.
პარტიას 12 ახალი წევრი შეუერთდა, ესენი არიან: გიორგი ჩალაძე, ნონა მამულაშვილი, ნიკა ობოლაძე, გიორგი თარგამაძე, რეზო ჩომახიძე, სოფო ჯაფარიძე, მანუჩარ ახალაია, ბარბარა ჯიმელი, ანა გოგოლაძე, ზვიად ქვლივიძე, ბაჩო დოლიძე, გიორგი ხვედელიანი.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჰო, რა, ქუფთას შემოახვევ კომბოსტოს ფურცელს-ტოლმაა, შემოხსნი და ისევ ქუფთააა, რა !
ჩალაძეს ძალიან მაგრა მოუჭირეთ:არ დაგეკარგოთ!