"მე ვიქ­ნე­ბი პრე­ზი­დენ­ტი, რო­მე­ლიც არ ხე­დავს წი­თელ­სა და ლურჯს, ხე­დავს მხო­ლოდ ამე­რი­კის შე­ერ­თე­ბულ შტა­ტებს", - ეს ამე­რი­კის შე­ერ­თე­ბუ­ლი შტა­ტე­ბის ახ­ლად არ­ჩე­უ­ლი პრე­ზი­დენ­ტის, ჯო ბა­ი­დე­ნის სი­ტყვე­ბია, რომ­ლე­ბიც მან საპ­რე­ზი­დენ­ტო არ­ჩევ­ნებ­ში დო­ნალდ ტრამ­პის წი­ნა­აღ­მდეგ გა­მარ­ჯვე­ბის შემ­დეგ წარ­მოთ­ქვა. დე­მოკ­რატ­მა და აშშ-ს ყო­ფილ­მა ვიცე-პრე­ზი­დენ­ტმა თა­ვის გა­მოს­ვლა­ში არა­ერ­თხელ გა­უს­ვა ხაზი იმას, რომ "დე­მო­ნი­ზა­ცი­ის და­სას­რუ­ლის და­სა­წყი­სი იწყე­ბა აქ და ახლა", რომ ის იქ­ნე­ბა ყვე­ლას პრე­ზი­დენ­ტი, მათ შო­რის მა­თიც, ვინც ხმა მის ოპო­ნენტს მის­ცა, ისე­ვე, რო­გორც სხვა­დას­ხვა უმ­ცი­რე­სო­ბის წარ­მო­მად­გენ­ლე­ბის. ერთი სი­ტყვით, ბა­ი­დე­ნის სი­ტყვას გას­დევ­და ხაზი, რომ­ლის თა­ნახ­მა­დაც ის აპი­რებს, ძა­ლის­ხმე­ვა მი­მარ­თოს პო­ლა­რი­ზა­ცი­ის წი­ნა­აღ­მდეგ.

ეს მხო­ლოდ ერთ-ერ­თია იმ მი­მარ­თუ­ლე­ბე­ბი­დან, რა­საც შე­იძ­ლე­ბა, აშშ-ს ახა­ლი პრე­ზი­დენ­ტის­გან ვე­ლო­დოთ. რა შე­იც­ვლე­ბა რო­გორც სა­ში­ნაო, ისე - სა­გა­რეო პო­ლი­ტი­კა­ში ჯო ბა­ი­დე­ნის ად­მი­ნის­ტრა­ცი­ის პი­რო­ბებ­ში და რას შე­იძ­ლე­ბა ვე­ლო­დოთ აშშ-სა­ქარ­თვე­ლოს ურ­თი­ერ­თო­ბებ­ში მომ­დევ­ნო 4 წლის გან­მავ­ლო­ბა­ში? ამა­ზე AMBEBI.GE-ს ექ­სპერ­ტე­ბი - თენ­გიზ ფხა­ლა­ძე და ზვი­ად აბა­ში­ძე ესა­უბრნენ.

• არის თუ არა ბა­ი­დე­ნი უკვე აშშ-ს 46-ე პრე­ზი­დენ­ტი?

რეს­პონ­დენ­ტებს ოდ­ნავ გან­სხვა­ვე­ბუ­ლი შე­ხე­დუ­ლე­ბე­ბი აქვთ იმას­თან და­კავ­ში­რე­ბით, შეგ­ვიძ­ლია თუ არა უკვე მო­ვიხ­სე­ნი­ოთ დე­მოკ­რა­ტი კან­დი­და­ტი პრე­ზი­დენ­ტად - რო­გორც ცნო­ბი­ლია, მოქ­მე­დი პრე­ზი­დენ­ტი, დო­ნალდ ტრამ­პი არ­ჩევ­ნე­ბის გა­ყალ­ბე­ბას­თან და­კავ­ში­რე­ბით აკე­თებს გან­ცხა­დე­ბებს.

