პარ­ტია „მო­ქა­ლა­ქე­ე­ბის“ ლი­დე­რი ალე­კო ელი­საშ­ვი­ლი აცხა­დებს, რომ ISFED-ის ხმე­ბის პა­რა­ლე­ლუ­რი დათ­ვლის შე­დე­გე­ბის შე­სა­ხებ და­ზუს­ტე­ბუ­ლი ან­გა­რი­ში ოპო­ზი­ცი­ის პო­ზი­ცი­ებს ასუს­ტებს.

რო­გორც მან გა­ნა­ცხა­და, ეს ოპო­ზი­ცი­ის პო­ზი­ცი­ა­ზე დარ­ტყმაა.

„სი­მარ­თლე გი­თხრათ, დას­კვნა სამ­ჯერ გა­და­ვი­კი­თხე. თა­ვი­დან არ ვუ­ჯე­რებ­დი, მე­გო­ნა, რომ „ფე­ი­კი“ იყო, რად­გან ISFED-ი ის­ტო­რი­უ­ლად, რაც ჩვენ­თან არ­ჩევ­ნე­ბი ტარ­დე­ბა, ყვე­ლა­ზე სან­დო არა­სამ­თავ­რო­ბო ორ­გა­ნი­ზა­ცი­აა - „სა­მარ­თლი­ა­ნი არ­ჩევ­ნე­ბი“, რო­მელ­საც ყვე­ლა ვენ­დო­ბით. რო­დე­საც ISFED-ი ამ­ბობს, რომ მას ჰქონ­და ხარ­ვე­ზი და არას­წო­რად და­ით­ვა­ლა, ეს ძა­ლი­ან ასუს­ტებს ოპო­ზი­ცი­ის პო­ზი­ცი­ას. გულ­წრფე­ლად ვი­ტყვი, ეს არის დარ­ტყმა ოპო­ზი­ცი­ის პო­ზი­ცი­ა­ზე“, - აღ­ნიშ­ნა ელი­საშ­ვილ­მა "რუს­თა­ვი2"-ის ეთერ­ში.

პარ­ტია „ევ­რო­პულ სა­ქარ­თვე­ლო­ში“ აცხა­დე­ბენ, რომ „ქარ­თუ­ლი ოც­ნე­ბის“ წევ­რებს, სა­ვა­რა­უ­დოდ, წი­ნას­წარ ჰქონ­დათ ინ­ფორ­მა­ცია მო­პო­ვე­ბუ­ლი ISFED-ის ხმე­ბის პა­რა­ლე­ლუ­რი დათ­ვლის შე­დე­გებ­თან და­კავ­ში­რე­ბით.

ასევე დაგაინტერესებთ

16:07 / 12-12-2020

"მძიმე იყო ამ განცხადების გამოქვეყნება" - ISFED-ის აღმასრულებელი დირექტორი პარალელურ დათვლაზე და თეა წულუკიანის მწვავე პოსტი, რომელიც NGO-სგან ბოდიშს ითხოვს

რო­გორც ჟურ­ნა­ლის­ტებს „ევ­რო­პუ­ლი სა­ქარ­თვე­ლოს“ სპი­კერ­მა, თორ­ნი­კე დი­ა­სა­მი­ძემ გა­ნა­ცხა­და, „ქარ­თუ­ლი ოც­ნე­ბის“ წევ­რე­ბი ბოლო პე­რი­ოდ­ში „უც­ნა­უ­რად გა­აქ­ტი­ურ­დნენ“.

„ევ­რო­პუ­ლი სა­ქარ­თვე­ლო“ არა­სო­დეს დავ­ყრდნო­ბილ­ვართ „სა­მარ­თლი­ა­ნი არ­ჩევ­ნე­ბის“ პა­რა­ლე­ლუ­რი გა­დათ­ვლის შე­დე­გებს, რო­დე­საც გა­ყალ­ბე­ბა­ზე ვსა­უბ­რობ­დით და ვსა­უბ­რობთ. PVT ვერ აკონ­ტრო­ლებს ისე­თი ტი­პის გა­ყალ­ბე­ბას, რო­გო­რიც არის ბი­უ­ლე­ტე­ნე­ბის ჩაყ­რა, რომ­ლის ვი­დე­ო­ზეც „ქარ­თუ­ლი ოც­ნე­ბის“ სა­სა­მარ­თლო­ში თქვეს, რომ იქ­ნებ სხვა რამ ჩა­ყა­რე­სო. PVT ვერ აკონ­ტორ­ლებს „კა­რუ­სელს“ და ძა­ლა­დო­ბას.

