მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
სამშაბათი, მთვარის ოცდამეოთხე დღე დაიწყება 04:49-ზე, მთვარე მერწყულშია
დღეს კარგია ახალი, მნიშვნელოვანი საქმეების დაწყება. ფინანსური საკითხების მოგვარება, ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. გადადეთ ოპერაციები სახსრებზე, ბრმა ნაწლავზე, პროცედურები ფეხებზე, ნერვულ სისტემაზე. კარგი დღეა დასვენებისთვის, შიმშილისთვის. მოერიდეთ ალკოჰოლურ სასმელს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ყვიროდა, მოვკალი, მოვკალიო", - რას ჰყვებიან 11 წლის თერჯოლელი ბიჭის მეზობლები და და, რომელსაც მოზარდი გარდაცვალებამდე ნახევარი საათით ადრე ესაუბრა
12:23 / 30-08-2020
თერჯოლაში გარდაცვლილი 11 წლის ავთო აბჟანდაძის მეზობლები "ნოდარ მელაძის შაბათთან“ ჰყვებიან, რომ შვილის თვითმკვლელობამდე მიყვანის ბრალდებით დაკავებული მამაკაცი ცოლს დაქორწინების დღიდან სცემდა. ასევე, იხსენებენ, რომ ტრაგედიის დღეს გაიგონეს, როგორ ყვიროდა ის "მოვკალი, მოვკალიო".
"ეს პირველი კი არ იყო, ცოლს სულ ურტყამდა, მოყვანის დღიდან, დედამისს ჰკითხეთ, გოგოს დედას, სულ ურტყამდა. (ცოლი) წავიდოდა, მოვიდოდა, წავიდოდა მოვიდოდა, წაიყვანდა ბავშვებს... ბოლოს, ეს პატარა ბიჭი რომ გააჩინა, დაეწვათ ბოსელი. ოჯახი უსახსრო გახდა და ქალი იძულებული გახდა წასულიყო. დატოვა წლინახევრის ბავშვი და წავიდა ეს გოგო, მაგრამ მის მერე გზავნიდა ფულებს და კი ხედავთ მის სახლ-კარს“, - ამბობს ოჯახის ერთ-ერთი მეზობელი.
მისივე თქმით, ბოლოს ქალს ქმრისთვის უთქვამს, რომ ფულს ვერ გამოუგზავნიდა, რადგანაც ბავშვს რაღაცის ყიდვას დაჰპირდა და ამისთვის აგროვებდა.
"მერე უთქვამს ამ ქალს, მე შენ ფულს ვერ გამოგიგზავნიო, იმიტომ რომ ბავშვს რაღაცას შევპირდი, იმას უნდა ვუყიდოო და ამას უთქვამს, შენ ფულს თუ არ გამომიგზავნი, ბოლოჯერ დაინახე შენი შვილიო. ამის მეტად შენს შვილს ვეღარ ნახავ, ამით გაგამწარებო“ - ამბობს გარდაცვლილის მეზობელი.
11 წლის ბიჭის და, თიკო აბჟანდაძე კი იხსენებს, რომ დაახლოებით ნახევარი საათით ადრე, სანამ ტრაგედიის შესახებ შეატყობინებდნენ, ის ძმას ტელეფონით ესაუბრა.
„ჩემმა ძმამ დამირეკა, როგორ ხარ დაიკოო, ხომ კარგად ხარო, დიშვილები ხომ კარგად არიანო, შენ ხომ ხარ კარგად-მეთქი? და კიო, კარგად ვარო. კარგი აბა, კარგად იყავიო და გამითიშა. მერე არ გასულა ნახევარი საათი, რეკავენ, შენმა ძმამ თავი ჩამოიხრჩოო“, - იხსენებს თიკო აბჟანდაძე.
გარდაცვლილის ბიძა, ავთო რობაქიძე კი, რომელიც ასევე ოჯახის მეზობლად ცხოვრობს, ჰყვება, რომ ტრაგედიის დღეს ბავშვის ბებიის ყვირილის ხმა გაიგო. ქალი მეზობლებს შველას სთხოვდა, თუმცა, როგორც ირკვევა, ის გარდაცვლილი ბიჭის მამამ, ფრიდონ აბჟანდაძემ გააჩუმა. რის შემდეგაც, რამდენიმე წუთში მეზობლებმა უკვე მამის ყვირილის ხმა გაიგონეს, რომელიც ამბობდა, რომ შვილი თავად მოკლა.
"თურმე ყვიროდა ამას, მოვკალი, მოვკალი, მოვკალიო...მოკვდა, მოკვდა, მოკვდაო“, - ამბობს გოჩა რობაქიძე.
თერჯოლაში 11 წლის ბავშვი პოლიციამ ხეზე ჩამომხრჩვალი იპოვა. შვილის თვითმკვლელობამდე მიყვანის და მასზე ძალადობის ბრალდებით ბავშვის მამაა დაკავებული.
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როგორც ყოველთვის, მელაძის ინფორმაცია ბუნდოვანი და გაუგებარია...
მამასთან ერთად ყველა დამნაშავეა ამ ბავშვის სიკვდილში. ყველა! ვინც იცოდა და ხმას სრ იღებდა