13
აპრილიდღის ზოგადი ასტროლოგიური პროგნოზი
გაზსადენზე მომხდარი დაზიანების გამო, აჭარის და გურიის რეგიონების აბონენტებს ბუნებრივი აირის მიწოდება რამდენიმე საათია შეუწყდათ. ბუნებრივი აირის გარეშე დარჩენილი მოსახლეობა უკმაყოფილებას გამოთქვამს და აცხადებს, რომ ისინი გაფრთხილებული არ იყვნენ.
მოქალაქეები პროტესტს სხვადასხვა სოციალური ქსელით გამოხატავენ და ბუნებრივი აირის დროულ აღდგენას მოითხოვენ. საცხობებსა და საკონდიტროებში დასაქმებულები ამბობენ, რომ თუ დღის ბოლომდე ბუნებრივი აირის მიწოდება არ აღუდგებათ, პროდუქცია გაუფუჭდებათ და იზარალებენ.
"არანაირ ინფორმაციას არ ვფლობდით. დილით დავიწყეთ მუშაობა, პურს ვერ ვაცხობთ, რადგან გაზი არ გვაქვს, სრულიად გაზზე ვართ დამოკიდებული",- ამბობს AMBEBI.GE-სთან საუბარში ერთ-ერთი საცხობის თანამშრომელი ზებურ დიასამიძე.
ამასთან ბათუმის ქუჩებში ავტომობილები გამოჩნდნენ, სადაც შესაძლებელია მინი ე.წ ბალონების ბუნებრივი აირით შევსება. მოქალაქეებიც შესაბამისად, რამდენიმე საათია რიგში არიან.
"ამ რიგს რომ ვუყურებ, თავი 90-იან წლებში მგონია. ყველგან შეზღუდვა, ნორმალურად საკვებს ვერ ვყიდულობთ ამ მძიმე სოციალურ ფონზე, ახლა სიცივით დავიხოცებით, არ ვიცით როდის აღდგება ბუნებრივი აირის მიწოდება. რამდენი დღე ვიქნებით ასე, უცნობია",- აცხადებს მოქალაქე ნათია გორგილაძე.
შესაბამის უწყებაში აცხადებენ, რომ მილსადენის დაზიანების აღსადგენად სამუშაოები აქტიურ რეჟიმში მიმდინარეობს. შესაბამისი ტექნიკური ჯგუფი ადგილზე იმყოფება.
ძალიან ცუდია ამ სიცივეში ასე ყოფნა, მაგრამ აკეთებენ , ცოტა მოთმინებაა საჭირო და ასევე გაგებით უნდა მოვეკიდოთ, ამდენი ამ ის ატეხვა არაა საჭირო. ვის უნდოდა რომ ეს მომხდარიყო? მთავარია ყინვები არ არის და გაკეთდება, მუშაობენ.
თქვე კაიხალხო გაზგამტარი დაზიანებულა და ასე ხომ არ დატოვებენ. აბა ახლა ატეხეთ ერთი ვაი უშველებელი. ხომ უნდა აფრქვიოთ დაგროვილი ნეგატივი.