მნიშვნელოვანი ინფორმაცია
9
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სავარაუდოდ, ეს გარედან შემოსული ინფექციაა" - ლევან გოფოძე კორონავირუსით ინფიცირებული 9 მედიკოსის შესახებ
15:26 / 14-06-2020
წესის დარღვევა, რომელსაც შეეძლო შიდა აფეთქება გამოეწვია, არ ყოფილა. სავარაუდოდ, მედპერსონალის ინფიცირების წყარო გარედანაა, - ამის შესახებ რესპუბლიკური საავადმყოფოს დირექტორმა ლევან გოფოძემ ჟურნალისტებს განუცხადა.
მისი თქმით, კლინიკის მედპერსონალი აღჭურვილობის ყველა დადგენილ წესს მაქსიმალურად იცავდა და სამ თვეზე მეტია კლინიკაში თანამშრომლის დაინფიცირების ფაქტი დადასტურებული არ ყოფილა.
„მედპერსონალის ინფიცირების წყაროს რაც შეეხება, დეტალურად იკვლევს NCDC, ჯერჯერობით საბოლოო დასკვნა არ გვაქვს, თუმცა პირველადი რაც გვითხრეს, ისე იძებნება კონტაქტები, რომ სავარაუდოდ, ეს გარედან შემოსული ინფექციაა. კარგი არც ერთია და არც მეორე, მაგრამ თითქმის სამთვენახევარი ისე გავიარეთ კლინიკამ, რომ 108 პაციენტი გვყავდა მაშინ უკვე კოვიდინფიცირებული და არც ერთი შემთხვევა მედპერსონალის დაინფიცირების არ გვქონია, რითაც ძალიან ვამაყობდით ხოლმე, მაგრამ ბოლომდე მაინც ვერ მივიყვანეთ. აღჭურვილობასთან დაკავშირებით არანაირი პრობლემა არაა და რაც მთავარია, ცვლილებები არ არის, კორონავირუსი შიგნიდან გავრცელდება თუ გარედან შემოვა, მასთან ურთიერთობის წესები არსებობს, რომელიც მსოფლიოს ჯანდაცვის ორგანიზაციის მიერაა დადგენილი. ჩვენთან ეს ყველაფერი პროტოკოლებითაა გაწერილი და ყველა მედპერსონალი იცავს ამ წესს მაქსიმალურად. გვქონდა შიში, რომ რადგან ბოლომდე ვიყავით გასული, ხომ არ მოეშვა მედპერსონალი, თუმცა ახლა როცა ვიკვლევთ, აღმოჩნდა, რომ ისეთი წესის დარღვევა, რომელსაც შეეძლო შიდა აფეთქება გამოეწვია, არ ყოფილა. ჩვენი მედპერსონალი ყოველთვის ყველა დამცავი საშუალებით იყო უზრუნველყოფილი, ხანდახან ზედმეტადაც კი იცვამდნენ სკაფანდრებს იქ, სადაც არ იყო საჭირო“, - განაცხადა გოფოძემ.
ცნობისთვის, კორონავირუსი რესპუბლიკური საავადმყოფოს კიდევ სამ მედპერსონალს დაუდასტურდა და კლინიკაში სულ 9 მედიკოსია ინფიცირებული.
გოფოძის განცხადებით, გუშინ კორონავირუსზე 80 მედპერსონალის ტესტირების პასუხი მიიღეს და სამ მათგანს კორონავირუსი დაუდგინდა.
როგორც მან ჟურნალისტებს განუცხადა, ამჟამად კლინიკაში სამედიცინო პერსონალის 9 წარმომადგენელს აქვს დადასტურებული კოვიდ-19.
ამასთან, ლევან გოფოძის თქმით, ერთი პაციენტი მართვით სუნთქვაზეა, ხოლო ორის ჯანმრთელობის მდგომარეობა საყურადღებოა.
„სულ გვყავს 9 პაციენტი, ჩვენი კოლეგა, რომლებსაც კოვიდინფექცია დაუდასტურდათ. საბედნიეროდ, ყველა მათგანის მდგომარეობა დამაკმაყოფილებელია.
რაც შეეხება ერთ მძიმე პაციენტს, რომელიც ჩვენთან მართვით სუნთქვაზეა, მისი მკურნალობა გრძელდება. შედარებით სტაბილურად არის, თუმცა კვლავ კრიტიკულ მდგომარეობაში რჩება.
გარდა ამისა, გყვავს ორი საყურადღებო პაციენტი, რომლებსაც პერიოდულად სჭირდებათ მაღალი წნევით ჟანგბადის მიწოდება, პნევმონია აქვთ. თითქმის დავასრულეთ თანამშრომლების, მთელი ჩვენი გუნდისთვის ტესტირების ჩატარება, მათ შორის მედპერსონალისა და ადმინისტრაციული ნაწილის. გუშინ მედპერსონალის 80 ანალიზის პასუხი მივიღეთ და იქედან სამი დადასტურდა მხოლოდ. დანარჩენი ყველა უარყოფითია. რაც შეეხება ინფიცირების წყაროს, ეს ჩვენთვისაც ძალიან მნიშვნელოვანი საკითხია - შიდა გავრცელებაა თუ გარედან. ჯერჯერობით საბოლოო დასკვნა არ გვაქვს, თუმცა პირველადი ინფორმაციით, რაც გვითხრეს, ისე იძებნება კონტაქტები, რომ სავარაუდოდ, გარედან შემოსული ინფექციაა“, - განაცხადა გოფოძემ.
შეგახსენებთ, Covid-19 შიდა ქართლში კიდევ ერთ პირს დაუდასტურდა. კასპის მუნიციპალიტეტის სოფელ მეტეხში მცხოვრები ინფიცირებული ქალი თბილისის რესპუბლიკური საავადმყოფოს სანიტარია.
მუნიციპალიტეტის მერის წარმომადგენლის, სოსო მარღიშვილის ინფორმაციით, კორონავირუსული ინფექციის დადასტურებამდე, რესპუბლიკური საავადმყოფოს სანიტარი თვითიზოლაციაში იმყოფებოდა. მისივე ინფორმაციით, ამ წუთებში, სოფელ მეტეხში ეპიდემიოლოგები მუშაობენ და მიმდინარეობს შესაბამისი კვლევები.
შიდა ქართლში, ბოლო რამდენიმე დღის განმავლობაში, კოვიდინფიცირების 6 შემთხვევა დადასტურდა. ინფიცირებულ პირებთან კონტაქტში მყოფი 60-ზე მეტი ადამიანი კი თვითიზოლაციაში იმყოფება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