სა­ვა­რა­უ­დოდ, „ქარ­თუ­ლი ოც­ნე­ბის“ წევ­რებს წი­ნას­წარ უკა­ნო­ნოდ ჰქონ­დათ „სა­მარ­თლი­ა­ნი არ­ჩევ­ნე­ბის“ შე­დე­გებ­ზე ინ­ფორ­მა­ცია მო­პო­ვე­ბუ­ლი, რად­გან ძა­ლი­ან უც­ნა­უ­რად გა­აქ­ტი­ურ­დნენ ბოლო დღე­ებ­ში, რომ გა­და­ე­მოწ­მე­ბი­ნათ „სა­მარ­თლი­ა­ნი არ­ჩევ­ნე­ბის“ შე­დე­გე­ბი, რი­თიც, მათი აზ­რით, მახე და­უ­გეს ოპო­ზი­ცი­ას“, - აცხა­დე­ბენ „ევ­რო­პულ სა­ქარ­თვე­ლო­ში“.

„სტრა­ტე­გია აღ­მა­შე­ნებ­ლის“ ერთ-ერთი ლი­დე­რის, სერ­გო ჩიხ­ლა­ძის გან­ცხა­დე­ბით, „სა­მარ­თლი­ა­ნი არ­ჩევ­ნე­ბის“ მიერ გა­მოქ­ვეყ­ნე­ბუ­ლი პა­რა­ლე­ლუ­რი ხმის დათ­ვლის შე­დე­გე­ბი სე­რი­ო­ზულ კი­თხვის ნიშ­ნებს აჩენს და ორ­გა­ნი­ზა­ცი­ის რე­პუ­ტა­ცი­ას აზი­ა­ნებს.

რო­გორც ჩიხ­ლა­ძემ ჟურ­ნა­ლის­ტებს გა­ნუ­ცხა­და, ISFED - არ არის არ­ჩევ­ნე­ბის სა­ბო­ლოო ვერ­დიქ­ტი, ის არ წყვეტს ამ არ­ჩევ­ნე­ბის ბედს, შე­სა­ბა­მი­სად, ოპო­ზი­ცი­ის მო­თხოვ­ნე­ბი მა­ინც უც­ვლე­ლი რჩე­ბა.

„სპე­კუ­ლა­ცი­ებ­ში არ შე­ვალ, უბ­რა­ლოდ ბევ­რი კი­თხვის ნი­შა­ნი გაჩ­ნდა სან­დო­ო­ბის თვალ­საზ­რი­სით. ამას­თან, ოპო­ზი­ცი­ის და სა­ზო­გა­დო­ე­ბის გან­ცხა­დე­ბე­ბი, ის, რომ სე­რი­ო­ზუ­ლი გა­ყალ­ბე­ბა იყო, არ ემ­ყა­რე­ბო­და მხო­ლოდ ISFED-ის მო­ნა­ცე­მებს. ISFED-ის მო­ნა­ცე­მე­ბამ­დეც წარ­ვად­გი­ნეთ ოქ­მე­ბი უბ­ნე­ბი­დან, რომ­ლე­ბიც მა­ჟო­რი­ტა­რულ ოლ­ქებ­ში თით­ქმის 2/3-ს ეხე­ბო­და, სა­დაც სე­რი­ო­ზუ­ლი აც­დე­ნე­ბი იყო ოქ­მებ­ში, ხოლო პრო­პორ­ცი­უ­ლო­ბის ნა­წილ­ში 30%-ზე მეტ შემ­თხვე­ვებ­ში იყო ამ ოქ­მე­ბის სე­რი­ო­ზუ­ლი აც­დე­ნე­ბი და დის­ბა­ლან­სი, მხო­ლოდ ISFED-ზე არ არის დამ­ყა­რე­ბუ­ლი ჩვე­ნი გან­ცხა­დე­ბე­ბი, მტკი­ცე­ბუ­ლე­ბე­ბი გა­ყალ­ბე­ბას­თან და­კავ­ში­რე­ბით, თუმ­ცა, სე­რი­ო­ზუ­ლი კი­თხვე­ბი ჩნდე­ბა მათ ამ გან­ცხა­დე­ბა­ზე. პა­რა­ლე­ლურ გა­დათ­ვლა­ზე მათ ერთი მო­ნა­ცე­მი წა­რად­გი­ნეს რამ­დე­ნი­მე კვი­რის წინ, გუ­შინ სხვა მო­ნა­ცე­მი, რა­ტომ უნდა ვენ­დოთ, ეს ცოტა გა­ურ­კვე­ვე­ლია. კი­თხვე­ბი გვიჩ­ნდე­ბა. ISFED - არ არის არ­ჩევ­ნე­ბის სა­ბო­ლოო ვერ­დიქ­ტი, ის არ წყვეტს ამ არ­ჩევ­ნე­ბის ბედს. სან­დო ორ­გა­ნი­ზა­ცი­ად ით­ვლე­ბა, მაგ­რამ ეს არ ნი­შავს, რომ მას რამე შე­იძ­ლე­ბა არ შე­ე­შა­ლოს. რაც შე­ე­ხე­ბა სა­არ­ჩევ­ნო ად­მი­ნის­ტრა­ცი­ის და­კომ­პლექ­ტე­ბი­სას სან­დო ორ­გა­ნი­ზა­ცი­ე­ბის და­სა­ხე­ლე­ბას, აქ წარ­დგე­ნი­ლი იყო ნი­მუ­ში, წესი და არა ისე, რომ მხო­ლოდ სამი ორ­გა­ნი­ზა­ცი­ის­გან უნდა და­კომ­პლექტდეს.

