მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩინეთი ბევრად ძლიერი იქნება, ყველა დანარჩენი კი გადარჩენისთვის იბრძვის" - მეთიუ ბრაიზა მსოფლიო პოლიტიკაში მოსალოდნელ ცვლილებებზე
08:09 / 09-04-2020
მსოფლიო წესრიგი, რომელიც ადამიანის ცხოვრების და საქმიანობის სხვადასხვა ასპექტს მოიცავს, დღესდღეობით მთლიანად კორონავირუსს ექვემდებარება. უზარმაზარმა ცვლილებებმა შესაძლოა, პანდემიის დამარცხების შემდეგაც დატოვოს კვალი.
პოლიტიკაზე სახელმწიფოებრივი ორგანიზაციების ინტეგრაცია; ამერიკის შეერთებული შტატები, როგორც მსოფლიოს ლიდერი სახელმწიფო, თავისუფალი მიმოსვლა და საერთოდ, გლობალიზაცია - დგება თუ არა ეს ყველაფერი კითხვის ნიშნის ქვეშ?
ამერიკელი დიპლომატი, აშშ-ის სახელმწიფო მდივნის ყოფილი თანაშემწე მეთიუ ბრაიზა AMBEBI.GE-სთან საუბარში ამბობს, რომ ის, თუ რა კვალს დატოვებს კრიზისი საერთაშორისო ურთიერთობებზე, მის ხანგრძლივობაზეა დამოკიდებული.
- მსოფლიოში არავის, ვინც 102 წელზე ნაკლები ასაკისაა, არ გამოუცდია არაფერი მსგავსი, და არც არავინ იცის, როდის დამთავრდება ეს. დიდი დეპრესიის შემდეგ ყველაზე დიდი ეკონომიკური რეცესიაა სახეზე, შეიძლება, უარესიც. ცხადად ვხედავთ, რომ აშშ-მა მსოფლიო ლიდერობის ყველანაირ როლზე თქვა უარი, ერთის მხრივ - დონალდ ტრამპს ეს არ უნდა და მეორეს მხრივ - მისი და ფედერალური მთავრობის მიერ, კრიზისზე პასუხის აშკარა არაკომპეტენტურობის გამო.
ჩინეთი ბევრად უკეთ გამოიყურება, მიუხედავად იმისა, რომ დაგვიანებული პასუხი ჰქონდათ, ახლა ძლიერ პოზიციაზე არიან, მათივე ეკონომიკით, თან, იმ ყველანაირ აღჭურვილობას აწარმოებენ, რაც ყველა დანარჩენს გვჭირდება
რას ნიშნავს ეს ყველაფერი? რა არის ტრანსატლანტიკური ალიანსი, თუ ევროკავშირი ერთსულოვნებას კარგავს, თუ აშშ არ არის ლიდერი? სულ უფრო მეტი იტალიელი პოლიტიკოსი კითხულობს - რაში გვჭირდება ევროკავშირი, როცა ის არ გვეხმარება, რატომ უნდა ვიყოთ იქ?! არადა ისინი პროევროპელი იტალიელები არიან...
თუ ევროკავშირი რამეს არ მოიფიქრებს საყოველთაო სოლიდარობის საჩვენებლად, მით უფრო, იტალიელებისა და ესპანელებისთვის, მის სამომავლო არსებობას სერიოზული საფრთხე დაემუქრება.
VIDEO: Covid-19, საქართველო და მსოფლიო, მეთიუ ბრაიზას თვალით
მსოფლიო მთლიანად იცვლება! რთულია ივარაუდო, რა იქნება შემდეგ. რაც უფრო დიდი ხანი გაგრძელდება, უფრო ღრმა ფესვები ექნება, ჩინეთი ბევრად ძლიერი იქნება, ყველა დანარჩენი კი გადარჩენისთვის იბრძვის. ეს ჯუნგლების კანონს ჰგავს, ვგულისხმობ, რომ ევროკავშირის და NATO-ს იდეა მთლიანად კოლექტიურ უსაფრთხოებაზე, ურთიერთთანამშრომლობაზე, საერთო ინტერესებზე, კანონებზე დაფუძნებულ ეკონომიკაზეა აგებული.
