!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
_2018-05-22_2V2HE47HxCTo7.jpg)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ძლივს საქართველოში წიგნს დაუბრუნდა მკითხველი, ამის შეზღუდვა შეიძლებოდა?" - ინტერნეტის რეაქციები "ბიბლუსისთვის" ონლაინ გაყიდვების შეჩერებაზე
09:32 / 14-04-2020
წიგნების მაღაზიათა ქსელს "ბიბლუსი" და მის ჯგუფში შემავალ კომპანიებს ეკონომიკის სამინისტრომ ონლაინ გაყიდვების გაგრძელების ოფიციალური ნებართვა ჯერჯერობით არ მისცა, რის შესახებაც "ბიბლუსის" "ფეისბუქის" გვედზე გამოქვეყნებულ პოსტს მკითხველის მძიმე რეაქცია მოჰყვა.
როგორც კომპანიამ საკუთარ გვერდზე გამოქვეყნებულ პოსტში განმარტა, იმის გამო, რომ ეკონომიკური საქმიანობის გაგრძელების საშუალება არ ეძლევათ, უწევთ რეორგანიზაციის დაწყება, რაც ფილიალების შემცირებაშიც აისახება. ამის გამო, მომხმარებლებმა კომენტარებში უკმაყოფილება და შეშფოთება გამოთქვეს და ისურვეს, "ბიბლუსმა" ჩვეულ რეჟიმში გააგრძელოს საქმიანობა.
"მათემატიკის რვეული ძლივს ვიშოვე დიღომში,რა უბედურებაა. ხალხი სახლში ზის, დრო აქვს უამრავი წიგნი წაიკითხოს და ამის საშუალებასაც გვართმევენ. გელოდებით";
"ძლივს საქართველოში წიგნს დაუბრუნდა მკითხველი და ახლა ამის შეზღუდვა შეიძლებოდა? წიგნი მალფუჭებადი და იმპორტირებული პროდუქტი არაა, რომ საშიშროებას შეიცავდეს. გამომცემლებზე, მწერლებზე, მკითხველზე ხომ უნდა იფიქროს მთავრობამ? ყოველი ფეხის ნაბიჯზე მზა საკვების მიწოდების რეკლამებია. რა ამბავია ამდენი აქცენტი ჭამა-სმაზე?! მართლა თათქარიძეები ხომ არ ვართ?“;
"ბიბლუსი" - ახლა, ამ სიტუაციაში ძალიან მაკლია თქვთან სტუმრობა და წიგნის ყიდვით განცდილი კმაყოფილება“;
„სენაკის ფილიალს არავითარ შემთხვევაში არ უნდა შეეხოს. ასევე ვისურვებდი ყველა ფილიალი დარჩეს ხელუხლებელი“;
"ასეთ პერიოდში წიგნები იკითხეთო და ამის საშუალებაც მოგვისპეს... კაი რაა" - წერენ მოვლენით შეწუხებული „ფეისბუქ“ მომხმარებლები, თუმცა ჯერჯერობით უცნობია, რა ბედი ელის ქსელის ფილიალებს და აღუდგენს თუ არა ეკონომიკის სამინისტრო კომპანიას ელექტრონული კომერციის მეშვეობით ოპერირების გაგრძელების უფლება.
დღეისთვის, მთელი ქვეყნის მასშტაბით, "ბიბლუსი" 63 ფილიალს აერთიანებს, თუმცა რეორგანიზაციის გამო, შესაძლებელია, თბილისსა და რეგიონების ნაწილში მათი რაოდენობა მკვეთრად შემცირდეს. შესაბამისად, კომპანია ოპერირებას დიდი დანაკარგებით გააგრძელებს, მოქალაქეებს კი მრავალფეროვან ლიტერატურასა და საკანცელარიო ნივთებზე არჩევანის ხელმისაწვდომობა შეუმცირდებათ.
ამასთან, "ბიბლუსს" წლების განმავლობაში, 100-ობით თანამშრომელი ჰყავდა დასაქმებული და უქმნიდა სტაბილურ სამუშაო გარემოს, თუმცა შექმნილი ვითარებიდან გამომდინარე, „ბიბლუსი ჯგუფში“ შემავალი კომპანიების საქმიანობა პარალიზებულია და უცნობია, რამდენად შეძლებს ის ყველა თანამშრომლის სრულად შენარჩუნებას და გამოწვევებთან მინიმალური დანაკარგებით შეხვედრას.
