მურაბა რომ სასარგებლო იყოს - ყველაფერი, რაც ხილის კონსერვაციაზე უნდა იცოდეთ

ზამთრის პერიოდში, როდესაც ორგანიზმი საჭირო რაოდენობით მრავალფეროვან ხილსა და ბოსტნეულს ვერ იღებს, საჭიროა, ვიტამინებისა და მინერალების დანაკლისის სხვა გზით შევსება. ამ შემთხვევაში არჩევანი მრავალფეროვანი არ არის. საზოგადოებაში ყველაზე პოპულარული კი ხილის მურაბები და კომპოტებია. რადგან ეს ორი პროდუქტი ცოცხალი ხილისგან კეთდება, მიჩნეულია, რომ ისიც ისეთივე სასარგებლოა, როგორც თავად საწყისი ხილი.

რეალურად მურაბებს მართლაც აქვთ სასარგებლო თვისებები, რომლებიც ასე გამოიყურება:

· დადებითად მოქმედებს გუნება-განწყობილებაზე

· შეიცავს ვიტამინებს

· დადებითად მოქმედებს ნივთიერებათა ცვლაზე, ვინაიდან მათში ბევრია უჯრედისი, რომელიც ხარშვისას არ იცვლება

· ზოგიერთი მურაბა, განსაკუთრებით კენკროვანი ხილით მომზადებული, შეიცავს დიდი რაოდენობით C ვიტამინს და ორგანიზმს ვირუსებთან ბრძოლაში ეხმარება

ასეთია მურაბის სასარგებლო თვისებები, თუმცა, სამწუხაროდ, არა ყველა მურაბის. ხშირად გაიგებთ ფრაზას, რომ ოჯახში დამზადებული პროდუქტია და რატომ არ უნდა იყოს სასარგებლო, თუმცა ასეც ხშირად ხდება. მურაბების კონსერვაციის შედეგად მიიღება, რაც არც ისე მარტივი პროცესია და ამ დროს შეიძლება სასარგებლო პროდუქტი მავნედაც კი იქცეს.

„აგროჰაბი“, რომელიც საზოგადოებისთვის ჯანსაღი პროდუქტების მიწოდების ერთ-ერთი მთავარი წყაროა, მომხმარებელს მურაბების, კომპოტებისა და საწებლების 40-მდე დასახელების პროდუქტს სთავაზობს. ხოლო კითხვაზე, თუ როგორ მზადდება სასარგებლო მურაბა, “აგროჰაბის“ ხილ-ბოსტნეულის გადამუშავების ინჟინერ-ტექნოლოგი ცინო ნაცვლიშვილი გვესაუბრება.

„იშვიათია ოჯახი, სადაც რაიმე სახის მურაბა ან კომპოტი არ მზადდება. თუმცა კონსერვაციას, ისევე როგორც ყველაფერს, აქვს თავისი სტანდარტი და ტექნოლოგია, რომლის დაცვაც დიასახლისებს ხშირად უჭირთ. ხილმა უნდა შეინარჩუნოს ყველა სასარგებლო თვისება და გადავიდეს ორგანიზმში. წინააღმდეგ შემთხვევაში თქვენ მიიღებთ უბრალოდ ტკბილეულს, რომელიც შეიცავს ბევრ შაქარს და საერთოდ არ შეიცავს ვიტამინებს. სასარგებლო თვისებების დაკარგვა კი, როგორც წესი,არაწორი დოზირებით ან კონსერვაციის წესების დარღვევის გამო ხდება,“ - განმარტავს ინჟინერ-ტექნოლოგი.

ნაცვლიშვილის განმარტებით, სასარგებლო მურაბის მისაღებად შემდეგი პუნქტების გათვალისწინებაა საჭირო:

· ყველაფერი იწყება ნიადაგიდან. შეიძლება ვიღაცამ იფიქროს, რომ საკუთარ ბაღში მოყვანილი ხილით აკეთებს მურაბას, მაგრამ ეს ბაღი იმდენად ახლოს იყოს გზასთან და დაბიძნურებულ გარემოში მოხდეს მისი მოყვანა, რომ საბოლოოდ ის პროდუქტი სულაც არ იყო სასარგებლო თვისებების მატარებელი. ამიტომ მურაბა უნდა გაკეთდეს ისეთ ფერმაში გაკეთებული ხილისგან, სადაც მიწის ანალიზი ჩატარებულია. შეიძლება ვინმემ სრულიად გაუცნობიერებლად ისეთ ადგილზე დარგას ხეხილი, სადაც ადრე რადიოაქტიური ნარჩენები იყო დაყრილი. სწორედ ამიტომ არის ნიადაგი პირველი პუნქტი.

· ბოლო პერიოდში ხშირად იყენებენ მინერალურ სასუქებს, თუმცა ნიადაგის გამოკვლევის გარეშე არც ამ სასუქის გამოყენება შეიძლება. მხოლოდ იმიტომ, რომ ბევრი მოისხას, სასუქის გამოყენება დაუშვებელია. ასე მოყვანილი ხილით სასარგებლო მურაბას ვერ გააკეთებთ. ამიტომ ბაზარში და გაურკვეველ პუნქტებში შეძენილი ხილის ყიდვა დიდ რისკთან არის დაკავშირებული.

