"არის საშიშროება" - რატომ არ ეთანხმება Microsoft-ის დამფუძნებელი ბილ გეითსი სკოლების გახსნას?

კომპანია Microsoft-ის თანადამფუძნებელი ბილ გეითსი აცხადებს, რომ სკოლების გახსნასთან დაკავშირებული ერთ-ერთი რეალური პრობლემა კოვიდ 19-ის ხანდაზმულებში გავრცელების საშიშროებაა.

“რეალური პრობლემა ჩნდება, ვინაიდან ინფექცია ხანდაზმულებთან კავშირში ხვდება. მაგალითად, თუკი პედაგოგი 65 წელს გადაცილებულია, ან ბავშვი ცხოვრობს ოჯახში უფროსი თაობის წარმომადგენლებთან ერთად, რთულია, ბავშვისა და მოხუცების ერთმანეთისგან იზოლირება მოახდინო“,- განაცხადა ბილ გეითსმა.

ცნობისათვის, აშშ-ის დაავადებების კონტროლისა და პრევენციის ცენტრმა გუშინ ახალი გაიდლაინები გამოაქვეყნა, სადაც აღნიშნულია, რომ ადგილობრივი ხელისუფლების წარმომადგენლებმა სკოლები მხოლოდ იმ შემთხვევაში უნდა დატოვონ დახურული, თუკი კორონავირუსის გავრცელება უკონტროლოა.

• რა პასუხი აქვს ბილ გეითსს შეთქმულების თეორიაზე, რომ თითქოს კორონავირუსის ვაქცინით "მსოფლიოს ჩიპირებას" გეგმავს