იმის გამო, რომ COVID-19-ის პანდემიამ მსოფლიოს წამყვანი ეკონომიკები ფაქტობრივად გააჩერა, ისინი კრიზისიდან გამოსვლის გეგმას ქმნიან. მათ შორის, იტალია, ვირუსთან ბრძოლის პარალელურად, ბიზნესის ხელშეწყობად ღონისძიებების გატარებასაც იწყებს. როგორც საქართველოს მთავრობის წევრები აცხადებენ, ბიზნესის ხელშეწყობა იგეგმება ჩვენს ქვეყანაშიც.
კონკრეტულად, უმძიმეს მდგომარეობაში მყოფ იტალიაზე რომ გავამახვილოთ ყურადღება, ხელისუფლება ცდილობს, მოსახლეობასა და ბიზნეს სექტორს, როგორც საბანკო შეღავათებით, ისე სხვადასხვა მნიშვნელოვანი ობიექტის ფუნქციონირების გაგრძელებითაც შეუწყოს ხელი.
იტალიის მთავრობამ განიხილა გეგმა, რომლის თანახმადაც, თუ უსაფრთხოების ყველა წესს დაიცავენ, შესაძლოა, წიგნებისა და საკანცელარიო მაღაზიების, ახალშობილების ტანისამოსისა და სხვა მსგავსი პროფილის მქონე კომპანიების ფუნქციონირება აღდგეს. აღსანიშნავია, რომ ქვეყანაში ყველა სექტორი მუშაობის საგანგებო რეჟიმზეა გადასული.
რატომ არის კითხვა მნიშვნელოვანი თვითიზოლაციის დროს?
ჩვეულ რეჟიმში ფუნქციონირებისას "ბიბლუსს" რომ მაღაზიების შემცირების გადაწყვეტილება მიეღო, შესაძლოა, მომხმარებლებისგან საპასუხოდ ისევ მძიმე რეაქცია მიეღო, თუმცა დღეს, როცა წიგნების წასაკითხად მეტი დრო გვაქვს, ეს ფაქტი უფრო შემაშფოთებლად იქნა აღქმული.
ბევრი ადამიანისთვის, ძირითადი თავშესაქცევი იზოლაციის დროს წიგნის კითხვაა. შესაბამისად, პანდემიის პერიოდში მასზე მოთხოვნა გაიზარდა და იმისათვის, რომ წიგნი ხელმისაწვდომი იყოს, სხვადასხვა ქვეყნის ხელისუფლება და მოსახლეობაც, ელექტრონულ კომერციას უწყობენ ხელს.
"სასექსის უნივერსიტეტის" მიერ ჩატარებულმა 2009 წლის კვლევამ დაადასტურა, რომ კითხვის პროცესი სტრესს 68%-ით ამცირებს. ეს კი ხდება იმიტომ, რომ წიგნის გადაშლის შემდეგ, სხვა სამყაროს გაცნობას იწყებ, სხვა მოვლენებისა და სხვა ადამიანების განცდების შესახებ კითხულობ და საკუთარი პრობლემები აღარც კი გახსენდება.
„ბიბლუსში“ აღნიშნავენ, რომ მას შემდეგ, რაც ფილიალებმა ფუნქციონირება შეაჩერა კომპანია სრულად გადავიდა ელ-კომერციაზე, ცხადია, ზოგადად, გაყიდვები არ გაზრდილა, მაგრამ წიგნებსა და კრაფტზე საკმაოდ მაღალი მოთხოვნა დაფიქსირდა, რასაც ხელი საქართველოს მასშტაბით მიტანის უფასო სერვისმაც შეუწყო.
ჯერჯერობით უცნობია, როგორ დაძლევს არსებულ გამოწვევებს საქართველოს ყველაზე მსხვილი წიგნის მაღაზიათა ქსელი, თუმცა როგორც კომპანიის წარმომადგენლები, ისე მომხმარებლები იმედოვნებენ, რომ ეს პროცესი ორივე მხარისთვის მინიმალური დანაკარგებით წარიმართება.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წიგნი არის ყველაზე ერთგული და საინტერესო მეგობარი.რაც უფრო ბევრი მიხვდება ამას,მით უფრო უკეთესი იქნება ჩვენთვისვე.
გუშინ ვარანცოვზე, გორკის და მიმდებარე ქუჩებზე დილით ჯართის მანქანის დინამიკმა შეგვაწუხა.მათ განა აქვთ ეკონ. საქმ .უფლება? ნიღაბი მაინც ეკეთოთ!