"ამე­რი­კა არის ის სა­ხელ­მწი­ფო, სა­დაც დე­მოკ­რა­ტი­უ­ლი პრო­ცე­დუ­რე­ბი და მათ შო­რის, რა­ღა­ცებ­თან და­კავ­ში­რე­ბით ეჭ­ვე­ბი აბ­სო­ლუ­ტუ­რად ნორ­მა­ლუ­რია, ამი­ტომ ხმე­ბის გა­დათ­ვლა, სა­სა­მარ­თლო პრო­ცე­სე­ბი და ა.შ., ნორ­მა­ლუ­რი დე­მოკ­რა­ტი­უ­ლი პრო­ცე­დუ­რაა. შე­იძ­ლე­ბა, სა­დღაც რა­ღაც ტექ­ნი­კუ­რი გა­უ­მარ­თა­ვო­ბა იყოს, მაგ­რამ ფაქ­ტია, ჯო ბა­ი­დენ­მა იმ­დე­ნი ხმა მი­ი­ღო, რომ ის არ­ჩე­უ­ლი პრე­ზი­დენ­ტია. არა მგო­ნია, რომ შე­დე­გე­ბი შე­იც­ვა­ლოს", - აღ­ნიშ­ნავს თენ­გიზ ფხა­ლა­ძე.

ზვი­ად აბა­ში­ძის თქმი­თაც, ამ­ჟა­მინ­დე­ლი შე­დე­გე­ბით ბა­ი­დე­ნი, ფაქ­ტობ­რი­ვად, გახ­და პრე­ზი­დენ­ტი. "იმის გამო, რომ მსოფ­ლი­ოს მნიშ­ვნე­ლო­ვა­ნი ნა­წი­ლი მას უკვე ულო­ცავს, რო­გორც ჩანს სამ­ყა­როს ეს მნიშ­ვნე­ლო­ვა­ნი ნა­წი­ლი თა­ნახ­მაა, რომ ტრამ­პი არ იყოს აშშ-ს პრე­ზი­დენ­ტი", - აღ­ნიშ­ნავს ზვი­ად აბა­ში­ძე.

• რა შე­იც­ვლე­ბა აშშ-ს სა­ში­ნაო და სა­გა­რეო პო­ლი­ტი­კა­ში ჯო ბა­ი­დე­ნის ად­მი­ნის­ტრა­ცი­ის პი­რო­ბებ­ში?

თენ­გიზ ფხა­ლა­ძე ხაზს უს­ვამს, რომ ბა­ი­დე­ნი არა მხო­ლოდ ახლა, არა­მედ მთე­ლი თა­ვი­სი პო­ლი­ტი­კუ­რი მოღ­ვა­წე­ო­ბის გან­მავ­ლო­ბა­ში გა­მო­ირ­ჩე­ო­და არა პარ­ტი­უ­ლი, არა­მედ სა­ხელ­მწი­ფო­ებ­რი­ვი აზ­როვ­ნე­ბით.

"ის ყო­ველ­თვის ხაზს უს­ვამ­და გა­ერ­თი­ა­ნე­ბის იდე­ას და იმას, რომ არ­სე­ბობს ეროვ­ნუ­ლი ინ­ტე­რე­სე­ბი, რო­მელ­საც უნდა ვემ­სა­ხუ­როთ მი­უ­ხე­და­ვად პარ­ტი­უ­ლი კუთ­ვნი­ლე­ბი­სა - სწო­რედ ეს გა­მოსჭვი­ო­და მის გა­მოს­ვლა­შიც. ტრამ­პის­გან გან­სხვა­ვე­ბით, რო­მე­ლიც ნამ­დვი­ლად მუ­შა­ობ­და თა­ვის ელექ­ტო­რატ­ზე და ოპო­ნენ­ტე­ბის მი­მართ მკვეთ­რი რი­ტო­რი­კით გა­მო­ირ­ჩე­ო­და, ბა­ი­დე­ნი მარ­თლაც არის ის ადა­მი­ა­ნი, რო­მელ­საც შე­უძ­ლია, სა­ერ­თო ეროვ­ნუ­ლი თან­ხმო­ბა შექ­მნას, რაც ძა­ლი­ან მნიშ­ვნე­ლო­ვა­ნია ამე­რი­კის­თვის. ასე­ვე, იყო ძა­ლი­ან სე­რი­ო­ზუ­ლი გზავ­ნი­ლი, რომ "ჩვენ უნდა გა­ვაძ­ლი­ე­როთ ამე­რი­კის სა­ხელ­მწი­ფო­ებ­რი­ო­ბის ღერ­ძი - სა­შუ­ა­ლო კლა­სი", - ეს იყო ის გზავ­ნი­ლი, რო­მე­ლიც დარ­წმუ­ნე­ბუ­ლი ვარ, რომ სე­რი­ო­ზუ­ლად მუ­შა­ობ­და მის ამომ­რჩე­ველ­ზე და მო­მა­ვალ­შიც ასე იქ­ნე­ბა.

