მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"წამლები მივუტანეთ, ლობიანებით გაგვიმასპინძლდა... ამდენს რისკავთო და დაგვლოცა" - რას ჰყვება სტიქიის ზონაში მომუშავე მაშველი, რომელმაც ემოციური ვიდეო გადაიღო
11:55 / 01-08-2020
რაჭაში ერთბაშად მოსული უხვი ნალექის გამო ადიდებულმა მდინარეებმა რამდენიმე სოფელში ინფრასტრუქტურა დააზიანა. წყალმა ხეებთან ერთად, მოგლიჯა და წაიღო საავტომობილო გზის ნაწილი, ხიდები, ელექტროგადამცემი ბოძები...
შს სამინისტროს საგანგებო სიტუაციების მართვის სამსახურის ცნობით, სტიქიის ზონიდან, ვერტმფრენებით 417 ადამიანი გამოიყვანეს. ამასთან, საგზაო ინფრასტრუქტურის აღდგენამდე ხიდეშლები-მაჟიეთი, ჯინჭვისი-გომი და ჟამიერეთის მონაკვეთებზე საბაგირო მაგისტრალები მოეწყო. სპეციალური აღჭურვილობის საშუალებით სოფლებში ჩარჩენილ მოსახლეობას პირველადი მოხმარების საგნები და საკვები პროდუქტები მიაწოდეს.
მთავრობის ინფორმაციით, 4 სოფელთან კავშირის სრულად აღსადგენად მინიმუმ ერთი თვე იქნება საჭირო... ორშაბათამდე კიდევ 2 სოფელთან აღდგება კავშირი. ასევე, მალევე იგეგმება კიდევ რამდენიმე მოქალაქის უსაფრთხო ადგილში გადაყვანა, რადგან არსებობს ღვარცოფის საშიშროებაც. ადგილზე მუშაობს მაშველთა ბრიგადაც.
სწორედ ერთ-ერთი მაშველის მიერ სტიქიის ზონაში გადაღებულმა ვიდეომ გუშინ სოციალური ქსელი მოიცვა. კადრებში ჩანს რაჭველი მოხუცი, რომელმაც სამაშველო სამსახურის თანამშრომლებს მადლიერების ნიშნად ლობიანები მიართვა.
AMBEBI.GE ვიდეოს ავტორს, საგანგებო სიტუაციების მართვის სამსახურის ცვლის უფროს ელიზბარ კოპალიანს ესაუბრა:
- რამდენიმე დღეა ონის რაიონის სოფელ უწერაში ვართ, რომელიც ცხელ წერტილად ითვლება. საკმაოდ მძიმე სურათი დაგვხვდა - მოგლეჯილი იყო ხეები, წაღებულია ხიდები, სოფლებსა და მუნიციპალიტეტებს შორის დამაკავშირებელი გზები, საყანე მიწები, ელექტრობოძები, კოტეჯები, სახლებს გამოცლილი ჰქონდა საძირკვლები...
სამაშველო სამსახურის თანამშრომლებმა სტიქიის შედეგად ჩარჩენილი ადამიანები ოპერატიულად გამოვიყვანეთ, ვისი გამოყვანაც ვერ ხერხდებოდა, მათ სიცოცხლისთვის აუცილებელი პროდუქტები და მედიკამენტები მივუტანეთ. სტიქიის მიერ დაზიანებული ინფრასტრუქტურის გამო, მათთან კომუნიკაცია ძირითათად, თოკებით გვიწევდა...
იქ ჩარჩენილები იყვნენ ასევე "ენერგოპროსა" და სხვა უწყების ის თანამშრომლებიც, ვინც გადაუდებელ სამსახურებრივ დავალებას ასრულებდნენ და სტიქიამ მოუსწრო.
მიუხედავად იმისა, რომ ახლაც სტიქიის შემდგომი პროცესები მიმდინარეობს, მდინარე რიონის ერთი ნაპირიდან მეორეზე, ფაქტობრივად, უწყვეტ რეჟიმში გადაგვყავს ადამიანები. ასევე, მდინარის მიღმა დარჩენილებს, თავიანთი ახლობლები და ნათესავები უგზავნიდნენ საჭირო ნივთებს და პროდუქტს. წყალმა კი დაიკლო, მაგრამ კალაპოტს ჯერ არ დაბრუნებია.
- რა ხდება იმ ადგილას, სადაც თოკების გადაჭიმვა ვერ ხერხდება, როგორ უკავშირდებით მდინარის გაღმა მყოფებს?
- ვერტმფრენით, რომელიც მუდმივ რეჟიმში დაფრინავს ჩვენს თავზე და ნებისმიერ დროს მზად არის, იქ მყოფ ადამიანებს დაეხმაროს.
- ვიდეოს, რომელშიც მოხუცი ქალი მაშველებს ლობიანებით უმასპიძლდება, უამრავი ნახვა აქვს. როგორ იპოვეთ ის?
- თუ იქაურობას წითელ, ყვითელ და მწვანე ზონებად დავყოფთ, ის წითელ ზონაშია. მისი სახლი დგას, სახლამდე მისასვლელი გზაც არ არის წაღებული, მაგრამ სტიქიით დაზიანებულ ადგილებთან ეს ოჯახი ძალიან ახლოს არის. მას და მის შვილს აუცილებელი მედიკამენტები სჭირდებოდათ, რადგან მკურნალობის კურსს გადიან და დაგვიანება არ შეიძლებოდა.
მოხუცმა ერთი დღით ადრე გაგვაფრთხილა, შეიძლება ხვალ თქვენი დახმარება დამჭირდესო, ჩვენც თადარიგი დავიჭირეთ და თოკებით მივაწოდეთ... მაშინ გაუმასპინძლდა ის გულიანი ბებო ჩვენს ბიჭებს ცხელი ლობიანებით, ამდენს რისკავთ და შრომობთო, გვითხრა და დალოცა. სწორედ მაშინ გადავიღე ის ვიდეო.
მხოლოდ ის მოხუცი და მისი შვილი კი არა, სხვებიც არიან იქ, მუდმივი მაცხოვრებლები და ზოგს ჯანმრთელობის პრობლემა აქვს. ყველა მათგანთან მუდმივი კავშირი გვაქვს და ყველაფერს ვაწვდით, ეს იქნება მედიკამენტი თუ სანთელი, რადგან ელექტრობოძები მოწყვეტილია და მათი აღდგენა ეტაპობრივად მოხდება.
უკვე მიმდინარეობს დროებითი სამანქანო გზის აღგდენითი სამუშაოები, რათა ადგილობრივებმა თავად შეძლონ გადაადგილება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
