15 წლის ლუკა სი­რა­ძის გარ­დაც­ვა­ლე­ბამ სა­ზო­გა­დო­ე­ბა შეძ­რა. მო­ზარ­დი, რო­მელ­მაც პო­ლი­ცი­ა­ში და­კი­თხვის შემ­დეგ თვით­მკვლე­ლო­ბა სცა­და, რამ­დე­ნი­მე დღე ებ­რძო­და სიკ­ვდილს, თუმ­ცა სამ­წუ­ხა­როდ, მისი გა­დარ­ჩე­ნა ვერ მო­ხერ­ხდა.

ფაქტთან და­კავ­ში­რე­ბით, შსს-სთან აქ­ცი­ის მო­ნა­წი­ლე­ე­ბი შე­იკ­რიბ­ნენ. მათ ავ­ტო­მო­ბი­ლე­ბის სა­ვალ ნა­წილ­ზე წარ­წე­რე­ბი ე.წ. "პუ­ლი­ვი­ზა­ტო­რე­ბით" და­წე­რეს: "ამ ცხოვ­რე­ბის დე­დაც!", "ამ სის­ტე­მის დე­დაც", "ამ რე­ჟი­მის დე­დაც!", "ნუ მომ­კლავ", არ მომ­კლა", "აბა და­მი­ჭი­რე თუ შე­გიძ­ლია" , "სის­ტე­მა კლავს" და ა.შ.

"ფე­ის­ბუქ­ზე" ეხ­მა­უ­რე­ბი­ან მო­ზარ­დის გარ­დაც­ვა­ლე­ბის ფაქტს ინ­ტერ­ნეტ­მომ­ხმა­რებ­ლე­ბი:

გია მურ­ღუ­ლია, პე­და­გო­გი, თბი­ლი­სის 24-ე სა­ჯა­რო სკო­ლის დი­რექ­ტო­რი:

ასევე დაგაინტერესებთ

00:55 / 18-12-2019

მეუფე მელქისედეკი - "იქნებ გავიაზროთ, რომ ჩვენს შვილებს საკუთარი ხელითვე ვხოცავთ, რაშიც ლომის წვლილი სასულიერო პირებს მიგვიძღვის"

16:45 / 18-12-2019

"არასრულწლოვანზე ზეწოლას პოლიციის კიდევ მინიმუმ 3 თანამშრომელი ახორციელებდა" - საია

"რო­დე­საც 15 წლის ბიჭი თავს იკ­ლავს, სა­კუ­თარ თავს კი­თხვა უნდა და­ვუს­ვათ - რო­გორ ვცხოვ­რობთ ჩვენ?

რა­ტომ არ ეში­ნი­ათ (მათ­თვის მხო­ლოდ ამ სი­ტყვას აქვს რე­ა­ლუ­რი მნიშ­ვნე­ლო­ბა) გა­რეწ­რებს, ადა­მი­ა­ნებს არა­ა­და­მი­ა­ნუ­რად მო­ექ­ცნენ?

რა­ტომ ეგუ­ე­ბა მუდ­მი­ვად ჩვე­ნი სა­ზო­გა­დო­ე­ბა ფი­ზი­კურ თუ სუ­ლი­ერ ძა­ლა­დო­ბას და სწრა­ფად­ვე რა­ტომ ივი­წყებს მის მსხვერ­პლს?!

რა­ტომ გვე­ად­ვი­ლე­ბა ასე სხვა­თა ტრა­გე­დია?

ის სი­ცო­ცხლით სავ­სე იყო. არ უნ­დო­და სიკ­ვდი­ლი. სურ­და მე­გობ­რო­ბა, სურ­და სიყ­ვა­რუ­ლი, სურ­და გა­მარ­ჯვე­ბე­ბი, სურ­და ბედ­ნი­ე­რე­ბა. ამის სა­ნაც­ვლოდ მან სი­ძულ­ვი­ლი და ჩვე­უ­ლებ­რი­ვი ქარ­თუ­ლი "სულ ერ­თია" მი­ი­ღო.