სა­ერ­თოდ, ჯო ბა­ი­დე­ნის არ­ჩე­ვა ძა­ლი­ან სა­ინ­ტე­რე­სო მოვ­ლე­ნაა ამე­რი­კის შე­ერ­თე­ბუ­ლი შტა­ტე­ბის ის­ტო­რი­ა­ში. ჯერ ერთი, უპ­რე­ცე­დენ­ტოდ დიდი რა­ო­დე­ნო­ბის ხმე­ბი მი­ი­ღო; ამას­თა­ნა­ვე, ყვე­ლა­ზე ასა­კო­ვა­ნი პრე­ზი­დენ­ტია და შე­იძ­ლე­ბა ით­ქვას, ერ­თგვა­რი რე­კორ­დიც მოხ­სნა - მან 14 პრე­ზი­დენ­ტის მმარ­თვე­ლო­ბის პე­რი­ოდ­ში იცხოვ­რა და თა­ვად მე-15 პრე­ზი­დენ­ტი ხდე­ბა; ნი­შან­დობ­ლი­ვია ისიც, რომ მისი პრე­ზი­დენ­ტო­ბის პე­რი­ოდ­ში პირ­ვე­ლად ამე­რი­კის ის­ტო­რი­ა­ში ვიცე-პრე­ზი­დენ­ტად ქა­ლია არ­ჩე­უ­ლი, თა­ნაც ემიგ­რან­ტთა ოჯა­ხი­დან. გარ­და ამი­სა, ვფიქ­რობ, ჯო ბა­ი­დე­ნის უნი­კა­ლუ­რი პო­ლი­ტი­კუ­რი გა­მოც­დი­ლე­ბა სე­რი­ო­ზულ კო­რექ­ტი­ვებს შე­ი­ტანს აშშ-ს პო­ლი­ტი­კა­ში. უპირ­ვე­ლეს ყოვ­ლი­სა, უნდა ვი­ლა­პა­რა­კოთ იმა­ზე, რაც და­მა­ხა­სი­ა­თე­ბე­ლია დე­მოკ­რა­ტე­ბის­თვის და ეს გახ­ლავთ გა­აქ­ტი­უ­რე­ბა სა­ერ­თა­შო­რი­სო ორ­გა­ნი­ზა­ცი­ებ­ში. ამ კონ­ტექ­სტში ეს ჩვენ­თვის ძა­ლი­ან მნიშ­ვნე­ლო­ვა­ნია და უნდა ვე­ლო­დოთ იმას, რომ ნატო-ში ურ­თი­ერ­თო­ბე­ბის მხრივ, რა­საც ბოლო პე­რი­ოდ­ში გარ­კვე­უ­ლი სირ­თუ­ლე­ე­ბი ჰქონ­და, გა­უმ­ჯო­ბე­სე­ბას და ამე­რი­კის ლი­დე­რო­ბის აღ­ზე­ვე­ბას უნდა ვე­ლო­დოთ. აღარ ვსა­უბ­რობთ იმა­ზე, რომ დიდი ალ­ბა­თო­ბით, მოხ­დე­ბა აშშ-ს დაბ­რუ­ნე­ბა პა­რი­ზის კლი­მა­ტის ცვლი­ლე­ბე­ბის შე­თან­ხმე­ბა­ში, შე­საძ­ლე­ბე­ლია და დიდი ალ­ბა­თო­ბით, დად­გე­ბა ასე­ვე ირა­ნის ბირ­თვუ­ლი პროგ­რა­მის თემა და კი­დევ სხვა ბევ­რი სა­კი­თხი, სა­დაც პრე­ზი­დენტ ტრამ­პის ად­მი­ნის­ტრა­ცია სკეპ­ტი­ციზ­მით გა­მო­ირ­ჩე­ო­და. ამ კონ­ტექ­სტში აღ­სა­ნიშ­ნა­ვია აშშ-ს სა­ვა­რა­უ­დო გა­აქ­ტი­უ­რე­ბაც გა­ე­რო-ში. სა­ვა­რა­უ­დოა, რომ ამას ასე­ვე მოჰ­ყვე­ბა აშს-ს დაბ­რუ­ნე­ბა ჯან­დაც­ვის მსოფ­ლიო ორ­გა­ნი­ზა­ცი­ა­ში", - აღ­ნიშ­ნავს თენ­გიზ ფხა­ლა­ძე.