დრო­ში სა­ეჭ­ვოდ ემ­თხვე­ვა ISFED-ის მო­ნა­ცე­მე­ბის გა­მოქ­ვეყ­ნე­ბა. იმა­საც რომ თავი და­ვა­ნე­ბოთ, რომ შე­ე­შა­ლათ, რე­პუ­ტა­ცი­უ­ლად მა­ინც ძა­ლი­ან სე­რი­ო­ზუ­ლი კი­თხვე­ბია. ასეთ სა­კი­თხებ­ზე ჯერ უნდა ჩა­მო­ყა­ლიბ­დე, ზუს­ტად დათ­ვა­ლო და მერე გა­მო­აქ­ვეყ­ნო. ეს არ არის მო­რი­გი პა­ტა­რა ან­გა­რი­ში, რო­მელ­საც ჩა­ას­წო­რებ და დო­ნორს წა­რუდ­გენ. ამა­ზე ბევ­რი რამ იყო დამ­ყა­რე­ბუ­ლი პო­ლი­ტი­კუ­რად, შე­სა­ბა­მი­სად, ძა­ლი­ან აზი­ა­ნებს ამ ორ­გა­ნი­ზა­ცი­ის რე­პუ­ტა­ცი­ას“, - გა­ნა­ცხა­და ჩიხ­ლა­ძემ და დას­ძი­ნა: „სა­მარ­თლი­ა­ნი ან­გა­რი­შის“ პა­რა­ლე­ლუ­რი ხმის დათ­ვლის მო­ნა­ცე­მე­ბის გა­მოქ­ვეყ­ნე­ბის მი­უ­ხე­და­ვად ეს არა­ფერს ცვლის და ოპო­ზი­ცი­ის მო­თხოვ­ნე­ბი იგი­ვე რჩე­ბა“.

„არ­სად ეს პრობ­ლე­მე­ბი არ გამ­ქრა­ლა. ISFED არ არის სა­ბო­ლოო ინ­სტან­ცია, რომ­ლის მი­ხედ­ვი­თაც ამ მო­თხოვ­ნებს ვა­ყე­ნებთ. რაც შე­ე­ხე­ბა უმ­რავ­ლე­სო­ბის ლი­დე­რე­ბის გან­ცხა­დე­ბებს, მათ შო­რის არ­ჩილ თა­ლაკ­ვა­ძის, ირაკ­ლი კო­ბა­ხი­ძის გან­ცხა­დე­ბე­ბი არ ემ­სა­ხუ­რე­ბო­და მო­ლა­პა­რა­კე­ბე­ბის წარ­მა­ტე­ბით მიმ­დი­ნა­რე­ო­ბას. ყვე­ლა სი­ტყვას ვზო­მავთ და ორ­შა­ბათს მზად ვართ გა­ვაგ­რძე­ლოთ ეს მო­ლა­პა­რა­კე­ბე­ბი“, - გა­ნა­ცხა­და ჩიხ­ლა­ძემ.

მი­სი­ვე თქმით, სა­ვა­რა­უ­დოდ, მო­ლა­პა­რა­კე­ბე­ბის მე-5 რა­უნ­დი სწო­რედ ორ­შა­ბათს გა­ი­მარ­თე­ბა.