მაგ­რამ ეს ხომ არ არის სა­ქარ­თვე­ლო?! სად წა­ვი­და ჩვე­ნი მშვე­ნი­ე­რი ქვე­ყა­ნა - თა­ნად­გო­მი­თა და სიყ­ვა­რუ­ლით სავ­სე და ძლი­ე­რი? ის ხომ ისევ აქ არის?! ჩვენ ყვე­ლა­ნი ხომ ისევ აქ ვართ?! განა ჩვენ და­ვიმ­სა­ხუ­რეთ, რომ ამ­დე­ნი ტრა­გე­დია ერ­თად დაგ­ვა­ტყდა თავს? ეს კი­თხვა ძა­ლი­ან ხმა­მაღ­ლა უნდა და­ვუს­ვათ ერ­თმა­ნეთ­საც და სა­კუ­თარ თავ­საც.

განა უბ­რა­ლოდ საღი აზრი არ გვი­ბიძ­გებს, რომ რა­ღაც შევ­ცვა­ლოთ? გო­ნი­ე­რე­ბა თუ არა, სიფრ­თხი­ლე სად გაქ­რა?

ამ ღი­მი­ლი­ა­ნი ბი­ჭის სრუ­ლი­ად ალო­გი­კურ­მა და და­მან­გრე­ველ­მა სიკ­ვდილ­მა უამ­რა­ვი კი­თხვა და­ბა­და. ჩვე­ნი ვა­ლია, მათ ვუ­პა­სუ­ხოთ.

ახლა უნდა ავირ­ჩი­ოთ: ისე მო­ვიქ­ცეთ, რო­გორც ღირ­სე­უ­ლი ხალ­ხი და სა­ხელ­მწი­ფო იქ­ცე­ვა და პრინ­ცი­პუ­ლი გა­და­წყვე­ტი­ლე­ბე­ბი მი­ვი­ღოთ (სა­მარ­თლის, სო­ცი­ა­ლუ­რი პა­სუ­ხის­მგებ­ლო­ბი­სა და გა­ნათ­ლე­ბის სის­ტე­მის ორ­გა­ნი­ზე­ბის მი­მარ­თუ­ლე­ბი­თაც), ან უბ­რა­ლოდ გა­ვაგ­რძე­ლოთ უზ­რუნ­ვე­ლი ცხოვ­რე­ბა მომ­დევ­ნო ტრა­გე­დი­ამ­დე.

მე­ო­რე ცუდი გა­და­წყვე­ტი­ლე­ბა იქ­ნე­ბა.

ასე ძა­ლი­ან გა­ვუ­ში­ნა­ურ­დე­ბით სიკ­ვდილს - სხე­უ­ლი­საც და სუ­ლი­საც. აქე­დან კი ძა­ლი­ან ახ­ლოს არის ის წერ­ტი­ლი, რომ­ლის შემ­დე­გაც უკან ვე­ღარ ბრუნ­დე­ბი­ან".

ანა აბა­ში­ძე, უფ­ლე­ბა­დამ­ცვე­ლი:

"ადა­მი­ა­ნე­ბი თუ ხართ ყვე­ლა გა­დად­გე­ბით და აღა­რას­დროს დაბ­რუნ­დე­ბით ამ სის­ტე­მა­ში! მაგ­რამ ვიცი რომ არ იზამთ ამას, არც ეს საქ­მე იქ­ნე­ბა გა­მო­ძი­ე­ბუ­ლი და თქვე­ნი მყრა­ლი სუნი მო­ი­ცავს მთელ ქვე­ყა­ნას! იყა­ვით ახლა და იმარ­თლეთ თავი. ყვე­ლა დღე უყუ­რეთ სარ­კე­ში ბავ­შვის სის­ხლის­მსმელ თქვენ სა­ხე­ებს!"

სა­ლო­მე ასა­თი­ა­ნი, ჟურ­ნა­ლის­ტი:

"სა­პო­ლი­ციო სა­დიზმს და სი­სას­ტი­კეს ჩვე­ნი ხე­ლი­სუფ­ლე­ბე­ბი არ შეც­ვლი­ან. იმი­ტომ, რომ მათი ძა­ლა­უფ­ლე­ბა ზუს­ტად ამ სა­დიზ­მზე დგას და სხვა არა­ფერ­ზე.