გა­ერ­თი­ა­ნე­ბის იდე­ა­ზე აქ­ცენტს აკე­თებს ზვი­ად აბა­ში­ძეც, ისე­ვე, რო­გორც სა­ვა­რა­უ­დოდ, ტრამ­პის პო­ლი­ტი­კას­თან შე­და­რე­ბით, ბა­ი­დე­ნის სა­ვა­რა­უ­დო გლო­ბა­ლის­ტურ მიდ­გო­მებ­ზეც.

"ტრამ­პი რეს­პუბ­ლი­კურ პარ­ტი­ას წარ­მო­ად­გენს და რეს­პუბ­ლი­კუ­რი პარ­ტია, რო­გორც წესი, სა­გა­რეო პო­ლი­ტი­კა­ში, მათ შო­რის რუ­სეთ­თან თუ ჩი­ნეთ­თან უფრო ხის­ტი და­მო­კი­დე­ბუ­ლე­ბით გა­მო­ირ­ჩე­ვა და უფრო გა­მოკ­ვე­თი­ლია ეროვ­ნუ­ლი ინ­ტე­რე­სე­ბის პრო­ფი­ლი, ვიდ­რე დე­მოკ­რა­ტე­ბის შემ­თხვე­ვა­ში, რომ­ლე­ბიც თით­ქოს, უფრო სა­ერ­თა­შო­რი­სო თა­ნამ­შრომ­ლო­ბა­ზე არი­ან ორი­ენ­ტი­რე­ბულ­ნი. თუმ­ცა, არც ერთი პარ­ტი­ის კან­დი­და­ტი ამე­რი­კის ინ­ტე­რე­სებ­ზე უარს არას­დროს იტყვის და მის ად­გილ­ზე გლო­ბა­ლურ და სა­ერ­თა­შო­რი­სო ინ­ტე­რე­სებს არ და­ა­ყე­ნებს - ამ მხრივ აშშ-ს სა­გა­რეო პო­ლი­ტი­კა არ შე­იც­ვლე­ბა. მაგ­რამ მა­ინც უნდა ვი­ვა­რა­უ­დოთ, რომ გარ­კვე­უ­ლი კო­რექ­ტი­ვე­ბი მოხ­დე­ბა, მა­გა­ლი­თად, ტრამ­პი ბევ­რი ისე­თი ხელ­შეკ­რუ­ლე­ბი­დან გა­მო­ვი­და, რა­ზეც თით­ქოს გარ­კვე­უ­ლი სა­ერ­თა­შო­რი­სო კონ­სენ­სუ­სი არ­სე­ბობ­და და ამე­რი­კა გლო­ბა­ლურ მო­თა­მა­შედ წარ­მო­ჩინ­დე­ბო­და... ტრამ­პი თვი­თონ არ იყო გლო­ბა­ლის­ტი, შე­იძ­ლე­ბა ვთქვათ, რომ ის უფრო ან­ტიგ­ლო­ბა­ლის­ტი იყო და ბევ­რჯერ იმე­ო­რებ­და კი­დევ, რომ ამე­რი­კის შიდა ინ­ტე­რე­სებ­ზე უფრო იყო ორი­ენ­ტი­რე­ბუ­ლი, ვიდ­რე სა­გა­რეო, გლო­ბა­ლუ­რი პა­სუ­ხის­მგებ­ლო­ბის სა­კუ­თარ თავ­ზე აღე­ბა­ზე.

