მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჰაერზე გავიდა... როდესაც სიგარეტის მოწევას იწყებს, უკნიდან სხვა პირები ურტყამენ" - რას ყვება შაქარაშვილის საქმის ერთ-ერთი მოწმის ადვოკატი
13:11 / 19-07-2020
გიორგი შაქარაშვილის გარდაცვალების საქმის ერთ-ერთი მოწმის არასრულწლოვნის ნ.ხ-ს ადვოკატი ანა ჟღენტი აცხადებს, რომ მისი დაცვის ქვეშ მყოფი ვერ იხსენებს, ვინ სცემა, რადგან ინციდენტი ღამით მოხდა, ახალგაზრდები ნასვამ მდგომარეობაში იმყოფებოდნენ და არასრულწლოვანი აღნიშნულ პირებს არ იცნობს.
როგორც ადვოკატმა დღევანდელ პრესკონფერენციაზე განმარტა, მისი დაცვის ქვეშ მყოფმა გიორგი შაქარაშვილის გაუჩინარების შესახებ ტელევიზიით შეიტყო.
„ჩემი დაცვის ქვეშ მყოფი ანა გაბეჩავას სკოლელია, ის დაბადების დღეზე დაპატიჟეს, სადაც მოგვიანებით მივიდა. იქ იყვნენ ისეთი ადამიანები, რომლებსაც არ იცნობდა, თუმცა ნაცნობებიც იყვნენ. ჩემი დაცვის ქვეშ მყოფი გოგონებთან ერთად იჯდა, მოპირდაპირე მხარეს მცირედი შელაპარაკება მოხდა, მაგრამ მნიშვნელოვანი არც ჩხუბი იყო და არც კამათი. შემდგომში იგი ადგა, რომ რამე პრობლემა არ შექმნილიყო ჩხუბის სახით და უბრალოდ, ჰაერზე სიგარეტის მოსაწევად გავიდა. ამ დროს მას წინ ხვდებიან პირები და როდესაც ეს სიგარეტის მოწევას იწყებს, უკნიდან კიდევ სხვა პირები ურტყამენ (კიბის ეპიზოდზეა საუბარი).
რაც შეეხება ამ პიროვნებების ამოცნობას, ნამდვილად არ იცნობს. გარდა ამისა, ყველამ ვიცით, რომ ახალგაზრდები ნასვამები იყვნენ, გვიანიც იყო და ბუნებრივია, ვერც იხსენებს, ვინ იყვნენ ის პიროვნებები. მინდა გითხრათ, რომ პირველი გამოკითხვა ადვოკატის გარეშე მოხდა და აღნიშნულის გათვალისწინებით, ვერც დარიგებული იქნებოდა. მან სრული სიმართლე თქვა. შემდგომში საქმეში მე ჩავერთე. იგი დაზარალებულად სცნეს. მას სხეულზე დაზიანებები ჰქონდა. ცემის შემდეგ მათთან მიდის ჩიქოვანი. ამ შემთხვევაში, ჩიქოვანიც გახდა კამათის მონაწილეც და მას მიაყენეს დაზიანება, კერძოდ კი, თავის არეში. შემდგომში, ჩემი დაცვის ქვეშ მყოფი ნ.ხ და ჩიქოვანი მოდიან უკვე თბილისში. ჩემი დაცვის ქვეშ მყოფს გვიან ასეთ მდგომარეობაში სახლში მისვლა არ უნდოდა, იგი უკავშირდება თავის მეგობარს, მეგობარი დახვდა და წავიდნენ მასთან სახლში“, - განაცხადა ადვოკატმა.
ჟღენტის თქმით, შესაძლოა, მისი დაცვის ქვეშ მყოფი პირი შეცდომით სცემეს. როგორც ადვოკატი აღნიშნავს, საგამოძიებო ორგანოში სავარაუდო დამნაშავეების ამოცნობა არ ყოფილა.
„ამოცნობა არ ყოფილა, მას დაუსვეს კითხვები და ბავშვმა დააფიქსირა, რომ ამ პიროვნებებს არ იცნობდა. თქვა, რომ ფიზიკურად ვერ გაიხსენებდა“, - განაცხადა ადვოკატმა.
როგორც ანა ჟღენტი აღნიშნავს, მისი დაცვის ქვეშ მყოფს ტელეფონი გათიშული ჰქონდა და გიორგი შაქარაშვილის გაუჩინარების შესახებ ტელევიზიით გაიგო. ადვოკატის თქმით, მისი დაცვის ქვეშ მყოფი არასრულწლოვნის მშობლებს ბავშვი არ მოუკითხავთ, რადგან მას ისინი გაფრთხილებული ჰყავდა, რომ დაბადების დღეზე მიდიოდა და ღამით არ მივიდოდა. მისი თქმით, საქმეში ამოღებულია თითქმის ყველა სოციალური ქსელიდან მიმოწერა და მისი დაცვის ქვეშ მყოფის შესაძლო ბრალეულობა არ იკვეთება. ანა ჟღენტი არ გამორიცხავს, რომ საგამოძიებო ორგანოში გამოკითხვაზე კიდევ დაიბარონ, თუმცა, იმასაც აღნიშნავს, რომ მისი დაცვის ქვეშ მყოფს დაზარალებულის სტატუსი სავარაუდოდ, არ შეეცვლება.
„ჩემი დაცვის ქვეშ მყოფი წყნარი ბიჭია, ე.წ. კრიმინალური მენტალიტეტის არ არის“, - აცხადებს ადვოკატი.
იგი იმედოვნებს, რომ საქმეზე სამართლიანი განაჩენი დადგება.
„ამ საქმეზე აუცილებლად დადგება სამართლიანი განაჩენი და განისაზღვრება ეს არის განზრახ მკვლელობა, გაუფრთხილებლობა, თუ ასე შემდეგ. ძალიან ბევრი საქმე გადაყვანილია პოლიტიკურ ჭრილში და ამით უმოწყალოდ სარგებლობს ძალიან ბევრი. ვფიქრობ, ეს საქმის სამართლიანი გამოძიების გამო კი არ ხდება, ეს არის პირდაპირ დაღუპული ადამიანების ოჯახების მორალურად განადგურება. რაც არ უნდა ეცადონ პოლიტიკურ ჭრილში გადაყვანას, გამოძიება ძალიან ნორმალურად მიდის“, - აცხადებს ადვოკატი.
ცნობისთვის, 19 წლის ფეხბურთელის, გიორგი შაქარაშვილის გარდაცვალების საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნეტა გაგვაგებინა, რის გამო წამოიწყეს კამათი. დარწმუნებული ვარ, რომ რაღაც სისულელის გამო და ამხელა უბედურება კი დაატრიალეს.
ვერ გამიგია ვის რაში აწყობს ამ საქმის გაჭიანურება და გაუხსნელობა. ვის აფარებენ ხელებს? ნუთუ აღარაფერი ქრისტიანული დარჩა საქართველოში???ფაქტია რომ დამნაშავე უნდა დაისაჯოს, განა სხვა აზრი არსებობს? რაღა აზრი აქვს საზოგადოებას და სამართალდამცავ ორგანოებს??? რისი გეშინიათ ხალხო???