მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თვეები კლინიკიდან არ გასულა, საკვებს არ ღებულობს... ერთ დღეს თეონა წაიქცა" - ახალგაზრდა ექიმი ქუთაისიდან, რომელიც ინფიცირებულ მშობიარეებს მკურნალობს
20:18 / 13-11-2020
ექიმი არჩილ ჯალაღონია სოციალურ ქსელში ემოციურ პოსტს აქვეყნებს, რომელიც ახალგაზრდა ქუთაისელ მედიკოსს თეონა ლორთქიფანიძეს ეხება. ჯალაღონიას თქმით, ლორთქიფანიძე ერთადერთი ექიმი-გინეკოლოგი იყო დასავლეთ საქართველოში, ვისთანაც COVID-19-ით ინფიცირებული ორსულები და მეძუძური დედები მიჰყავდათ.
"ვიღაცის პოსტი წავიკითხე ექიმს ორმხრივი პნევმონია დაუდასტურდა და ადგილი არ დააკავა კლინიკაში, უთქვამს ჩემს ადგილას ვისაც ჭირდება ის დააწვინეთ, თვითონ სახლში წავიდაო. რა პატარა მომენტია და რა დიდი სიყვარული სხვების მიმართ. ჩემს ირგვლივ უამრავი მედდა და ექიმია ასეთი, მეტსაც გეტყვით ვიცნობ რამდენიმე მათგანს მიუხედავად მათი მძიმე რისკებისა, მაინც საფთხის ქვეშ დააყენეს საკუთარი სიცოცხლე სხვების სანაცვლოდ. ეს ყველაფერი გააზრებულად. ალბათ სიყვარული არის მაშინ, როცა ვინმესთვის შეგიძლია გაწირო ან გასცე შენი დრო, ჯანმრთელობა და თუ შესაძლებლობა.
ყველა ეპოქას და ისტორიას ჰყავს თავისი გმირები და ანტიგმირები, თავისი აპლოდისმენტი და კრიტიკა...არც ეს კოვიდ19 პერიოდი ჩაივლის ისე, გადაფასდება ყველაფერი იმედს ვიტოვებ და ყველას მისი საზღაური მიეგება, ეპიდემია ადრე თუ გვიან დაცხრება, წაიღებს მისას და წავა... პლანეტის ისტორიაში ჯერ არასდროს არ მოუგია ომი მიკროსამყაროს მაკროსამყაროსთან და არც პირიქით, იდეალური მდგომარეობა ყოველთვის იყო ზავი...ალბათ დავზავდებით ამ ერთხელაც, გვაპატიებს სამყარო ჩინეთში სენსიტიურ დახველებას...
მე სხვა რამ მინდა გითხრათ, განსაკუთრებით ჩემო ქუთაისლებო, რომ ამ ისტორიაში აუცილებელია იცნობდეთ ახალგაზრდა ექიმს თეონა ლორთქიფანიძეს, რომელთანაც მქონდა ბედნიერება მემუშავა კლინიკა "ბომომდში" რამდენიმე თვე კოვიდ19 ბლოკში და გავმხდარიყავი თავდაუზოგავი ბრძოლების და უძილო ღამეების მომსწრე... ამ უთანასწორო ბრძოლაში როგორ ზეიმობდა სიცოცხლე ერთმანეთის მიყოლებით...
თეონა ერთადერთი ექიმი გინეკოლოგი იყო იმ პერიოდში (ალბათ ახლაც, ზუსტად არ ვიცი) დასავლეთში ვისთანაც გადმოყავდათ ყველა კოვიდ19 ინფიცირებული ორსული და მეძუძური დედა... ათეულობით ორსული მიიღო, უმკურნალა, მოეფერა, ამშობიარა და შინ გამოჯანმრთელებული და გამრავლებული გაუშვა თავიანთი პატარებით... არ არსებობს იმაზე დიდი მდგომარეობა ვიდრე დედა და შვილი ერთად, არ არსებობს საავადმყოფოზე დიდი ეკლესია, სადაც დედა ლოცულობს ახალშობილ შვილზე და არ არსებობს იმაზე დიდი ბედნიერება, უყურო სიხარულის ცრემლებს როცა ჯანმრთელები ტოვებენ კლინიკას...ღმერთისგან დალოცვილია ეს გოგო, მადლიანია.
მახსენდება ერთი სამუშაო ღამე, დაახლოებით 10-მდე ორსული უწევს და კიდევ რამდენიმე ტრიაჟდება, პარალელუად საოპერაციოში შედის და ამშობიარა ორი ორსული, დედებიც და ბავშვებიც კარგად არიან, ყველას უახარია ერთმანეთის კარგად ყოფნა და... უცებ თეონა ექიმი მოწყდა და წაიქცა, მივარდნენ ექთნები, ექიმები, გაუწიეს დახმარება. მოიხედა ჩვენსკენაც და როცა დასტაბილურდა ყველაფერი, რამდენიმე წუთში შეუდგა მის საქმეს...
ვითომც არაფერი, თითქოს არაფერიც მომხდარა...თითქოს... მერე რა რომ რამდენიმე თვე კლინიკიდან არ გასულა, მერე რა რომ საკვებს არ ღებულობს ზოგჯერ მთელი დღე, მერე რა რომ ამდენი პასუხისმგებლობაა დედა და ჩვილი, მერე რა რომ კოვიდია, მერე რა რომ თვითონაც ცუდადაა, მერე რა რომ დაინფიცირდა, მერე რა რომ პნევმონია აქვს, მერე რა რომ მასაც ჰყავს ოჯახი, მერე რა რომ გამოჯანმრთელების შემდეგ კურორტის მაგივრად ისევ კლინიკაშია...
ის ყველა კოვიდ19 ით ინფიცირებული ორსულის იმედია, ქალაქის სიამაყე და ჩემი როგორც კოლეგა მონაპოვარი...იცნობდეთ, გიყვარდეთ და გაუფრთხილდით" - წერს ჯალაღონია.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოდგება მერე დივანზე წამოწოლილი ხალხი, ნახევარი საათი რომ ვერ ძლებს პირბადით და შენიშვნებს და საყვედურებს გამოთქვამს ექიმების მიმართ.
თეონა, ქედს ვიხრი თქვენს წინაშე,გმირი ხართ,ექიმობა მართლაც გმირობაა,ექიმების უდიდესი ნაწილი საკუთარი ჯანმრთელობის,უძილო ღამეების , ოჯახის წევრების მონატრების ხარჯზე ემსახურება პაციენტს, ზოგჯერ გაუთვალისწინებელი რამ ხდება,მედიცინაში ორჯერ ორი ყოველთვის არ არის ოთხი, ამისათვის ყველას ტალახს ნუ ვესვრით და უშვერი სიტყვებით ნუ ვატკენთ გულს, წარმატებას ვუსურვებ მედიცინის ყველა მუშაკს და ჯანმრტელობას საზოგადოებას