სა­ვა­რა­უ­დოდ, ჯო ბა­ი­დე­ნი ტრამ­პის­გან იმით იქ­ნე­ბა გან­სხვა­ვე­ბუ­ლი, რომ თით­ქოს, ის უარს არ ამ­ბობს გარ­კვე­ულ გლო­ბა­ლუ­რი ინ­ტე­რე­სებ­ზე. ასე­ვე, ღი­რე­ბუ­ლე­ბი­თი თვალ­საზ­რი­სით გან­სხვა­ვე­ბა კი­დევ ის არის, რომ ჯო ბა­ი­დე­ნის პრე­ზი­დენ­ტო­ბის პე­რი­ოდ­ში ალ­ბათ მო­ი­მა­ტებს ე.წ. იდენ­ტო­ბის პო­ლი­ტი­კის გან­მა­ხორ­ცი­ე­ლე­ბე­ლი სხვა­დას­ხვა ღო­ნის­ძი­ე­ბა. ტრამ­პი თუ კონ­სერ­ვა­ტო­რია და მის­თვის ამ პო­ლი­ტი­კის გან­ხორ­ცი­ე­ლე­ბა დი­დად არ წარ­მო­ად­გენ­და ღი­რე­ბუ­ლე­ბას, ეს ცვლი­ლე­ბა შე­იძ­ლე­ბა, ახლა ვი­ხი­ლოთ. სა­ვა­რა­უ­დოდ, ბა­ი­დე­ნი ტრამ­პთან შე­და­რე­ბით უფრო აქ­ტი­უ­რი იქ­ნე­ბა რა­სის­ტულ პო­ლი­ტი­კას­თან და­კავ­ში­რე­ბით, ბოლო პე­რი­ოდ­ში გან­ვი­თა­რე­ბუ­ლი მოვ­ლე­ნე­ბი­დან გა­მომ­დი­ნა­რე, - ვგუ­ლის­ხმობ Black Lives Matter კამ­პა­ნი­ას, შავ­კა­ნი­ან­თა უფ­ლე­ბე­ბის დაც­ვის­თვის სა­ზო­გა­დო­ებ­რი­ვი მოძ­რა­ო­ბებს, რო­მე­ლიც ხშირ შემ­თხვე­ვა­ში სხვა­თა შო­რის, არ­ცთუ მშვი­დო­ბი­ა­ნი იყო... ტრამ­პი ამე­რი­კუ­ლი ტრა­დი­ცი­უ­ლი პო­ლი­ტი­კი­დან, კონ­ტექ­სტი­დან ამო­ვარ­დნი­ლი პერ­სო­ნა გახ­ლდათ იმ თვალ­საზ­რი­სით, რომ ბევრ არატ­რა­დი­ცი­ულ გა­და­წყვე­ტი­ლე­ბას იღებ­და და და­ნარ­ჩე­ნი პრე­ზი­დენ­ტე­ბის­გან გან­სხვავ­დე­ბო­და. ჯო ბა­ი­დე­ნი უფრო სის­ტე­მუ­რი პრე­ზი­დენ­ტი იქ­ნე­ბა და შე­სა­ბა­მი­სად, არა მგო­ნია, რომ უნდა ვე­ლო­დოთ რა­დი­კა­ლურ გა­და­წყვე­ტი­ლე­ბებს მისი მხრი­დან, რო­მე­ლიც რა­დი­კა­ლუ­რად შე­მო­ატ­რი­ა­ლებს ამე­რი­კას რა­ი­მე კუ­თხით. ერთი ფაქ­ტია, რომ ამე­რი­კა­ში რო­გორც ჩანს, მარ­თლაც საკ­მა­ოდ მა­ღა­ლია სო­ცი­ა­ლუ­რი პო­ლა­რი­ზა­ცი­ის დონე - ვნა­ხოთ, ბა­ი­დე­ნის წი­ნა­შე დგას საკ­მა­ოდ რთუ­ლი პრო­ცე­სი, რაც სა­ზო­გა­დო­ებ­რი­ვი გა­თი­შუ­ლო­ბის გა­დაჭ­რა იქ­ნე­ბა.

თუმ­ცა, თა­ნა­მედ­რო­ვე ვი­თა­რე­ბა საკ­მა­ოდ შეც­ვლი­ლია რამ­დე­ნი­მე წლის წი­ნან­დე­ლი ვი­თა­რე­ბის­გან გან­სხვა­ვე­ბით, ეს ის­ტო­რი­ა­სა და პო­ლი­ტი­კა­ში გლო­ბა­ლუ­რი ცვლი­ლე­ბე­ბის ეპო­ქაა, ასე რომ დიდი შან­სია, რომ ჯო ბა­ი­დე­ნის სა­გა­რეო პო­ლი­ტი­კაც ყო­ველ­თვის არ იყოს ძვე­ლი გა­გე­ბით, ტრა­დი­ცი­უ­ლად დე­მოკ­რა­ტე­ბის სა­გა­რეო პო­ლი­ტი­კის შე­სა­ბა­მი­სი და მას­ში ბევ­რი კო­რექ­ტი­რე­ბა შე­ვი­დეს. მა­გა­ლი­თად, ტრამ­პის პრე­ზი­დენ­ტო­ბის დროს ძა­ლი­ან ბევ­რი აქ­ტი­ვო­ბა გა­ნა­ხორ­ცი­ე­ლა აშშ-მ ახლო აღ­მო­სავ­ლეთ­ში, რამ­დე­ნად და­ას­რუ­ლებს ბა­ი­დე­ნი ტრამ­პის მიერ გან­ხორ­ცი­ე­ლე­ბულ პო­ლი­ტი­კას ერთი ხე­ლის მოს­მით, რთუ­ლი სათ­ქმე­ლია.