„თუ რამ­დე­ნი­მე კვი­რა­ში მო­ლა­პა­რა­კე­ბე­ბი არ დას­რულ­და, მა­შინ ოპო­ზი­ცია სხვა ტაქ­ტი­კას აირ­ჩევს“, - გა­ნა­ცხა­და ჩიხ­ლა­ძემ.

„ქარ­თუ­ლი ოც­ნე­ბის“ გე­ნე­რა­ლუ­რი მდივ­ნის კახა კა­ლა­ძის გან­ცხა­დე­ბით, ISFED-ის ხმე­ბის პა­რა­ლე­ლუ­რი დათ­ვლის შე­დე­გე­ბის შე­სა­ხებ და­ზუს­ტე­ბუ­ლი ან­გა­რი­ში არის კი­დევ ერთი მი­ზე­ზი ყვე­ლა ჯან­სა­ღი ოპო­ზი­ცი­უ­რი პარ­ტი­ის­თვის, გა­მო­ვიდ­ნენ ჩი­ხი­დან და შე­უდ­გნენ ამომ­რჩევ­ლის­გან და­კის­რე­ბუ­ლი ვალ­დე­ბუ­ლე­ბის შეს­რუ­ლე­ბას.

რო­გორც კა­ლა­ძე აცხა­დებს, მო­ლა­პა­რა­კე­ბე­ბიც უნდა გაგ­რძელ­დეს, სა­არ­ჩევ­ნო რე­ფორ­მა­ზე ერ­თობ­ლი­ვი მუ­შა­ო­ბაც და ყვე­ლა­ფე­რი ის, რისი მო­ლო­დი­ნიც ამომ­რჩე­ველს აქვს.

„დღეს მნიშ­ვნე­ლო­ვა­ნი დღე იყო. დღე, რო­დე­საც „ქარ­თუ­ლი ოც­ნე­ბის“ ხე­ლი­სუფ­ლე­ბის პი­რო­ბებ­ში გაჩ­ნდა შან­სი, სა­ქარ­თვე­ლო შედ­გეს ღია, მრა­ვალ­ფე­რო­ვა­ნი სა­პარ­ლა­მენ­ტო დე­მოკ­რა­ტი­ის ქვეყ­ნად.

სა­ქარ­თვე­ლოს მო­ქა­ლა­ქე­ებ­მა არ­ჩევ­ნებ­ზე და­ა­ფიქ­სი­რეს სა­კუ­თა­რი პო­ზი­ცია - პარ­ლა­მენ­ტი იყოს მრა­ვალ­პარ­ტი­უ­ლი. ეს ოპო­ზი­ცი­ის შან­სია, რომ აქ­ტი­უ­რი როლი შე­ას­რუ­ლოს ჩვე­ნი ქვეყ­ნის­თვის უკე­თე­სი ხვა­ლინ­დე­ლი დღის უზ­რუნ­ველ­ყო­ფა­ში.

დღეს სა­ღა­მოს ორ­გა­ნი­ზა­ცია ISFED-მა გა­მო­აქ­ვეყ­ნა თა­ვი­სი შეს­წო­რე­ბუ­ლი ან­გა­რი­ში, რი­თაც დად­გინ­და, რომ ცეს­კოს შე­დე­გე­ბი სი­ნამ­დვი­ლე­ში თან­ხვედ­რა­შია ISFED-ის პა­რა­ლე­ლუ­რი ხმის დათ­ვლის მო­ნა­ცე­მებ­თან. ეს არის კი­დევ ერთი მი­ზე­ზი ყვე­ლა ჯან­სა­ღი ოპო­ზი­ცი­უ­რი პარ­ტი­ის­თვის, გა­მო­ვიდ­ნენ ნაჩ­ქა­რე­ვად მი­ღე­ბუ­ლი გა­და­წყვე­ტი­ლე­ბის შე­დე­გად შექ­მნი­ლი ჩი­ხი­დან და შე­უდ­გნენ ამომ­რჩევ­ლის­გან და­კის­რე­ბუ­ლი ვალ­დე­ბუ­ლე­ბის შეს­რუ­ლე­ბას. ჩვენ გვინ­და პო­ლი­ტი­კა ვა­კე­თოთ ისეთ პარ­ტი­ებ­თან, რომ­ლე­ბიც არ არი­ან პო­ლი­ტი­კუ­რი მძევ­ლე­ბი და გა­აჩ­ნი­ათ თა­ვი­სი ჩა­მო­ყა­ლი­ბე­ბუ­ლი პო­ზი­ცია.