სა­ხელ­მწი­ფოს რეპ­რე­სი­ულ აპა­რა­ტებ­ზე - პო­ლი­ცი­ე­ლებ­ზე, რომ­ლე­ბიც 15 წლის აღელ­ვე­ბულ თი­ნე­ი­ჯერს და­ა­კა­ჩა­ვე­ბენ და თავს მო­აკ­ვლე­ვი­ნე­ბენ, რომ­ლე­ბიც 22 წლის დე­მურ სტუ­რუ­ას მან­ქა­ნა­ში გა­ლა­ხა­ვენ და თავს მო­აკ­ვლე­ვი­ნე­ბენ, სპეც­რაზმზე, რო­მე­ლიც საპ­რო­ტეს­ტო აქ­ცი­ებ­ზე გა­მო­სუ­ლებს თვა­ლებს დაგ­ვთხრის და საჩ­ვე­ნე­ბელ სა­დამ­სჯე­ლო ოპე­რა­ცი­ებს მოგ­ვი­წყობს.

სის­ტე­მა­ზე, რო­მე­ლიც ყო­ველ­დღე, ყო­ველ წამს, ახ­ლაც, როცა ჩვე­ნი ფე­ის­ბუ­კის "ბუშ­ტი" ლუკა სი­რა­ძის ტრა­გე­დი­ით აფეთ­ქდა, დიდი ალ­ბა­თო­ბით ასო­ბით და ათა­სო­ბით ადა­მი­ანს ატე­რო­რებს და აში­ნებს - თბი­ლი­სის გა­რე­უბ­ნებ­ში, რე­გი­ო­ნებ­ში, იქ, სა­დაც გა­ნუ­კი­თხა­ო­ბა და უძა­ლო­ბა სუ­ფევს.

ესაა ის ძირ­მომ­პა­ლი და მან­კი­ე­რი სა­ძირ­კვე­ლი, რო­მელ­საც მთე­ლი ჩვე­ნი მან­კი­ე­რი პო­ლი­ტი­კუ­რი სის­ტე­მა ეფუძ­ნე­ბა. და სა­ნამ პრობ­ლე­მის ფესვს მკა­ფი­ოდ არ და­ვი­ნა­ხავთ და რა­ღაც ფუნ­და­მენ­ტურს არ მო­ვი­მოქ­მე­დებთ, არა­ფე­რი შე­იც­ვლე­ბა. ბო­ლოს და ბო­ლოს სე­რი­ო­ზუ­ლად უნდა მოვ­კი­თხოთ "სის­ტე­მას", რა უნდა და რა­ტომ სრესს ასე და­უნ­დობ­ლად და­უც­ველ ადა­მი­ა­ნებს. ამა­ზე მნიშ­ვნე­ლო­ვა­ნი და ამა­ზე მთა­ვა­რი მარ­თლა არა­ფე­რია სხვა".

მე­რაბ მეტ­რე­ვე­ლი, ჟურ­ნა­ლის­ტი:

"მინ­და "ოც­ნე­ბის" ყვე­ლა დე­პუ­ტატ­მა, წევ­რმა და მხარ­დამ­ჭერ­მა იცო­დეს, რომ 15 წლის ლუკა სი­რა­ძის სიკ­ვდი­ლი მათ სინ­დის­ზე­ცაა. თქვენ­მა მამა-მარ­ჩე­ნალ­მა უც­ვლე­ლად გად­მო­ი­ბა­რა მკვლე­ლი სის­ტე­მა, თა­ვი­სი ჯა­ლა­თი პო­ლი­ცი­ე­ლე­ბით, ჯა­ლა­თი პრო­კუ­რო­რე­ბით, ჯა­ლა­თი მო­სა­მარ­თლე­ე­ბით და თქვენ ამა­ზე ხმა არ ამო­ი­ღეთ, უფრო მე­ტიც, მხა­რი და­უ­ჭი­რეთ, გა­აპ­რა­ვეთ ეს ყვე­ლა­ფე­რი. რამ­დე­ნი­მე თქვენ­მა წევ­რმა სწო­რედ ამის გამო და­ტო­ვა "ოც­ნე­ბა" ( ზოგ­მა ადრე, ზოგ­მა გვი­ან), თქვენ კი ბო­ლომ­დე დარ­ჩით და დღემ­დე აპ­რა­ვებთ ამას, ამი­ტომ ამ ბავ­შვის სიკ­ვდილ­ზე პა­სუ­ხის­მგებ­ლე­ბი თქვენც ხართ!"