ამას­თა­ნა­ვე, სა­ნამ Covid-19 და­ი­წყე­ბო­და, ამე­რი­კის ეკო­ნო­მი­კა უკეთ გა­მო­ი­ყუ­რე­ბო­და, ვიდ­რე ის ვი­თა­რე­ბა, რაც ტრამ­პის გაპ­რე­ზი­დენ­ტე­ბამ­დე იყო, ყო­ველ შემ­თხვე­ვა­ში, ასეა ოფი­ცი­ა­ლუ­რი მო­ნა­ცე­მე­ბის თა­ნახ­მად. ამ თვალ­საზ­რი­სით ტრამ­პის ავ­ტო­რი­ტე­ტი საკ­მა­ოდ მყა­რია, თუმ­ცა ამ­ბო­ბენ, რომ Covid-19-მა ეს შე­ამ­ცი­რა", - აღ­ნიშ­ნავს აბა­ში­ძე.

• რა კო­რექ­ტი­ვებს უნდა ვე­ლო­დოთ აშშ-სა­ქარ­თვე­ლოს ურ­თი­ერ­თო­ბებ­ში?

ფხა­ლა­ძე სა­უბ­რობს რე­გი­ონ­ში აშშ-ს პო­ლი­ტი­კის სა­ვა­რა­უ­დო ცვლი­ლე­ბებ­ზე, რო­გორც რუ­სეთ­თან, ისე - სა­ქარ­თვე­ლოს­თან მი­მარ­თე­ბა­ში. მისი თქმით, ურ­თი­ერ­თო­ბე­ბის ინ­ტენ­სი­ვო­ბის გაზ­რდა დიდ­წი­ლად და­მო­კი­დე­ბუ­ლი სა­ქარ­თვე­ლო­ზეც იქ­ნე­ბა.

"რაც შე­ე­ხე­ბა რუ­სეთს, არა მგო­ნია, ბა­ი­დენ­მა გა­დატ­ვირ­თვის ახა­ლი პო­ლი­ტი­კა და­ი­წყოს, ერ­თა­დერ­თი, რაც აშშ-ს დღის წეს­რიგ­ში დგას და მათ­თვის სას­წრა­ფოდ მო­საგ­ვა­რე­ბე­ლია, ეს ბირ­თვუ­ლი ია­რა­ღის გავ­რცე­ლე­ბის შე­თან­ხმე­ბაა, რო­მელ­საც ვადა გას­დის, მაგ­რამ ნამ­დვი­ლად ვერ ვხე­დავ იმის წი­ნა­პი­რო­ბას, რომ გა­დატ­ვირ­თვის პო­ლი­ტი­კა და­ი­წყოს, თა­ნაც იმ რე­ა­ლო­ბა­ში, რო­დე­საც რუ­სეთს ფაქ­ტობ­რი­ვად, ყვე­ლა წი­თე­ლი ხაზი აქვს გა­დაკ­ვე­თი­ლი და მე მგო­ნი, ყვე­ლა სა­ერ­თა­შო­რი­სო შე­თან­ხმე­ბა აქვს დარ­ღვე­უ­ლი - არა მხო­ლოდ სა­ქარ­თვე­ლოს­თან, უკ­რა­ი­ნას­თან და სხვა ქვეყ­ნებ­თან მი­მარ­თე­ბა­ში, არა­მედ, თა­ვად აშშ-სთან, მხედ­ვე­ლო­ბა­ში მაქვს რო­გორც მისი ჩა­რე­ვე­ბი აშშ-ს შიდა საქ­მე­ებ­ში, ასე­ვე ის ქმე­დე­ბე­ბი, რა­საც ის ახორ­ცი­ე­ლებს იმა­ვე, სი­რი­ა­ში და სხვა სა­ხელ­მწი­ფო­ებ­ში.

