სპორტული კლუბი „რეფორმა“ ერთი წლისაა

სპორტული კლუბი "რეფორმა" ერთი წლის გახდა - ამ თარიღის აღსანიშნად და ჯანსაღი ცხოვრების პროპაგანდისათვის, წვეულებაზე ცნობილი სახეები შეიკრიბნენ.

ღონისძიებაზე მისულ სტუმრებს გათამაშება და სხვადასხვა კომპანიის მიერ დაწესებული უამრავი საჩუქარი დახვდათ. საჩუქრების გათამაშების შემდეგ, მოწვეული სტუმრებისთვის რესტორან „ატრიუმში“ წვეულება გაიმართა, რომელსაც მუსიკალურად მომღერალი, ნათია დუმბაძე და ბენდი აფორმებდა.

გიორგი არაბიანი "რეფორმას" დამფუძნებელი:

"უკვე ერთი წელია რაც ქართულ ბაზარზე ვართ, ჩვენთვის "რეფორმა" არამარტო ბიზნესი, არამედ ჯანსაღი ცხოვრების პროპაგანდა და დამკვიდრების საშუალებაა, იმისათვის რომ ჯანმრთელად ვიყოთ, ყოველდღე უნდა ვიყოთ ტონუსში.

იმედი გვაქვს ჩვენი აქტივობები შედეგს გამოიღებს და დავამკვიდრებთ ჯანსაღი ცხოვრების წესს" - აღნიშნა "რეფორმას" დამფუძნებელმა.

აღსანიშნავია, რომ სპორტსმენები და ცნობილი ადამიანები ჩაერთნენ კამპანიაში „არ გადადო ვარჯიში ხვალისთვის!“ ტიტულოვანმა ჩემპიონმა ძალოსანმა ლაშა ტალახაძემ, კალათბურთელმა ანატოლი ბოისამ, მორაგბე გიორგი ჭყოიძემ ჩაწერეს მოკლე ვიდეომიმართვები, სადაც ვარჯიშის და ჯანმრთელი ცხოვრების წესის აუცილებლობაზე საუბრობენ.

წარმატებული და ცნობილი ადამიანების მაგალითები ყველაზე დიდ გავლენას ახდენს ახალგაზრდობაზე, ამიტომ მათ იმედი აქვთ, რომ ბევრი ადამიანის ცხოვრებას შეცვლიან უკეთესობისკენ.

სპორტული კლუბი „რეფორმა“ ყველაზე დიდი სპორტული კომპლექსია საქართველოში, რომელიც აერთიანებს: ფიტნესს, სპინინგს, მკლავჭიდს, ბრძოლა წესების გარეშეს, აერობიკას, ზუმბას. „რეფორმაში“ შეგიძლიათ მიიღოთ, ასევე სოლარიუმის და მასაჟის მომსახურება.

პროფესიონალი ინსტრუქტორების და საუკეთესო აღჭურვილობის წყალობით, „რეფორმას“ ბევრი ერთგული მომხმარებელი ჰყავს.

"რეფორმა" მოგიწოდებთ, იყოთ მუდამ ენერგიული, არ გადადოთ ვარჟიში ხვალისათვის, არ გადადოთ საკუთარ თავზე ზრუნვა და შეუერთდეთ ჯანსაღი ცხობრების წესს კომფორტულ გარემოში, მაღალკვალიფიციური ინსტრუქტორების დახმარებით.

ავტორი: ლიდია ამარიანი