ჯანა ჯა­ვა­ხიშ­ვი­ლი, ფსი­ქო­ლო­გი:

"დიდი უბე­დუ­რე­ბა მოხ­და. გარ­და­იც­ვა­ლა 15 წლის ლუკა სი­რა­ძე. ეს ყვე­ლა ჩვენ­თა­გა­ნის სირ­ცხვი­ლი და პა­სუ­ხის­მგებ­ლო­ბაა. სა­ზო­გა­დო­ე­ბის, ვინც საკ­მა­რი­სად ვერ გა­ვაპ­რო­ტეს­ტეთ ჩვე­ნი მო­ქა­ლა­ქე­ე­ბის დარ­ბე­ვა და თვა­ლე­ბის და­თხრა ძა­ლო­ვა­ნე­ბის მხრი­დან.

ხე­ლი­სუფ­ლე­ბის, ვინც მო­ქა­ლა­ქე­ე­ბის დარ­ბე­ვის, და ბევ­რი სხვა მსგავ­სი საქ­მე, ხო­რა­ვას ქუ­ჩის ტრა­გე­დი­ით და­წყე­ბუ­ლი მა­ჩა­ლი­კაშ­ვი­ლის მკლვლე­ლო­ბით დამ­თავ­რე­ბუ­ლი, ჩა­ფარ­ცხა და დამრბე­ვე­ბი და­ა­წი­ნა­უ­რა. ხელ­მძღვა­ნე­ლო­ბის, ვინც პო­ლი­ცია ისე და­გე­შა რომ 15 წლის ბიჭს ან­ტიჰუ­მა­ნუ­რად მო­ე­პყრო.

სკო­ლი­სა, რო­მელ­მაც ბი­ჭის პრობ­ლე­მა ვერ და­ი­ნა­ხა და არ სცა­და დახ­მა­რე­ბო­და. ოჯა­ხის, ვინც იგი ვერ და­იც­ვა".

მა­ნა­ნა თოქ­მა­ჯიშ­ვი­ლი, თბი­ლი­სის მე­რი­ის მე­დი­ას­თან ურ­თი­ერ­თო­ბის სამ­სა­ხუ­რის უფ­რო­სი:

"ვიდ­რე ჩვენ ვიბ­რძვით არ­სე­ბო­ბის­თვის, ვჩხუ­ბობთ ათა­სი უაზ­რო­ბის გამო, ვცდი­ლობთ ზი­ზღით და სი­ძულ­ვი­ლით სავ­სე სამ­ყა­რო­ში მყა­რი ად­გი­ლი მო­ვი­პო­ვოთ, ყუ­რა­დღე­ბის მიღ­მა გვრჩე­ბა ყვე­ლა­ზე მთა­ვა­რი-შვი­ლე­ბი, რომ­ლე­ბის­თვის დრო არას­დროს გვაქვს, არ ვი­ცით რა ტკი­ვათ, რა აწუ­ხებთ. ყვე­ლა­ფე­რი სი­სუ­ლე­ლეა ამ დიდი ტრა­გე­დი­ის ფონ­ზე..."