სა­ქარ­თვე­ლოს­თან მი­მარ­თე­ბა­ში შე­მიძ­ლია გი­თხრათ, რომ ჯო ბა­ი­დე­ნი და მისი გუნ­დი არაჩ­ვე­უ­ლებ­რი­ვად იც­ნო­ბენ სა­ქარ­თვე­ლოს, არაჩ­ვე­უ­ლებ­რი­ვად იცი­ან ის რე­ა­ლო­ბა და გა­მოწ­ვე­ვე­ბი, რომ­ლის წი­ნა­შეც ჩვენ ვდგა­ვართ. ვფიქ­რობ, მათი პო­ლი­ტი­კის შე­მად­გე­ნე­ლი ნა­წი­ლი იქ­ნე­ბა აქ­ტი­უ­რი კავ­კა­სი­უ­რი პო­ლი­ტი­კაც, მით უფრო, რომ საკ­მა­ოდ კარ­გად იც­ნო­ბენ რუ­სეთს და იცი­ან რუ­სე­თის მზარ­დი ზრახ­ვე­ბი, მისი მცდე­ლო­ბე­ბი, რომ გა­ი­ფარ­თო­ვოს გავ­ლე­ნის სფე­რო­ე­ბი. ასე რომ, ჩემი აზ­რით, ჩვენ­ზე ძა­ლი­ან ბევ­რია და­მო­კი­დე­ბუ­ლი, თუ რამ­დე­ნად კარ­გად გა­მო­ვი­ყე­ნებთ ამ ვი­თა­რე­ბას. კი­დევ ერ­თია ძა­ლი­ან მნშვნე­ლო­ვა­ნი, ჯო ბა­ი­დე­ნი გახ­ლავთ იმ გუნ­დის წარ­მო­მად­გე­ნე­ლი, რო­მელ­მაც სა­ქარ­თვე­ლოს თა­ვი­სუ­ფა­ლი ვაჭ­რო­ბის შე­თან­ხმე­ბის პი­რო­ბა მის­ცა - მა­შინ ბა­ი­დე­ნი ვიცე-პრე­ზი­დენ­ტი გახ­ლდათ. მნიშ­ვნე­ლო­ვა­ნია, ჩვე­ნი აქ­ტი­უ­რო­ბით ამ სა­კი­თხე­ბის გა­მო­ცო­ცხლე­ბა მოხ­დეს. ვი­ტყო­დი, ეს ჩვენ­თვის შან­სია, რომ ძა­ლი­ან აქ­ტი­უ­რად ვი­ყოთ აქ­ტი­უ­რად წარ­მო­ჩე­ნი­ლი ამე­რი­კის სა­გა­რეო პო­ლი­ტი­კა­ში და იმე­დია, ამ შანსს გა­მო­ვი­ყე­ნებთ", - აღ­ნიშ­ნავს ფხა­ლა­ძე.

აბა­ში­ძეს არ ახ­სენ­დე­ბა, ოდეს­მე ჯო ბა­ი­დენს გან­სა­კუთ­რე­ბუ­ლი ინ­ტე­რე­სი გა­მო­ე­ჩი­ნოს სა­ქარ­თვე­ლოს მი­მართ, მი­უ­ხე­და­ვად იმი­სა, რომ მას ქვე­ყა­ნა­ში ვი­ზი­ტი აქვს გან­ხორ­ცი­ე­ლე­ბუ­ლი და იც­ნობს წინა ხე­ლი­სუფ­ლე­ბის მა­ღა­ლი თა­ნამ­დე­ბო­ბის პი­რებს.