მო­გი­წო­დებთ, ადეკ­ვა­ტუ­რად შე­ვა­ფა­სოთ მო­ცე­მუ­ლი რე­ა­ლო­ბა - ჩვენ ყვე­ლამ, მი­ღე­ბუ­ლი მან­და­ტე­ბის რა­ო­დე­ნო­ბის მი­უ­ხე­და­ვად, გა­ვი­მარ­ჯვეთ, გვაქვს მრა­ვალ­ფე­რო­ვა­ნი პარ­ლა­მენ­ტი!

მო­ლა­პა­რა­კე­ბე­ბიც უნდა გაგ­რძელ­დეს, სა­არ­ჩევ­ნო რე­ფორ­მა­ზე ერ­თობ­ლი­ვი მუ­შა­ო­ბაც და ყვე­ლა­ფე­რი ის, რისი მო­ლო­დი­ნიც ჩვენ­გან ამომ­რჩე­ველს აქვს“, - წერს კა­ლა­ძე სო­ცი­ა­ლურ ქსელ­ში.

"დღეს მო­ლა­პა­რა­კე­ბე­ბის რე­ა­ლო­ბა მკვეთ­რად შე­იც­ვა­ლა, ვი­ნა­ი­დან, უკვე არ არ­სე­ბობს ოპო­ზი­ცი­ის მთა­ვა­რი ბრალ­დე­ბა, ის გაქ­რა, გა­ცამ­ტვერ­და და პირ­და­პირ მთე­ლი სა­ზო­გა­დო­ე­ბის თვალსწინ აღ­მოჩ­ნდა, რომ ის იყო სიც­რუე", - ამის შე­სა­ხებ პარ­ლა­მენ­ტის თავ­მჯდო­მა­რემ არ­ჩილ თა­ლაკ­ვა­ძემ „რუს­თა­ვი 2“-ის ეთერ­ში გა­ნა­ცხა­და, რი­თიც „სა­მარ­თლი­ა­ნი არ­ჩევ­ნე­ბის“ მიერ გა­მოქ­ვეყ­ნე­ბულ 2020 წლის 31 ოქ­ტომ­ბრის არ­ჩევ­ნე­ბის სა­ბო­ლოო შე­დე­გე­ბის და­ზუს­ტე­ბულ ინ­ფორ­მა­ცი­ას გა­მო­ეხ­მა­უ­რა.

მი­სი­ვე თქმით, დღეს და­დას­ტურ­და, რომ „ქარ­თუ­ლი ოც­ნე­ბის“ გან­ცხა­დე­ბე­ბი სი­მარ­თლეს შე­ე­სა­ბა­მე­ბა და არ­ჩევ­ნე­ბი არ არის გა­ყალ­ბე­ბუ­ლი, აქე­დან გა­მომ­დი­ნა­რე, თა­ლაკ­ვა­ძის თქმით, ოპო­ზი­ცი­ურ­მა პარ­ტი­ებ­მა გავ­რცე­ლე­ბუ­ლი ტყუ­ი­ლის­თვის ბო­დი­ში უნდა მო­ი­ხა­დონ.

ამას­თა­ნა­ვე, თა­ლაკ­ვა­ძემ გა­ნა­ცხა­და, რომ სა­უ­ბარს მხო­ლოდ იმ ოპო­ზი­ცი­ო­ნე­რებ­თან გა­აგ­რძე­ლე­ბენ, რომ­ლე­ბიც ჯან­სა­ღად და პრაგ­მა­ტუ­ლად უყუ­რე­ბენ ეროვ­ნულ ინ­ტე­რე­სებ­სა და დე­მოკ­რა­ტი­ის პრინ­ცი­პებს.