· სასარგებლო მურაბა რომ მიიღოთ, ხეხილი უნდა შეიწამლოს ყვავილობის პერიოდეამდე. წინააღმდეგ შემთხვევაში წამალი ხილზე გადმოვა და მას გულდასმით გარეცხვაც აღარ უშველის. სწორედ ამიტომ ფერმერი უნდა იყოს განათლებული და თავისი საქმის მცოდნე.

· მურაბა გემრიელი რომ იყოს, ხილი მოკრეფამდე ბოლო 3 დღის განმავლობაში არ უნდა იყოს მორწყული. წინააღმდეგ შემთხვევაში მასში წყლის კონცენტრაცია ირღვევა.

· მას შემდეგ რაც დარწმუნდებით, რომ ხილი სანდო ფერმერის მოყვანილია, უკვე მომზადების ტექნოლოგიას, კონსერვაციას აქვს დიდი მნიშვნელობა. აუცილებელია დაიცვათ წყლის და შაქრის კონცენტრაცია. მურაბების ნაწილი, როგორიცაა, კენკროვანები, ერთჯერადი ხარშვით მზადდება. უფრო მაგარ და დიდი ზომის ხილს რამდენჯერმე უნდა დამუშავება. მათი მოხარშვა ოთხჯერადი ან ხუთჯერადი დაყოვნებით უნდა მოხდეს. თუმცა წამოდუღებასაც თავისი წესები აქვს. ადუღება უნდა მოხდეს სწრაფად, მაღალ ცეცხლზე. შემდეგ მასა უნდა ადუღოთ 15-20 წუთის განმავლობაში დაბალ ცეცხლზე. 6-7 საათიანი დაყოვნების შემდეგ კი იგივე უნდა გაიმეოროთ.

„საერთო ჯამში, სასარგებლო მურაბის გაკეთება საკმაოდ რთული პროცესია და ბევრი დეტალის გათვალისწინებას მოითხოვს. სწორედ ამიტომ ანიჭებენ მომხმარებლები უპირატესობას ჩვენს მურაბებსა და კომპოტებს, რომლებიც ადგილობრივად ჭიქებში იყიდება. ჩვენ „აგროჰაბის“ გახსნისთანავე შევქმენით მცირე ზომის საწარმო, რომელიც კეთილსინდისიერ ფერმერებთან თანამშრომლობს და ხილ-ბოსტნეული რეგიონებიდან, სუფთა გარემო პირობებში გაზრდილი ბაღებიდან მოაქვს. ხარისხის კონტროლის საკმაოდ მაღალ სტანდარტებს ვიცავთ და საბოლოოდ, ვიღებთ სასარგებლო და ჯანსაღ პროდუქტს. ჩვენი მიზანი საზოგადოებაში ჯანსაღი კვების პოპულარიზაციაა, სწორედ ამიტომ ვაწარმოებთ მურაბებსაც, რომლებსაც შაქრის ნაცვლად სტევიოზიდით ვაკეთებთ. ეს პროდუქტი სრულიად მისაღებია ბავშვებისთვისაც და დიაბეტით დაავადებულებისთვისაც. ტრადიციულის პარალელურად, ვქნით ახალ პროდუქტებსაც. მაგალითად, ასეთია კივის საწებელი. ვისი ორგანიზმიც ტყემლის მჟავიანობას ვერ იტანს, მათთვის ეს საუკეთესო გამოსავალია. კივის განსაკუთრებულად სასარგებლო თვისებების გამო, აღნიშნული საწებელის გამოყენება მეტად რეკომენდებულია,“ - განმარტავს ცინო ნაცვლიშვილი.

საწებელთან დაკავშირებული კიდევ ერთი საეჭვო საკითხი არის მასში კონსერვანტის გამოყენება. ოჯახებში დამზადებული და ქუჩაში გასაყიდად გამოტანილი საწებლების დიდი ნაწილი სწორედ კონსერვანტით მზადდება, რაც მიზანშეწონილი არ არის. ვინაიდან აგროჰაბის მიმართულება არის ჯანსაღი კვება და ჯანსაღი ცხოვრების წესი , ჩვენი წარმოება უარს აცხადებს კაონსერვანტების გამოყენებას და მომხმარებელს მხოლოდ ნატურალურ პროდუქციას სთავაზობს. ეს უზრუნველყოფილი არის სწორი ტექნოლოგიით, რის შედეგადაც ჩვენი პროდუქციის შენახვის ვადა 2 წლამდე ხანგრძლივდება. პროდუქცია უნდა ინახებოდეს 0-20 °C ტემპერატურაზე, მზის სხივებისგან დაცულ ადგილზე, სადაც ტენიანობა არ უნდა იყოს მაღალი.