"ბა­ი­დე­ნის პი­რა­დი და­მო­კი­დე­ბუ­ლე­ბა ვერ გე­ტყვით, რამ­დე­ნად შეც­ვლის აშშ-ს ზო­გად და­მო­კი­დე­ბუ­ლე­ბას სა­ქარ­თვე­ლო­სად­მი. არც ისეა ბო­ლომ­დე საქ­მე, რომ ამე­რი­კას მთლად მე­ო­რე­ხა­რის­ხოვ­ნად მი­აჩ­ნია სა­ქარ­თვე­ლო ჩვენს რე­გი­ონ­ში სა­კუ­თარ ურ­თი­ერ­თო­ბებ­ში. სა­ერ­თოდ, ლა­პა­რა­კია იმა­ზე, რომ ამე­რი­კის სა­გა­რეო პო­ლი­ტი­კა დრო­თა გან­მავ­ლო­ბა­ში იც­ვლე­ბო­და და ბოლო პე­რი­ოდ­ში უფრო ნაკ­ლე­ბად გლო­ბა­ლის­ტუ­რი ხდე­ბო­და, შე­სა­ბა­მი­სად, ამის ფონ­ზე შე­საძ­ლე­ბე­ლი იყო, ვი­ღა­ცას მოსჩ­ვე­ნე­ბო­და, რომ აშშ-ს აქ­ტი­უ­რო­ბამ სა­ქარ­თვე­ლოს­თან მი­მარ­თე­ბა­ში შე­ფერ­ხე­ბა გა­ნი­ცა­და. თუ ბა­ი­დე­ნის პო­ლი­ტი­კა უფრო გლო­ბა­ლის­ტუ­რი, გლო­ბა­ლუ­რი დე­მოკ­რა­ტი­ის ხმარ­დამ­ჭე­რი იქ­ნე­ბა და რაც მთა­ვა­რია, ან­ტი­რუ­სუ­ლი, ასე ვთქვათ, რუ­სეთ­თან არა დამთმობ პო­ლი­ტი­კა­ზე ორი­ენ­ტი­რე­ბუ­ლი, ამ შემ­თხვე­ვა­ში შეგ­ვიძ­ლია ვი­ვა­რა­უ­დოთ, რომ შე­იძ­ლე­ბა, ჩვენს რე­გი­ონ­ში სა­ქარ­თვე­ლოს მხარ­და­ჭე­რა სხვა­დას­ხვა მი­მარ­თუ­ლე­ბით გაძ­ლი­ერ­დეს. თუმ­ცა, ეს ჯერ კი­დევ კი­თხვის ნიშ­ნის ქვეშ დგას. ამე­რი­კის პრე­ზი­დენ­ტი მხო­ლოდ სა­კუ­თა­რი პი­რა­დი ახი­რე­ბით ვერ გა­და­წყვეტს ქვეყ­ნის სა­გა­რეო პო­ლი­ტი­კის პრი­ო­რი­ტე­ტებს, მათ შო­რის სა­ქარ­თვე­ლოს­თან მი­მარ­თე­ბა­ში, თუ ეს გლო­ბა­ლუ­რად ამე­რი­კუ­ლი სა­გა­რეო პო­ლი­ტი­კის მნიშ­ვნე­ლო­ვა­ნი შე­მად­გე­ნე­ლი ნა­წი­ლი არ იქნა.

თუმ­ცა ვი­ტყო­დი, რომ ბოლო წლებ­ში ამე­რი­კის მხარ­და­ჭე­რა სა­ქარ­თვე­ლოს მი­მართ სხვა­დას­ხვა მი­მარ­თუ­ლე­ბით საკ­მა­ოდ მძლავ­რია, მათ შო­რი­საა ფი­ნან­სუ­რი. ჩემი აზ­რით, ხში­რად სა­ქარ­თვე­ლოს მმარ­თვე­ლი წრე­ე­ბი ამ ყვე­ლა­ფერს არ­ცთუ ისე პრო­დუქ­ტი­უ­ლად იყე­ნე­ბენ. ეს ამე­რი­კელ­თა პა­სი­უ­რო­ბას არ უნდა და­ვაბ­რა­ლოთ, ხში­რად უფრო ჩვე­ნი ნაკ­ლო­ვა­ნე­ბა­ცაა. მო­გეხ­სე­ნე­ბათ, რომ აშშ-ს ელჩი სა­ქარ­თვე­ლო­ში, კელი დეგ­ნა­ნი არ­ჩევ­ნე­ბის დროს საკ­მა­ოდ აქ­ტი­უ­რად და­დი­ო­და, მათ შო­რის იმ­ყო­ფე­ბო­და ქვე­მო ქარ­თლში, სა­არ­ჩევ­ნო თვალ­საზ­რი­სით ერთ-ერთ ყვე­ლა­ზე რთულ რე­გი­ონ­ში, რაც იმის მა­ნიშ­ნე­ბე­ლია, რომ სა­ქარ­თვე­ლო ამე­რი­კის­თვის რე­გი­ო­ნა­ლუ­რი თვალ­საზ­რი­სით მე­ო­რე­ხა­რის­ხო­ვა­ნი ნამ­დვი­ლად არ არის", - აცხა­დებს ზვი­ად აბა­ში­ძე.

იხი­ლეთ ვი­დე­ო­სი­უ­ჟე­ტი