მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
BTU AI-ს მხარდაჭერას გაეროს ხელოვნური ინტელექტის და რობოტიკის ცენტრის ხელმძღვანელი უცხადებს
14:50 / 17-01-2020
ჰააგაში გამართული ვიზიტის ფარგლებში, ბიზნესისა და ტექნოლოგიების უნივერსიტეტის მიერ, ქვეყანაში ხელოვნური ინტელექტის განათლებასა და სხვა მოწინავე სექტორებში დანერგვას მხარი დაუჭირა გაეროს ხელოვნური ინტელექტის და რობოტიკის ცენტრის ხელმძღვანელმა, ირაკლი ბერიძემ. ხელოვნური ინტელექტის გარშემო სამეცნიერო კვლევების განხორციელება, სხვადასხვა სექტორში მისი ეტაპობრივი ინტეგრირება, სწავლების პროცესში შესაბამისი გადაწყვეტილებების დანერგვა და ერთიანი სტრატეგიული გეგმის ამოქმედება ის საკითხებია, რომელსაც BTU საერთაშორისო პარტნიორების მხარდაჭერით განახორციელებს.
"მისასალმებელია, რომ აღნიშნული ინიციატივა აკადემიური სფეროდან მოდის. განათლებაში ხელოვნური ინტელექტის გამოყენება ისეთივე სასიკეთო იქნება, როგორც მისი უსაფრთხოებაში, ჯანდაცვასა და სხვა სექტორებში ეტაპობრივი დანერგვა. ამ მიზნისთვის, BTU-ში არსებული ბაზა მნიშვნელოვან როლს შეასრულებს,’’ - განაცხადა გაეროს ხელოვნური ინტელექტის და რობოტიკის ცენტრის ხელმძღვანელმა ირაკლი ბერიძემ.
ინიციატივის განხორციელების მხარდამჭერია ბიზნეს ასოციაცია AI Georgia, რომელიც მსხვილ საერთაშორისო პარტნიორთა ქსელთან ერთად, მუშაობს ხელოვნური ინტელექტის ბიზნეს სექტორში ინტეგრირების და მისი შესაძლებლობების ზრდისთვის ქვეყანაში.
"BTU AI-ს კონცეფციის პრეზენტაციისას ჩვენ განვაცხადეთ, რომ განვახორციელებთ ხელოვნური ინტელექტის მიმართულებით კვლევებს, ავამოქმედებთ მაღალი წარმადობის ტექნოლოგიურ ლაბორატორიას, მოვაწყობთ სამეცნიერო კონფერენციების, სამიტებს და ვორკშოპებს უცხოელი სპეციალისტების მოწვევით, დავნერგავთ ხელოვნურ ინტელექტს სწავლების პროცესში. მოხარული ვართ, რომ დასახული მიზნების მიღწევაში მხარდაჭერა გაეროს ხელოვნური ინტელექტის ცენტრმა აღგვითქვა,’’ განაცხადა BTU AI-ს დამფუძნებელმა, ბიზნესისა და ტექნოლოგიების უნივერსიტეტის სამეთვალყურეო საბჭოს თავმჯდომარემ მიხეილ ბატიაშვილმა.
"მომდევნო 10 წლის განმავლობაში ხელოვნური ინტელექტი სრულად შეცვლის ორგანიზაციებში მიმდინარე პროცესებს. ეს პროცესი სამეცნიერო კვლევებით უნდა დაიწყოს და მოხარული ვართ, რომ BTU-ში გაჟღერებულ ინიციატივას ასეთი მნიშვნელოვანი მხარდაჭერა აქვს გაეროს ხელოვნური ინტელექტის ცენტრისგან,’’ - განაცხადა ბიზნესისა და ტექნოლოგიების უნივერსიტეტის რექტორიმა ნინო ენუქიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
