თბილისში ყვავი 5 ადამიანს დაესხა თავს

თბილისში რამდენიმე ადამიანს ყვავი დაესხა თავს. შემთხვევის შესახებ AMBEBI.GE-ს თვითმხილველმა უამბო. შემთხვევა დღეს კოსტავას ქუჩაზე მოხდა.

უცნობია, რა გახდა ფრინველის აგრესიის მიზეზი, თუმცა ცნობილია, რომ დაშავებულებმა თავდასხმის დროს მსუბუქი დაზიანებები მიიღეს.

ჩვენი ინფორმაციით, დაშავებულები "ნიუ ჰოსპიტალში" გადაიყვანეს. კლინიკაში AMBEBI.GE-ს დაუდასტურეს შემთხვევის შესახებ. მათივე ინფორმაციით, ყვავის თავდასხმის დროს დაზარალებულები, უკვე გაწერეს:

"5 პირს დააცხრა ყვავი. მათ მიიღეს მსუბუქი დაზიანებები. ჩვენს კლინიკაში გაეწიათ შესაბამისი სამედიცინო დახმარება. მათი მდგომარეობა ამჟამად დამაკმაყოფილებელია და გაწერილები არიან ბინაზე" - განუცხადეს AMBEBI.GE-ს "ნიუ ჰოსპიტალში".