„ის პო­ზი­ცი­ე­ბი, რა­საც აცხა­დებ­დნენ და რა­საც ახ­მო­ვა­ნებ­დნენ რა­დი­კა­ლუ­რი თუ პრაგ­მა­ტუ­ლი ოპო­ზი­ცი­ის წარ­მო­მად­გენ­ლე­ბი მო­ლა­პა­რა­კე­ბებ­ზე, ეფუძ­ნე­ბო­და სწო­რედ ამას, რომ თით­ქოს არ­ჩევ­ნე­ბი იყო გა­ყალ­ბე­ბუ­ლი. ყვე­ლა მათ­გა­ნი ამ­ბობ­და და დღე­საც მო­ვის­მი­ნეთ გან­ცხა­დე­ბე­ბი, რომ რიგ­გა­რე­შე არ­ჩევ­ნე­ბის ჩა­ტა­რე­ბის გა­რე­შე მათ­თვის ყვე­ლა­ფე­რი არის მი­უ­ღე­ბე­ლი, ოპო­ზი­ცი­უ­რი პო­ლი­ტი­კო­სე­ბის მხო­ლოდ რამ­დე­ნი­მე გა­მო­ნაკ­ლი­სი შე­და­რე­ბით პრაგ­მა­ტუ­ლად და უფრო ჯან­სა­ღად აფა­სებ­და სი­ტუ­ა­ცი­ას. ეს არის რე­ა­ლო­ბა და რაზე უნდა მო­ვე­ლა­პა­რა­კოთ სა­ნამ ბო­დიშს არ მო­იხ­დი­ან ამ ტყუ­ი­ლის გამო? რაზე უნდა მო­ვე­ლა­პა­რა­კოთ? ჩვენ არ გან­ვი­ხი­ლავთ რიგ­გა­რე­შე არ­ჩევ­ნებს, ვამ­ბობ­დით, რომ არ­ჩევ­ნე­ბი არ იყო გა­ყალ­ბე­ბუ­ლი და დღეს და­დას­ტურ­და, რომ არ­ჩევ­ნე­ბი ნამ­დვი­ლად არ გა­ყალ­ბე­ბუ­ლა. აი ახლა, ოპო­ზი­ცი­ამ უკვე, რა თქმა უნდა, ბო­დი­ში უნდა მო­ი­ხა­დოს. ჩვენ გა­ვაგ­რძე­ლებთ სა­უ­ბარს მხო­ლოდ იმ ოპო­ზი­ცი­ო­ნე­რებ­თან, მხო­ლოდ იმ პო­ლი­ტი­კურ პარ­ტი­ებ­თან, ვინც ჯან­სა­ღად, პრაგ­მა­ტუ­ლად უყუ­რებს ეროვ­ნულ ინ­ტე­რე­სებ­სა და დე­მოკ­რა­ტი­ის პრინ­ცი­პებს“, - გა­ნა­ცხა­და თა­ლაკ­ვა­ძემ.

ცნო­ბის­თვის, „სა­მარ­თლი­ა­ნი არ­ჩევ­ნე­ბი“ (ISFED) 2020 წლის 31 ოქ­ტომ­ბრის არ­ჩევ­ნე­ბის სა­ბო­ლოო შე­დე­გე­ბის და­ზუს­ტე­ბულ ინ­ფორ­მა­ცი­ას აქ­ვეყ­ნებს. მათი ინ­ფორ­მა­ცი­ით, გა­მოვ­ლინ­და ხარ­ვე­ზი სა­არ­ჩევ­ნო სუ­ბი­ექ­ტე­ბის მიერ მი­ღე­ბუ­ლი ხმე­ბის გა­მო­სათ­ვლელ ფორ­მუ­ლა­ში. გას­წო­რე­ბის შე­დე­გად, სა­არ­ჩევ­ნო სუ­ბი­ექ­ტე­ბის მიერ მი­ღე­ბუ­ლი ხმე­ბის პრო­ცენ­ტუ­ლი რა­ო­დე­ნო­ბა უმ­ნიშ­ვნე­ლოდ შე­იც­ვა­ლა. აღ­ნიშ­ნუ­ლი სხვა­ო­ბა გავ­ლე­ნას არ ახ­დენს არ­ცერ­თი სა­არ­ჩევ­ნო სუ­ბი­ექ­ტის მიერ მი­ღე­ბუ­ლი მან­და­ტე­ბის რა­ო­დე­ნო­ბა­ზე.

„სა­მარ­თლი­ა­ნი არ­ჩევ­ნე­ბის“ (ISFED) 2020 წლის 31 ოქ­ტომ­ბრის არ­ჩევ­ნე­ბის დღის სა­ბო­ლოო შე­დე­გე­ბის და­ზუს­ტე­ბუ­ლი ინ­ფორ­მა­ცი­ით, "ქარ­თუ­ლი ოც­ნე­ბა - დე­მოკ­რა­ტი­ულ სა­ქარ­თვე­ლოს" ხმე­ბის 47.6% აქვს.