დაჩი გრძე­ლიშ­ვი­ლი, ჟურ­ნა­ლის­ტი:

"აქ­ცი­ი­დან აქ­ცი­ამ­დე; პო­ლი­ცი­ი­დან - სა­სა­მარ­თლომ­დე; საკ­რე­ბუ­ლო­დან - მავ­თულხლარ­თე­ბამ­დე; პარ­ლა­მენ­ტი­დან-კან­ცე­ლა­რი­ამ­დე... ისე­თი გან­ცდა მაქვს რომ ადა­მი­ა­ნე­ბი მხო­ლოდ გა­რეთ, ქუ­ჩა­ში დარ­ჩნენ - სხვა­გან ყველ­გან ცხო­ვე­ლე­ბი არი­ან გა­მაგ­რე­ბუ­ლი - უსულ­გუ­ლო, გულღრძო და თავ­ხე­დი ცხო­ვე­ლე­ბი... ამ ცხოვ­რე­ბის დე­დაც!"

უჩა ნა­ნუ­აშ­ვი­ლი, ყო­ფი­ლი სა­ხალ­ხო დამ­ცვე­ლი:

"სის­ტე­მა უნდა და­ინ­გრეს! სის­ტე­მა, რო­მე­ლიც კლავს, ძა­ლა­დო­ბა კლავს! გულ­გრი­ლო­ბაც! ბავ­შვი არაა პრი­ო­რი­ტე­ტი! ესაა ბავ­შვთა უფ­ლე­ბე­ბის კუ­თხით არ­სე­ბუ­ლი მდგო­მა­რე­ო­ბის შე­ჯა­მე­ბა. პ. ს. თა­ნაგ­რძნო­ბა გარ­დაც­ვლი­ლის ოჯახს და ახ­ლობ­ლებს. კმა­რა!"

ლე­ვან ჯო­ბა­ვა, ჟურ­ნა­ლის­ტი:

"აქ შე­მო­ხედ­ვის სულ მე­ში­ნო­და, სულ მე­ში­ნო­და რომ ეს ამ­ბა­ვი ასე დას­რულ­დე­ბო­და! ეს ტრა­გე­დი­აა, რო­მე­ლიც გაც­ლის ძა­ლას, ფე­რებს, სურ­ვი­ლებს! ახლა ყვე­ლა ვგლო­ვობთ ამ ბი­ჭის ამ­ბავს! ახლა ყვე­ლას გვტკი­ვა! ყვე­ლა თა­ვი­სე­ბუ­რად გა­მოვ­ხა­ტავთ ამ ტკი­ვილს! სამ­წუ­ხა­როა, მაგ­რამ გა­ივ­ლის ერთი კვი­რა ან 10 დღე და "ყვე­ლას" ნაც­ვლად დარ­ჩე­ბა "ცოტა"!

ცოტა ვინ­მე თუ იგ­ლო­ვებს და ცოტა ვინ­მეს თუ გა­ახ­სენ­დე­ბა ეს ტრა­გე­დია! სა­ა­ხალ­წლო გან­წყო­ბა შთან­თქავს ამ ტრა­გე­დი­ას და მო­მა­ვალ წელს ამ დროს ფბ - მე­მო­რი გა­ახ­სე­ნებს სა­ზო­გა­დო­ე­ბას თუ რა "ძლი­ე­რია" ადა­მი­ა­ნი და რო­გორ ეგუ­ე­ბა ყვე­ლა­ფერს.

ვცდე­ბი? კარ­გია თუ ვცდე­ბი, ე.ი ვვი­თარ­დე­ბით რო­გორც სა­ზო­გა­დო­ე­ბა!

სა­ზო­გა­დო­ე­ბის სიძ­ლი­ე­რი იმით იზო­მე­ბა ჩემ­თვის , თუ რისი დათ­მო­ბა შე­უძ­ლია ადა­მი­ანს მე­ო­რე ადა­მი­ა­ნის­თვის!

მე ამ ბი­ჭის წი­ნა­შე თავს დამ­ნა­შა­ვედ ვთვლი! პე­ტი­ცი­ე­ბის წერა, სტა­ტუ­სე­ბის წერა "მარ­ტი­ვი" გა­მო­სა­ვა­ლია! ლან­ძღვა/გი­ნე­ბა და აგ­რე­სი­უ­ლი გა­მოს­ვლე­ბი უა­რე­სი მა­გა­ლი­თია ლუ­კას თა­ნა­ტო­ლე­ბის­თვის!