ახლა კი რა ხდება ჩინეთის მიწაზე? ერთი ქვეყანა შეთანხმებას აღწევს სამედიცინო აღჭურვილობის დიდ რაოდენობაზე, ვიღაც სხვა ჩნდება, პირდაპირი მნიშვნელობით, „ქეშით“ სავსე ჩემოდნით, უხდის ჩინელ მომწოდებელს უფრო მეტს, და იღებს იმას, რაც უახლოესი რეისით სხვა ქვეყანაში უნდა გაეგზავნათ. ყოველდღიურად ასე ხდება და ეს ჯუნგლების კანონია, რადგან ადამიანები პანიკაში არიან.
როცა ხალხი ნაკლებს ფიქრობს თანამშრომლობასა და კოლექტიურ უსაფრთხოებაზე, ფოკუსირებას აკეთებს მხოლოდ საკუთარი თავისა და ქვეყნის დასაცავად, ნაციონალიზმი ძლიერდება, მემარჯვენეობა, ქსენოფობია... არ ვამბობ, რომ ასე მოხდება, მაგრამ ისტორია ერთ საუკუნეზე ნაკლები ხნის წინ ასე განვითარდა: პანდემია, დიდი დეპრესია (პირდაპირ არ უკავშირდებოდა პანდემიას, მაგრამ მაინც), მემარჯვენე ნაციონალიზმის აღორძინება, პროტექციონიზმი, ფაშიზმი, მსოფლიო ომი...
იმედია, ისტორიიდან ვისწავლეთ, ასევე, ვისწავლეთ ოპტიმიზმი და ის, თუ როგორ ვემზადოთ COVID-19-ის მეორე ტალღისთვის, რომელიც ალბათ, შემოდგომაზე დაბრუნდება, და იქნებ, მესამე ტალღისთვისაც უნდა ვემზადოთ...
თუ ვისაუბრებთ საქართველოზე ან სამხრეთ კავკასიაზე, უმაღლესი რანგის ლიდერებისგან ყურადღება აღარ იქნება. ვგულისხმობ იმას, რომ ასე თუ ისე, ახლა მსოფლიოში გეოპოლიტიკა გრძელდება, არა? აშშ-ს შეიარაღებული ძალები ლაპარაკობს იმაზე, რომ სამხედრო ოპერაციას განაახლებს ერაყში, ე.წ. ისლამური სახელმწიფოს წინააღმდეგ, შეიძლება, ირანშიც; ომი კვლავ გრძელდება სირიაში, ლიბიაშიც. ზედაპირის მიღმა, ყველაფერი ეს ხდება, მაგრამ მსოფლიოს "ტოპ" ლიდერები არანაირ ყურადღებას არ აქცევენ.
ასე რომ, ჩვენი თანამშრომლობის დღეები, როდესაც ერთად ვმუშაობდით გეოპოლიტიკურ გეგმაზე, როცა აშშ-ს პრეზიდენტი პირადად ღელავდა საქართველოს თავისუფლებაზე - დამთავრებულია. თუმცა, ეს უკვე დამთავრებული იყო დონალდ ტრამპის დროს და მე ვიტყოდი, ბარაკ ობამას დროსაც კი" - ამბობს მეთიუ ბრაიზა AMBEBI.GE-სთან საუბარში.
00:00 / 00:00
მკითხველის კომენტარები /
24 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამას ისევ ვირუსი მირჩევნია !!
სამაგიეროდ რუსეთი გააგრძელებს! მოსახლეობის ერთი მესამედი ვირუსით რომ დაეღუპოს , მეორე ერთი მესამედი კი შიმშილით ეპიდემიის შემდეგ, იმპერიალისტურ ამბიციებზე უარს მაინც არ იტყვის და მეზობლების კონტროლისა და მათზე ზემოქმედებისათვის ყოველთვის მოიცლის! მთავარია, ამ ხაფანგში კიდევ ერთხელ არ გავყოთ თავი როგორც 1921 წლის თებერვალს და თანაც სავარუდოდ კიდევ უფრო უარესი პირობებით!