მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თანამედროვე ტოლკინის“ ჯორჯ მარტინის „ღამეში მფრენნი“ უკვე წიგნის მაღაზიებშია
16:48 / 12-11-2020
ფანტასტიკის კლასიკოსი, მწერალი, რომელიც თავისი მკითხველისთვის ახალ სამყაროს ქმნის; სამყაროს, რომლის არსებობაში ეჭვიც კი არ შეგეპარება, რადგან ყველაფერი მეტისმეტი სიზუსტით არის აღწერილი... ჯორჯ მარტინი ფანტასტიკის მოყვარულებისთვის ერთ-ერთი უსაყვარლესი მწერალია. ბოლოს და ბოლოს, სწორედ მისი წიგნის მიხედვით არის გადაღებული HBO-ს სერიალი „სამეფო კარის თამაშები“, რომლის ყოველ ახალ სეზონს მთელი მსოფლიო სულმოუთქმელად ელოდებოდა.
ჯორჯ მარტინი ქართველ მკითხველსაც ძალიან უყვარს. როგორც ამბობენ, ამ მწერლის წიგნებში ყველაფერია, რასაც ფანტასტიკის ჟანრის მოყვარულს იზიდავს: ახალი სამყარო, თავგადასავლები, ინტრიგა, ამოუცნობი პერსონაჟები, სიუჟეტის მოულოდნელი განვითარება და მწერლის გამორჩეული ხელწერა.
განსაკუთრებით აღსანიშნავია ჯორჯ მარტინის მოთხრობების ციკლი „ათასობით სამყარო“, რომელმაც არაერთი პრესტიჟული ლიტერატურული პრემია და მკითხველის დიდი სიყვარული დაიმსახურა. სწორედ ამ ციკლის რამდენიმე მოთხრობა გააერთიანა გამომცემლობა „პალიტრა L-მა“ და მალე მკითხველის წინაშე სამეცნიერო-ფანტასტიკური კრებული „ღამეში მფრენნი“ წარსდგება.
როგორც მთარგმნელი თამარ კოტრიკაძე აღნიშნავს, მწერალი ახერხებს სიუჟეტი მუდამ მოულოდნელად და თავბრუდამხვევად შემოაბრუნოს:
სამეცნიერო-ფანტასტიკური კრებული „ღამეში მფრენნი“ ჯორჯ მარტინმა მე-20 საუკუნის 70-იან წლებში, სულ ახალგაზრდამ დაწერა. მასში 6 ვრცელი მოთხრობაა შესული, ერთმანეთისაგან სრულიად განსხვავებულ, მძაფრსიუჟეტიან და სათავგადასავლო ამბებს რომ მოგვითხრობს. სატიტულო მოთხრობაში მკითხველს ელის კოსმოსური ხომალდით ხანგრძლივი მოგზაურობა, რომლის დროსაც სხვადასხვა ხასიათისა და ტემპერამენტის რამდენიმე ადამიანი კოსმოსში მოხეტიალე უცნაურ არსებებს, ვოლკრინებს დაეძებს, თან დახშულ სივრცეში იდუმალ საფრთხეს ებრძვის და ერთგვარი დეტექტიური საიდუმლოს ამოხსნას ცდილობს; ხომალდზე, რომლის კაპიტანიც მგზავრებს არ ენახვებათ, ვიღაც ერთიმეორის მიყოლებით ხოცავს ეკიპაჟს; ამ ნაწარმოებში დასმული ყველა შეკითხვის პასუხი სრულიად მოულოდნელი და გამაოგნებელი აღმოჩნდება...“
„ღამეში მფრენნი“ პირველ ყოვლისა ულამაზესი ყდით მიიპყრობს თქვენს ყურადღებას. როგორც ყდის ილუსტრატორი მაკა ზედელაშვილი აღნიშნავს, დიზაინის შექმნის დროს სურდა აქცენტი მთავარი პერსონაჟების ურთიერთობაზე გაეკეთებინა, ოღონდ ისე, რომ მკითხველის ფანტაზია არ შეეზღუდა:
„წლების განმავლობაში არაერთი „დიჯითალ არტი“ გავაკეთე წიგნების გარეკანისთვის. ნამუშევრის დაწყებამდე წიგნს აუცილებლად ვკითხულობ და ჩემთვის ყველაზე საინტერესო მომენტს ვარჩევ, ვცდილობ პირდაპირ არ დავხატო სცენა და მკითხველს არ მოვახვიო თავს ჩემი ხედვა, არამედ, ალეგორიულად და სიმბოლურად გამოვსახო სათქმელი. ასე იყო ჯორჯ მარტინის წიგნის შემთხვევაშიც. აბსტრაქტულად გავაკეთე ფერადკანიანი ქალის ურთიერთობა კაცთან (ქალის თემაზე აქცენტი, როგორც ჩემთვის ერთ-ერთი მნიშვნელოვანი თემა), რომელიც ნახევრად ჰოლოგრამაა და რომლიდანაც უამრავი კაბელი გამოდის, მიერთებულია ხომალდთან და შერწყმული მასში, რადგან ის ხომალდის ნაწილია, ანუ არც ფიზიკური და არც წარმოსახვითი, არამედ–ალეგორია.
ამდენად, თქვენს წინაშეა ჯორჯ მარტინის ამაღელვებელი მოთხრობების კრებული, რომლებიც თქვენს იმედებს აუცილებლად გაამართლებს და თვალწინ ახალ სამყაროს გადაგიშლით.
წიგნი, რომელიც ამავე დროს ირეალური სამყაროს ბილეთია და რომელიც სერია „პორტალის“ ფარგლებში გამოიცა, „ბიბლუსის“ მაღაზიებში შეგიძლიათ შეიძინოთ.
გამოწერის შემთხვევაში, ეწვიეთ ბმულს
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