მე არ ვი­ზე­ი­მებ ახალ წელს! არც სახ­ლს მოვ­რთავ! არც სა­ა­ხალ­წლო სუფ­რას გავ­შლი! არც ვინ­მეს მო­გი­ლო­ცავთ და თქვენც ნუ შე­წუხ­დე­ბით! სულ მზად ვი­ყა­ვი და მზად ვარ მო­ვუს­მი­ნო, ვე­მე­გობ­რო და მხარ­ში და­ვუდ­გე მო­ზარ­დებს! ბო­დი­ში ლუკა, მეტი არა­ფე­რი შე­მიძ­ლია!"

არ­ჩილ გამ­ზარ­დია, ექ­სპერ­ტი:

"თა­ვის დრო­ზე, რომ არ "ეპ­რა­ვე­ბი­ნა" გულ­შე­მატ­კი­ვარს "ნუ­ლო­ვა­ნი ტო­ლე­რან­ტო­ბის" იდეა, რომ არ ემარ­თლე­ბი­ნა წინა ხე­ლი­სუფ­ლე­ბა ყვე­ლა გა­დაც­დო­მა­ში, სი­სას­ტი­კე­ში, ზუს­ტად რომ და­ერ­ქვა სა­ხე­ლი ყვე­ლაფ­რის­თვის და წი­ნა­აღ­მდე­გო­ბა გა­ე­წია თა­ვი­სი­ვე რჩე­უ­ლი ხე­ლი­სუფ­ლე­ბი­სათ­ვის...

ეს წლე­ბი, "ნა­ცი­ო­ნა­ლე­ბის" ჯი­ნა­ზე, ყვე­ლა­ფერ­ში კვე­რი რომ არ ეკრა გულ­შე­მატ­კი­ვარს "ქარ­თუ­ლი ოც­ნე­ბი­სათ­ვის", პა­სუ­ხი მო­ე­თხო­ვა ხე­ლი­სუფ­ლე­ბი­სათ­ვის უამ­რა­ვი უსა­მარ­თლო­ბის გამო, "ქარ­თუ­ლი ოც­ნე­ბის" ხე­ლი­სუფ­ლო­ბი­სას სის­ტე­მი­სას და­ხო­ცი­ლი ადა­მი­ა­ნე­ბის გამო...

პარ­ტი­ულ გულ­შე­მატ­კივ­რო­ბა­სა თუ მტრო­ბა­ზე მე­ტად, მარ­თლაც რომ გვა­დარ­დებ­დეს ჩვე­ნი თა­ნა­მო­ქა­ლა­ქე­ე­ბი და ერ­თმა­ნე­თის სი­ცო­ცხლე გვა­ღელ­ვებ­დეს...

ალ­ბათ დღემ­დე მუდ­მი­ვად სას­ტი­კი სის­ტე­მე­ბით არ მო­ვი­დო­დით, ჯერ ადრე და მერე შემ­დეგ სწო­რედ ეს სი­ფხიზ­ლე და წი­ნა­აღ­მდე­გო­ბა შე­არ­ბი­ლებ­და სის­ტე­მას.

ახლა, რამ­დე­ნის ცრემ­ლია ნი­ან­გის ცრემ­ლი­ვით... თა­ვის­თვის სა­სურ­ველს რომ უმარ­თლებს სი­სას­ტი­კეს და თა­ვის­თვის არა­სა­სურ­ველს - უმტყუ­ნებს მხო­ლოდ.

სა­ნამ ჩვე­ნი შვი­ლე­ბის სი­ცო­ცხლე პო­ლი­ტი­კა­ზე ძვირ­ფა­სი არ გახ­დე­ბა და სა­ნამ უსა­მარ­თლოდ შე­ეც­დე­ბა ბევ­რი თა­ვი­ან­თი ბე­ლა­დის გა­მარ­თლე­ბას, მა­ნამ­დე ეს სი­სას­ტი­კე სის­ტე­მის მუდ­მი­ვად იქ­ნე­ბა, მხო­ლოდ პერ­სო­ნა­ლი­ე­ბი შეც­ვლი­ან ერ­თმა­ნეთს"