პრემიერი უძრავი ქონების გარეშე - როგორია გიორგი გახარიას ფინანსური მდგომარეობა და რა წერია დეკლარაციაში
"რაღაც მეც გავყიდე, რაღაც ნაწილში მეც ვღარიბდები...", - ასე უპასუხა პრემიერ-მინისტრმა ჟურნალისტების კითხვას, რომელიც მის ქონებრივ დეკლარაციას ეხებოდა.
გიორგი გახარიას თქმით, ქონებრივი დეკლარაცია უკიდურესად მნიშვნელოვანი დოკუმენტია, რომელიც დეტალურად აქვს შევსებული. კითხვაზე: გაღარიბდა თუ არა 2015 წლის შემდეგ, გახარიამ დადებითი პასუხი გასცა.
"მე ამისთვის ყოველთვის მზად ვიყავი, იმიტომ, რომ ვემსახურები ამ ქვეყანას. რაც შეეხება კითხვას, მოსახლეობა გაღარიბდა თუ არა, მოსახლება არა. მოსახლეობას უჭირს, რა თქმა უნდა, და ამას არავინ უარყოფს. არ არის მორალური, როცა ასეთ კითხვას ღიმილით სვამთ, ესეც ამორალურია. ყველანაირი პირადულის გარეშე. სპეკულირება მოსახლეობის სიღარიბით ჩემთვის მიუღებელია,"- აღნიშნა გიორგი გახარიამ.
როგორია პრემიერის ფინანსური მდგომარეობა და რა წერია მის ქონებრივ დეკლარაციაში, ამის შესახებ "ბიზნესპრესნიუსი" წერს.
დეტალი, რომელიც მედიას თვალში ხვდება არის ის, რომ 2020 წლის 30 მაისს შევსებული ქონებრივი დეკლარაციის მიხედვით, გიორგი გახარია უძრავ/მოძრავ ქონებას არ ფლობს.
მისმა შემოსავალმა, პრემიერის პოსტზე 2019 წლის სექტემბერ-დეკემბერში 12 854 ლარი; ხოლო იქამდე შს მინისტრის პოსტზე - 41 986 ლარი შეადგინა. რაც შეეხება მის ფინანსურ მდგომარეობას, დეკლარაციის შევსების მომენტში, საბანკო ანგარიშზე 99 ლარი ჰქონდა.
რაც შეეხება მის მეუღლეს, დეკლარაციის მიხედვით, ის ფლობს მსუბუქ ავტომობილს - ტოიოტა RAV4-ს, რომელიც 2016 წელს აქვს შეძენილი. მასვე დეკლარაციის შევსების მომენტში საბანკო ანგარიშებზე - 1 161 ლარი; 553 396 დოლარი და 393 ევრო ჰქონდა. მისმა შემოსავალმა გასულ წელს ავერსის ცენტრალურ კლინიკაში ექიმი-ბაქტერიოლოგის პოზიციაზე 10 175 ლარი შეადგინა. ასევე მისმა წლიურმა გასავალმა უძრავი ქონების ქირავნობის ხელშეკრულების საფუძველზე - 6 500 ლარი შეადგინა...წაიკითხეთ სრულად
პრემიერი გიორგი შაქარაშვილის საქმეს ეხმაურება
LIVE "ნიუსრუმიდან" - ეკა ბესელია
